العربيه رجعت الحمدلله

[andrew uwj]

باختصار كده العربيه اتسرقت و الحمدلله رجعت بطريقه معجزيه
بس الحرميه مكسرين الكونتاكت و خالعينه و كل السلوك طالعه و متبهدله
انصحوني كده اجيب الحجات دي منين و ازاي و هل هحتاج ابرمج المفتاح تاني ولا ايه و في حد في الحرفيين عنده كل الكلام ده ولا ايه اسف علي الاطاله
العربيه لسه راجعه من ساعه تقريبا

[hagagatc]

الحمد لله والف مبروك انها رجعت
بالنسبه للكونتاكت حتجيب واحد استيراد وحتروح عند واحد بتاع مفاتيح حيطيع المفتاح بتاعك مع الكونتاكت الجديد وطبعا ىبالنسبه للباقي انا معرفش ايه الي الي باظ تاني الكهربائي هو الي حيحدد

[احمد فهمى]

هتشتري كل اللي اتكسر استيراد وهتروح ركه بائي بتاع لوبل يوصلك كل السلوك وبتاع مفاتيح يولف لك الكالون بس ازاى رجعت بعد السرقه ما توضح لنا

[rabeden]

الحمد لله

[amr011111]

ألف مبروك وربنا يحفظهالك

[muhmado_furp]

معلش علي الخسارة بس ان شاء الله ترجع زي ماكانت
الحمدلله علي كل شئ

[bluemail]

اولا الف مبروك انها رجعت وفداك الكونتاكت
زي كا قال الزملاء هنا هتجيب الحاجه استيراد وتروح لبتاع مفاتيح كويس يظبطلك المفتاح على الكونتاكت الجديد

[andrew uwj]

استاذ احمد انا هاحكي كل حاجه بالتفصيل طبعا

بس اجيب الحاجه دي منين من العايدي؟

[andrew uwj]

و العربيه ممكن تدور بالسلوك كده ولا لا علشانرالاموبليزر
و تعرفوا حد كهربائي كويس في الحرفين اعمل عنده كل حاجه

[andrew uwj]

سؤال اخير معلش طولت اوي عليكم العربيه مفتاحها ضاع و انا معايا المفتاح التاني هل هحتاج اغير الكوالين ولا بتتبرمج و بس علشان مش فاهم

[saybar_3]

اذاي العربيه تتسرق و هيا فيها شفره
والف مبروك علي رجعها بسلامه

[ayman hamdy]

اعتقد الموديل دة مفيهوش ايموبلايزر اعتقد من بعد ٩٧ نزلت بايموباليزر
كدة تعمل اى مفتاح عادى من غير برمجة ولا غيره بس لازم تركب بعد كدة جهاز أنذار علشان العربية دة هتكون معرضة للسرقة فى اى وقت زيها زى اى عربية مفيهاش ايموبلايزر او حاول كهربائى كويس بركب لك ايموبلايزر وتريح بالك
تحياتى

[andrew uwj]

اولا العربيه فكترا بي موديل 2000
اللي حصل هو ان العربيه كانت مع والدي في المرج الجديده جت عربيه نصف نقل وقفت قدامه و نزل منها 2 معاهم سلاح و اخدوا العربيه و هي دايره بعد كده والدي اتصل بيا رحتله و رحنا القسم نعمل محضر قسم الخانكه
ابويا قابل الظابط و فضلنا مستنين ساعتين بعد كده جالي تلفون من البيت ان في ظابط من قسم السلام و بيقول ان العربيه هنااك
دخلت لمأمور قسم الخانكه و قلتله حصل كذا كذا و عايزين نتأكد الكلام ده مظبوط ولا نصب بصراحه المأمور محترم جدا نده لظابط و قاله اتاكدلي من الكلام ده الظابط كلم القسم التاني و اتاكد من الكلام ده
و بعد كده رحنا قسم السلام و استلمنا العربيه من غير ولا محضر ولا حاجه و لا حتي مضينا علي استلام العربيه و لا اي حاجه

فلم هندي صح
بس في الاخر الحمد لله ان ابويا بخير و العربيه رجعت
اه نسيت صح اللي حصل في العربيه هو الاكصدام اللي قدام واقع و محطوط علي الكنبه
كل اللي تحت الطاره متكسر من كونتاكت و كابلات و كل ده الاسلاك كلها طالعه
و لقيت بورده صغيره كده مرميه في الدواسه