مطلوب رأى أخواتى فى تسعير العربية

[محمود الشافعى]

السلام عليكم ورحمة الله وبركاته
انا عايز اخد رأيكم فى تغيير العربية أجيب ايه فى حدود 60 أو بحد اقصى 65 ألف جنيه وتكون عربية عفشة قوية وصالون واسع وشنطة واسعة حاجة تستحمل مطبات مصر المحروسة خصوصا انى بحمل كتير فى العربية
وعايز اعرف رأيكم فى عربيتى تسوى كام
هى أوبل فيكترا موديل 2000 موتور 1600 سىسى بفتيس f18 موتور اسود 1 كامة فئة GLS
الحالة العامة:
الدهان الداخلى الحمد لله رقم 1
الدهان الخارجى رش كامل ما عدا السقف والشنطة الجزء اللى فوق وفيها بعض الخرابيش مردودة على البارد لانها الحمد لله مافيهاش معجون
الاكصدام اللى قدام شكله مش حلو محتاج رش او تغيير للى غاوى
والفوانيس الخلفية الوش فيه حتة مكسورة بس الفوانيس نفسها سليمة
العفشة الحمد لله حالتها حلوة بس احيانا بحس بصوت تزييق
ولمبة ال ABS احيانا بتنور شوية وبعدين تطفى لوحدها
ده اللى فاكره بالنسبة للعيوب
المميزات : 4 زجاج كهربا + مرايات كهرباء + مرايات ضم كهرباء +مفتاح ريموت+ كتالوج السيارة + العداد 164000 كيلو +فوانيس شبورة + الفرامل الخلفية سكينة + كاسيت الاصلى + طارة مالتى ميديا تعمل مع الكاسيت + 4 كاوتش بحالة ممتازة 2 هانكوك ماعملوش تقريبا 5000 كيلو و2 اكليز ماكملوش 10000 كيلو+ بطارية جافة اى سى ديليكو 74 أمبير لسة فى الضمان + التيل الخلفى والامامى متغيرين + الصالون الاصلى بحالة ممتازة + التكييف لسه مغيره استيراد (كباس+سربنتينة+ كابس الشجرة )

[محمود الشافعى]

تاريخ شراء الكاوتش الهانكوك شهر 9/2014
والبطارية 7/2014
وبرده علبة الشكمان الاخيرة كان فيها حتة بارومة ولحمتها بس ما غيرتهاش
وكل حاجة عملتها فى العربية موجودة على صفحتى الخاصة

[Ahmed emad has]

ممكن في حدود 58 بس مش متاكد من سعر العربية دي

[احمد فهمى]

من 50 ل55 ممكن تزيد الف او اتنين لو حاله نادره السكينه الخلفيه ده هو معدلها ﻷنها مش بتنزل كده والدركسيون نفس الوضع

[al_manara]

48 الف

[محمود الشافعى]

معلش رأيكم طب اى عربية احسن فى حدود 60 ل 65 الف
انا بفكر فى (اوبترا 2006 - ميجان 2 - سوزوكى فيتارا - مش عارف اوكتافيا فى حدود المبلغ ولا لاء )

[al_manara]

معلش رأيكم طب اى عربية احسن فى حدود 60 ل 65 الف
انا بفكر فى (اوبترا 2006 - ميجان 2 - سوزوكى فيتارا - مش عارف اوكتافيا فى حدود المبلغ ولا لاء )

عربيتك احسن .
والاوكتافيها حلوة بس لو هاتغير هات اوتوماتيك وهتلاقيها فوق ال 65