إعـــــــلان

Collapse

.

,
See more
See less

مشكلة غلبتني فى دوارة كورسا 1200 رجاء المساعدة

Collapse
X
 
  • Filter
  • الوقت
  • Show
Clear All
new posts

  • #16
    اييية يا رجالة رجعتلكم بعد عناء اسبوعين ولسة المشكلة موجودة
    غيرت موبينه و مشط وكبلات وبوجيهات واسبراتير يعني طقم الكهربا كله اتغير ...العربية اشتغلت اسبوع قمت سايبها اربع ايام من غير دوارة عشان اشوف العيب راح ولا لسة دورتها الخميس اللي فات بعد ركنه اربع ايام دارت بسرعة من لفتين مارش رحت بيها مشوار ورجعت كانت زي الفل
    جيت ادورها السبت اللي هوا امبارح مدارتش مارش بس نفس العيب الاول
    فا دلوقتي احصر ام العيب دة ازاي ؟؟؟اية اللي ممكن يسبب العيب دا غير الكهربا
    1- فبرة الكونتاكت ممكن تعمل كدة ؟؟
    2- حساس الكولنت ممكن يعمل كدة؟؟؟ (غيرته استعمال مع الكاربرتير)
    3- الطلمبة سليمة
    4- البطارية ممكن تكون ضعيفة ومش بتقوم المارش ( عدد لفات المارش سريعة عند الدوارة وصوت المارش طبيعي)

    لما ببطل واسبها ساعة وارجع ادورها بدور من نص لفة ماش

    Comment


    • #17
      في حاجه من الحاجات اللي إنت غيرتها مش مظبوطه ..الموبينه مش أصلية ..البوجيهات مرطبه ومش كويسه ..دي من الآخر مشكلة كهربا ..بص ..المشكلة اللي تحصل بعد ركنه ..دي بتبقى مشكلة كهربا..مش هتطلع عن كده ...إستنى كده ..إفتكرت ..بالنسبه لفلتر البنزين لما بتيجي تدور العربيه بعد ركنة الأربع أو خمس أيام ..بيبقى في بنزين ..ولا بيبقى فاضي ..؟؟؟
      [SIGPIC][/SIGPIC]--------

      m_m_sh_a سابقا

      Comment


      • #18
        فلتر البنزين ابص عليه ازاي وهوا تحت العربية و كمان دا معدن مش شفاف زي العربيات الكاربرتير
        طب واية وجهة نظرك عن موضوع الفلتر دا؟؟قصدك طلمبة البنزين تكون بتركن

        Comment


        • #19
          بص..في العربيات الكاربراتير لما كان صاحب العربيه يشتكي من تأخير في الدواره وخصوصا بعد ركنة العربيه يوم وإتنين ..كان الميكانيكي بيسأل السؤال ده دايما ...فلتر البنزين لما بتيجي تدور بعد الركنه الطويلة اللي بتعمل مشكلة ..بيبقى فيه بنزين ولا لأ ..لو قلتله لأ ..بيبقى الفلتر فاضي ..يقولك علطول رداخ بنزين ..ويقوم مغير رداخ ..طبعا طرمبة البنزين عندك كهربا ..ومفيهاش رداخ ..بس برضه معرفتك للمعلومة دي هيخلينا نحدد العيب في الطرمبه ولا لأ ..طيب بص ..بما إن الفلتر تحت العربيه ومش شفاف ..لما تيجي تدور بعد ركنة طويله ..اللي هي الركنه اللي بتعملك المشكلة ..فك الخرطوم اللي طالع من فلتر البنزين ..مش اللي داخل ..لأ ..اللي طالع من فلتر البنزين رايح على المكنة ..وإفتح كونتاكت ..وشوف مع صوت الطرمبة اللي هي الزنه دي ..هتلاقي بنزين طالع من الفلتر ولا لأ ..بص ..خلي حد يفتح لك كونتاكت وبص إنت على الفلتر ..بس خلي بالك عشان عينك
          [SIGPIC][/SIGPIC]--------

          m_m_sh_a سابقا

          Comment

          Working...
          X