سمكرة عند منصور

[Forzamilan]

السلام عليكم
انا معايا اوبل استرا جديدة لسة في الضمان .. اتخبطت و ممكن تحتاج رش و ممكن اسيبها مش مستاهلة اوي .. وانا مأمن عليها و عندي سمكري عشرة و شاطر و دايماً موجب معايا فعربيتي و عربيات صحابي كمان و ساعات مش بحاسب كمان .. الفكرة عشان اول سنة و العربية جديدة و كدة شغل التوكيل في السمكرة و الرش حاجة متميزة يعني عن شغل برة تستاهل اقول خليني في التوكيل انضف و كدة ؟ و لا شغلهم اصلاً مش حلو و خليني زي مانا برة و كدةًكدة التأمين حيحاسب في الحالتين

[ayman hamdy]

ما دام التأمين هيحاسب فى الحالتين يبقى طبعا التوكيل أحسن بكتير وبدون كلام
تحياتى

[midozx]

خليك بره فى ورشه محترمه
لسبب التوكيل فى المشاكل الفنيه احسن علشان مهندسين واجهزها ع مستوى
اما شغل السمكره ناس عاديين والرش مش هتلاقى حد محترف فى التوكيل
علشان هما مش بيقدرهم الشغل دة

[ayman hamdy]

خليك بره فى ورشه محترمه
لسبب التوكيل فى المشاكل الفنيه احسن علشان مهندسين واجهزها ع مستوى
اما شغل السمكره ناس عاديين والرش مش هتلاقى حد محترف فى التوكيل
علشان هما مش بيقدرهم الشغل دة

العكس تماما هما فى الفنيات ضعاف جدا دا يمكن الحسنة الوحيدة اللى عندهم وبيعملوا بضمير هى السمكرة والدوكو لأنهم بيستعملوا البوية الأصلية الألمانى بأرقامها المضبوطة وشغلهم الصراحة ممتاز وعت تجربة لاكتر من صديق رشوا عربياتهم فى التوكيل
تحياتى

[pepo2011]

ياباشا التوكيل طبعا كده كده انت مش هاتدفع

[NaderNabil]

التوكيل طبعاً طالما فيه تأمين

[Forzamilan]

العكس تماما هما فى الفنيات ضعاف جدا دا يمكن الحسنة الوحيدة اللى عندهم وبيعملوا بضمير هى السمكرة والدوكو لأنهم بيستعملوا البوية الأصلية الألمانى بأرقامها المضبوطة وشغلهم الصراحة ممتاز وعت تجربة لاكتر من صديق رشوا عربياتهم فى التوكيل


تحياتى

ما الفكرة اني مش حرش اصلاً .. و السمكرة في الاول و في الآخر واقفة علي ايد الصنايعي اللي حيشتغل .. و اللي اشتغل لحضرتك مرة مش هو اللي حيشتغلك في اللي وراها فصعب ناخد سمعة عنهم في السمكرة لاختلاف الصنايعية فانا بفكر طالما سمكرة بس اخليني مع اللي انا عارف ايده و شغله و ضامنه ى عربيتي تتعمل قدامي

[Omar Mahmoud]

مش هتدفع يبقي توكيل طبعا

[J A G U A R]

يمكن الحسنة الوحيدة اللى عندهم وبيعملوا بضمير هى السمكرة والدوكو لأنهم بيستعملوا البوية الأصلية الألمانى بأرقامها المضبوطة وشغلهم الصراحة ممتاز وعت تجربة لاكتر من صديق رشوا عربياتهم فى التوكيل
تحياتى

مع احترامى بس بالعكس دول اقل من ما يمكن ومفيش ضمير ولا حاجه
عن تجربتى انا الشخصيه
رشو العربيه بلون غير لون الفابريكا وخدتها فى ورشه محترمه بقت أحسن من الفابريكا