حاجة غريبة جداا في الديركسيون ولا تهيؤات

[subzero772]

اليوميين دول لاحظت حاجة غريبة جدا في الديركسيويون ونا باخود بالي متاخر وقلت اسالكم احسن
تكون تهيؤات
ونا سايق في طريق مستقيم عدلة تارة الدركسيون سعات القيها محودة يمين شوية كويسين
او القيها سعات محودة شمال شوية كويسين بنسبة 10 درجات تقريبا انعواج
لو حاولت اظبط الطارة في النص الاقي العربية بتميل شمال وسعات يمين
بتختلف تقريبا اما احود شمال او يمين

وحاجة تانية ظهر الكرسي الي جنبي مايل شمال دة ملحوظ جدا مني ومن ناس ركبت معايا
دا اية دة كمان

[ahmedamin84]

ممكن يكون الطريق نفسه معووج
ممكن ضبط زوايا

او ممكن كاوتش الاسكترا بايظ

[subzero772]

لا الطريق مش معوج بس لو قصدك علي كوتشة الاسكترا الي هية شكلها زي السوستة في وحدة
منهم مقطوعة يس دي من زمان ومكنش في اي مشاكل ساعتها الكلام دة زيادة عن سنة
الي انا شاكك في ملاحظة اليومين دوول

[subzero772]

متابع باهتمام

[embabi]

أعتقد والله أعلم بيض مقصات
واللى يأكد الكلام ده لو فى نسبة بوش فى الدريكسيون
ولو الاسفلت ممشط بالطول هتلاقى العربية بتعوم منك وتضطر تلف الدريكسيون يمين وشمال لغاية لما تلم العربية فى الاتجاه الصحيح

[harphosh]

راجع زوايا العربية واحتمال تكون أخذت مطب شديد شوية من وقت قريب أثر ذلك على الزوايا راجعها الأول قد تكون خلفت زوايا

[embabi]

راجع زوايا العربية واحتمال تكون أخذت مطب شديد شوية من وقت قريب أثر ذلك على الزوايا راجعها الأول قد تكون خلفت زوايا

بس ده احيانا يلاقى الطارة يمين واحيانا شمال والعربية ماشية فى خط مستقيم
لو حاجة فى الزوايا هتبقى فى ناحية واحده بس
ولا رأيك ايه؟

[harphosh]

بس ده احيانا يلاقى الطارة يمين واحيانا شمال والعربية ماشية فى خط مستقيم
لو حاجة فى الزوايا هتبقى فى ناحية واحده بس
ولا رأيك ايه؟

هو عموماً ممكن تكون حاجة تانية بس مش هتتكشف إلا عند مراجعة الزوايا لأن الزوايا مش هتظبط معا الصنايعى وهو هيعرف العيب إيه

[فادى محمد]

بص ياباشا...
الاسكاترا متثبته في صدر العربيه ب2 قفيز حديد حرف u تحتهم جلبتين كاوتش . تمام كده..
اللي بيحصل ان كاوتشه الناحيه الشمال اللي قدامك علطوا بتتاكل وتتهري فالاسكاترا بتتحرك بالعرض
يمين وشمال عند تحريك الدركسيون وتثبت في مكان غير مكانها فتلاحظ وقتها ان لوجو الاوبل في الطاره
مش معدول والطاره محووده .وبتلاحظ اكتر الموضوع ده بعد اي ملف قاسي . الطاره بتتعوج ناحيه الملف
بعد اعتدالها!!
الحل . تغيير الكاوتشتين مع بعض. في منهم مصري مالهوش اي 30 لازمه ب20ج جديد..هات 2 استيراد ب50ج وركبهم .والموضوع سهل جداا ومالوش علاقه بالزوايا او خلافه..تحياتي للجميع

[loda80]

سؤال يا ابو فادى الموضوع دا كمان فى الفيكترا اية ولا الموضوع مختلف فى موضوع الكوتشتين دول

[فادى محمد]

مش متاكد ياباشا ..بس اعتقد موجود لانه موجود في اللانوس اللي هو نفس الاسكاترا بتاعه الفيكترا ايه..

[loda80]

شكرا يا ابو فادى ربنا يبارك فيك معلش سؤال اخير هو جلبة الكاوتش دى باينة ولا لازم يحل حاجات علشان تبان