وضع الفتيس n

[جريح لايام]

السلام عليكم ورحمة الله وبركاته

عندي مشكلة ان العربية مش بتدور والفتيس على وضع n
ولازم اغير للوضع p
هل في سبب للمشكلة دي واعمل ايه ؟؟؟

[nokiauser]

على ما اعتقد كل العربيات لازم تدور فقط على وضع ال p اما ال n دا يستحدم فقط فى التوقف اثناء الوقوف فى الاشارات او عندعدم المشى بالعربية بعد دوارتها على وضع ال p

[AHMEDJUDDY]

ده مش عيب .. تقربيا كل العربيات الاوربي كلها كدا
الاسكودا كلها كدا

[khaled_yehya]

ده مش عيب .. تقربيا كل العربيات الاوربي كلها كدا
الاسكودا كلها كدا

لا مش كل الاوربى كده...انا معايا بيجو 301 وبتدور على وضع n أو p

[muhmado_furp]

انا الانسر البومة كانت الحالة الوحيده الي مش بدور فيها وهي واخده غيار يعني علي ال d
لكن غير كده بدور سواء علي n أو p

[mr.moustafa]

على فكرة من الغلط اصلا انك تركن السيارة على الوضع n

[asa3eed]

رجلاس للسيلكتور بتاع الفتيس يا باشا ... حاجة بسيطه متقلقش بس لازم تتعمل

[جريح لايام]

على ما اعتقد كل العربيات لازم تدور فقط على وضع ال p اما ال n دا يستحدم فقط فى التوقف اثناء الوقوف فى الاشارات او عندعدم المشى بالعربية بعد دوارتها على وضع ال p

كلامك صح بس عربيتي كانت بتدور على الوضع n قبل كدا
علشان كدا سألت وشكرا لحضورك

[جريح لايام]

ده مش عيب .. تقربيا كل العربيات الاوربي كلها كدا
الاسكودا كلها كدا

تمام بس عربيتي كانت بتدور عادي على الوضع n
واول مرة اعرف معلومة الاسكودا
وياريت مايكونش للموضوع دا تأثير معايا
واشكر لك حضورك

[جريح لايام]

لا مش كل الاوربى كده...انا معايا بيجو 301 وبتدور على وضع n أو p

دا اللي انا بقوله وشكرا لك لحضورك
استفدت من تعليقاتكم

[جريح لايام]

انا الانسر البومة كانت الحالة الوحيده الي مش بدور فيها وهي واخده غيار يعني علي ال d
لكن غير كده بدور سواء علي n أو p

واخدة غيار تقصد d & r & l
دا طبيعي ياباشا
وتسلم على حضورك

[جريح لايام]

على فكرة من الغلط اصلا انك تركن السيارة على الوضع n

ساعات بتضطر لكدا خصوصا لو في سايس في الشارع وعربيات راكنة وكدا
بس ايه الغلط اللي تقصده ؟
واشكر لك حضورك

[جريح لايام]

رجلاس للسيلكتور بتاع الفتيس يا باشا ... حاجة بسيطه متقلقش بس لازم تتعمل

ممكن جدا خصوصا اني مغير السليكتور كله من فترة فعلا ..
شكرا لك ياجميل وكلامك الاقرب جدا
اشكر لك حضورك