فرامل استرا خلفية سكاكين

[Bastawisy]

السلام عليكم ورحمة الله وبركاته


من فترة كنت عدلت الفرامل الخلفية لاسترا 2001 من قباقيب لسكاكين وطبعا الفرامل اتحسنت جدا بالنسبة لقبل كده .. بس من يومين لاحظت مشكلة ان لما ادوس فرامل قوية شوية او في المطر او على شوية رمل الفرامل الي ورا بتقفل والي قدام بتفضل ماشية ودا طبعا بيعوم العربية وحصلي كام موقف وربنا سترها ..
رحت لعفشجي قالي الطنابير الي قدام عايزة تتغير ولما سالت واحد قالي لا مالهاش دعوة
فياريت اي حد عنده حل للموضوع دا او يعرف عفشجي كويس في المنصورة يقولي عليه

وشكرا ..

[hesham22]

السلام عليكم ورحمة الله وبركاته


من فترة كنت عدلت الفرامل الخلفية لاسترا 2001 من قباقيب لسكاكين وطبعا الفرامل اتحسنت جدا بالنسبة لقبل كده .. بس من يومين لاحظت مشكلة ان لما ادوس فرامل قوية شوية او في المطر او على شوية رمل الفرامل الي ورا بتقفل والي قدام بتفضل ماشية ودا طبعا بيعوم العربية وحصلي كام موقف وربنا سترها ..
رحت لعفشجي قالي الطنابير الي قدام عايزة تتغير ولما سالت واحد قالي لا مالهاش دعوة
فياريت اي حد عنده حل للموضوع دا او يعرف عفشجي كويس في المنصورة يقولي عليه

وشكرا ..

وعليكم السلام ممكن حضرتك تراجع التيل الامامى ولو سليم تاخد هوا من الماستر للاربع عجلات وحاول تغير زيت الفرامل ياريت تجرب وتقول النتيجه ايه وبالتوفيق ان شاء الله

[bestlove2]

باشا معلش انت جبت الجنبين السكاكين من فين لأنى لفيت كتير ومش لاقى
فجيبت بتوع أى موديل يركب عليها

[احمد فهمى]

التيل والطنابير ملهمش علاقه الماستر بياخد هوا ل حدو لهم ويعمل خلوص لنفسو متوافق مع حجم الطنبوره واضح ان عندك مشكله فى الغالب الطنابير مش بتوع العربيه هم والاكلابات او في خطاء فى التركيب والموضوع خطير متستهونش بي يعنى متمشيش بيها فوق ال60 لحد ما تصلح العيب

[swimmer25]

إتأكد إن بلوف ماستر الفرامل عندك زي بلوف ماستر الفرامل اللي موجود في الموديل اللي إنت أخدت منه طقم السكاكين لأن لو عندك البلوف أعلى معنى كدا إن الضغط بيكون زيادة على فرامل ورا وخصوصا بعد ما عدلت لسكاكين
كمان إتأكد إن سلك فرامل اليد مش تارس في أي حاجة في طريقه وحر تماما لحد نقطة دخوله على الجنبين