ياجماعه عملت حادثه .. افيدونى

[Aquila]

عربيتى اوبل فيكترا 98
عملت بيها حادثه .. فى وشها لحد نص الكبوت
طبعا وشها بافوانيس بالشبكه ومعاهم الردياتير والكبوت ومش عاارف هغير الرفرفين ولا لا
ياريت اعرف اسعار الحاجات دى تقريبا ايه وايه اللى ممكن يتصلح وايه لا

[م أحمد]

ربنا يصبرك
حاول تسأل على ربع كامل بدل ما كل شوية تجيب حاجة و كدة يبقى معاك قطع احتياطى
و سعر القطع لو جبتها قطاعى هتعدى الربع

[فادى محمد]

ربنا يعوض عليك..
اكصدام 600
قنطره 150
فانوسين بالاشارات قطعتين 450ج
شبكه 150ج
رادياتير جديد 600ج
مروحه تكييف 450ج
مروحه رادياتير 400ج
كبود 500ج
رفرفين 300ج

[ayman hamdy]

ربنا يعوض عليك يا باشا
زى ما اخونا فادى ما قال هتجيب وتركب ان شاء الله كل شئ يرجع زى ما كان
وربنا ان شاء الله يخلف عليك
تحياتى

[Aquila]

هو فعلا هترجع زى ماكانت ولا ده كلام وبس ياجماعه
انا محستش بحزن زى ما حسيت لما شفت وش العربية متبهدل حسيت انى اهنتها اوى
الحمد لله
بس ياريت اعرف احسن ناس اجيب منها وبأسعار كويسه .. ويفضل اجيب من بورسعيد ولا الحرفيين
...
وسؤال لو سمحتو العربيه بعد الحادثه دارت ومشيت بيها بس الدركسيون كان تقيل ده كان بسبب ايه

[احمد فهمى]

ربنا يعوضك خير والحمد لله علي كده وان شاء الله هترجع عادي زي ما كانت كلو فك وتركيب بس المهم صنايعي كويس وتكون عارفو وشوف قطمه اماميه سعرها كام الاول يعنى نص امامى منغير متور

[mamdouh.raft]

ربنا يعوض عليك ويكفيك شرها

[mora-badr]

كبوت استيراد نفس لون العربية باللباد بتاعته اللون بيفرق في السعر السيلفر رخيص ممكن ٦٠٠ ل ٧٠٠ الأحمر والأبيض أغلي شوية وانت وشطارتك بس ممكن تحتاجله رشه نضافة من بره الاكصدام الاستيراد اشد من الجديد بكتير وحمدالله علي سلامتك.