طرمبة باور استبراد

[mora-badr]

السلام عليكم
تحياتى لكل منتدى نايل موتورز وبالتحديد قسم الاوبل اللي استفتدت منه كتير
معايا فيكترا 97 1600 مانيوال غيرت طرمبة الباور علشان كان الباور تقيل وعاملة صوت تزييق
واشتريت واحدة استيراد وركبتها المهم الصوت راح والباور خف بس لما بمشي مشوار بالعربية بلاقيها عاملة صوت تزييق خفيف رجعت للميكانيكي وبدلناها بواحدة تانية زهر وشكلها اشد شوية مشيت عليها شوية وبرده نفس المشكلة العربية وهى باردة مفيش اى صوت والباور تمام بعد لما تسخن ومشي نص ساعة كده بيعمل صوت الميكانيكى قاللى ان دي مشكلة الاسكترا مش مشكلة الطرمبة مع ملاحظة ان الميكانيكى هو اللي جايب الاتنين
ايه رأيكوا ياجماعة في الكلام ده؟

[kaza]

المشكلة عندك في الزيت ولازم تغيير الزيت بزيت بلزوجة اعلي (اثقل) لان الزيت لما بيخف نتيجة السخونة من الاستخدام ضغطه بيخف وبالتالي الصوت بيظهر ....جرب وصدقني حتتحل بس اسالك الدعاء

[mora-badr]

شكرًا يا باشا علي ردك أنا بستخدم زيت موبيل سعره ٣٥ ج وكان فيه نوع تاني ب ٥٠ ج هل فيه نوع معين متجرب شكرًا وربنا يكرمك.

[pepo2011]

مشكلتك في الزيت نزله كله وحط من جديد زيت تقيل موبيل طبعا لكن في انواع تاني كتير

[مجمود فراج]

طب ازاى انزل زيت الباور من اى مكان

[ah-elgendy]

انا عندى نفس المشكله صوت بيظهر لما بمشى العربيه وتسخن والميكانيكى قالى طرمبه بور بس انا مغيرتش حاجه وماشى عليها كده بتعمل احلى مزيكا لما تسخن انا كنت خايف يحصل معايا زى اللى حصلك لو غيرت الزيت وظبطت معاك قولى

[pepo2011]

الميكانيكي او العفشجي هايعرف ينزله

[mora-badr]

انا كده هغير زيت الباور واجرب بس اجيب زيت ايه او كوده ايه.

[ah-elgendy]

انا كده هغير زيت الباور واجرب بس اجيب زيت ايه او كوده ايه.

عملت ايه ريس العيب فعلا طلع من الزيت ولا طرمبه باور ولا ايه بالظبط

[mora-badr]

شكرا يا جماعة لكل اللي شارك معايا في الموضوع
الحكاية طلعت بقى ان الميكانيكى كان حاطط زيت باور كتير اوي فوق علامة ماكس بشويتين تلاتة كده شفط الزيادة بسرنجة فاضية وانسسى اي صوت للطرمبة العربية باردة او سخنة الحمد لله

[haisam ali]

الاستاذ أيمن حمدى من فتره كده كان ماكد على جميع الأعضاء ان لازم كله يظبط زيت الباور بالظبط مابين ال min وال max وانا كان عندى نفس المشكله دى وفعلا لما غيرت زيت الباور وظبطته الدنيا ارتاحت اوى اوى