تكييف أسترا

[bestlove2]

السلام عليكم ورحمة الله وبركاته

انا بحب أشتغل فى عربيتى بإيدى ومش بروح لحد غير لما بكون غلبت دا بفضل ربنا والمنتدى الجميل ده

دلوقت انا شحنت التكييف بإيدى بعد ما كبست هوا واتأكدت أن مفيش أى تسريب وعملت فاكيوم لحد ما المؤشر نزل لسالب 30 وبعدين شحنت 600 جرام ده اللى مكتوب على الكباس الأصلى بتاع العربية وفى صدر العربية
ونظفت الثلاجة الداخلية بالمية وغيرت الفلتر اللى قدامها
باجى بقا اشغل التكييف يشتغل دقيقة ويفصل ويقعد فترة على ما يشتغل حوالى 4 دقائق
بس مش بيوصل لدرجة سقعة يادوب هواء ساقع خفيف

بضغط على البلف اللى فى السربنتينة الأمامية اطلع حبة فريون واشغل يشتغل يسقع ويعد حوالى دقيقتين ويرجع تانى

غيرت البلف اللى فى السربنتينة اللى هوا واصله فيشة كهربا ثلاثية تقريبا دا بلف الضغط بواحد جديد ومفيش فايدة
فأنا مش عايز أروح لحد وعايز أعمله بنفسى اعمل ايه

وأسف على الإطالة

[alameer81]

في بلف في الكباس نفسة بيسموه بلف الكنترول
ده صمام امان للكباس لو فيه مشكلة ممكن يعمل كدة
تغييره بسيط بتنطر تيلةوتسحبه بس لازم تفضي الفريون الاول

[bestlove2]

شكرا على الرد
طب ممكن اعرف طريقة تغييره والاقيه فين جديد او استيراد

[alameer81]

مش عارف والله تجيبه منين
انا غيرته عند بتاع التكييف وكان جديد
شوف قطع غيار التكببف بتتباع فين

[hesham22]

السلام عليكم ورحمة الله وبركاته

انا بحب أشتغل فى عربيتى بإيدى ومش بروح لحد غير لما بكون غلبت دا بفضل ربنا والمنتدى الجميل ده

دلوقت انا شحنت التكييف بإيدى بعد ما كبست هوا واتأكدت أن مفيش أى تسريب وعملت فاكيوم لحد ما المؤشر نزل لسالب 30 وبعدين شحنت 600 جرام ده اللى مكتوب على الكباس الأصلى بتاع العربية وفى صدر العربية
ونظفت الثلاجة الداخلية بالمية وغيرت الفلتر اللى قدامها
باجى بقا اشغل التكييف يشتغل دقيقة ويفصل ويقعد فترة على ما يشتغل حوالى 4 دقائق
بس مش بيوصل لدرجة سقعة يادوب هواء ساقع خفيف

بضغط على البلف اللى فى السربنتينة الأمامية اطلع حبة فريون واشغل يشتغل يسقع ويعد حوالى دقيقتين ويرجع تانى

غيرت البلف اللى فى السربنتينة اللى هوا واصله فيشة كهربا ثلاثية تقريبا دا بلف الضغط بواحد جديد ومفيش فايدة
فأنا مش عايز أروح لحد وعايز أعمله بنفسى اعمل ايه

وأسف على الإطالة

كده فى سدد فى الدايره لازم يتغير الفلتر الموجود على السربنتينه وتتاكد ان الدايره نضيفه ومفيش فيها زيت او رواسب او رايش من البلوف والكباس بيفصل حمايه علشان ميفوتش واللى راكب فى السربنتينه ده حساس ووظيفته انه لما يحس ان فى سخونه يدى امر للمراوح علشان تشتغل