زيت الباور اسود

[medosalah]

العربيه عامله 80 الف كيلو

زيت الباور لقيته اسود

لم يتم تغييره من قبل

اغبره ازاي(ينفع اغيره بنفسي) وايه افضل نوع زيت

وهل يجب اني احط زيت في الاول للتنظيف وانزله ثم احط زيت كويس

[Mecha]

اشفطه بسرنجه ,او حل الخراطيم او المواسير وفضي في تراي تحت العربيه. هات زيت mobil dexron .ارفع مقدمه العربية ,املا زيت لاخر الخزنة بعد ربط كل المواسير والخراطيم .دور سلانسيه ولف دركسيون لليمين ولليسار بدون الكسر للاخر ,عينك ع الزيت لو نقص زود في الحال.لف دركسيون كالسابق .تكررها ٧ مرات للتاكد من خروج الهوا.اتاكد مفيش زيت ع السيور او الشكامين .اغسل بديجريزر .نزل العربيه للارض وجربها

[Mecha]

[Mecha]

[pepo2011]

اسود معناه انه تهالك وتحلل لان الزيت دا المفروض انه احمر نزله خالص بالسرنجة او افتح ناحية خرطوم وفضيه خالص
وزود مكانة موبيل ATF320 او اسمه ديكسرون باور او حسب الزيت الموصي به في المانيوال

ومش محتاجة تحط زيت وتغسل بيه وتنزله وكده المهم ماتنساش خطوات الاخ العضو Mecha عشان الزيت يملا مكانه تاني في الخراطيم والعلبة وكل ماينقص تزودة

[احمد فهمى]

كما وضحلك العضو الفاضل

[medosalah]

اشفطه بسرنجه ,او حل الخراطيم او المواسير وفضي في تراي تحت العربيه. هات زيت mobil dexron .ارفع مقدمه العربية ,املا زيت لاخر الخزنة بعد ربط كل المواسير والخراطيم .دور سلانسيه ولف دركسيون لليمين ولليسار بدون الكسر للاخر ,عينك ع الزيت لو نقص زود في الحال.لف دركسيون كالسابق .تكررها ٧ مرات للتاكد من خروج الهوا.اتاكد مفيش زيت ع السيور او الشكامين .اغسل بديجريزر .نزل العربيه للارض وجربها

الف شكر علي سرد الخطوات بالتفصيل

ان شاء الله هغيره بكره علي نفس الخطوات دي وهقول النتيجه

شكرا مره تانيه

[musama]

العفشجى زود بزيت موبيل atf220
هل المفروض انزله واحط atf320 ؟