محتاااااااااااار كورسا ولا استرا ولا فيكترا

[ALMAGICO]

السلام عليكم ورحمة الله وبركاته
انا ناوى ان شاء الله اجيب عربية ومحتار بين الكورسا والاسترا 2000_2002 والفيكترا بى 1
المبلغ المتاح 50000 وممكن يزيد 2000 كمان
انا فكرت فى النوبيرا الفيرنا واللجان بس انا حابب الاوبل
ساعدونى ف حيرتى استرا ولاكورسا ولا فيكترا

[midoelmodamer]

ياباشا انت بتقارن عربيات براند واحدة اعلى حاجة فى البراند دى هى الفيكترا اكيد ازاى هتبقى الاقل فى نفس البراند احسن من الاعلى !!

المقارنة دى لو بتقارن عربيات من براندات مختلفة هنا تبقى الحيرة لكن طلاما معجب بالاوبل اتوكل على الله وهات الفيكترا اذا تساوت الحالة بينهم طبعا لان اهم حاجة فى المستعمل عامة هى الحالة وفى الاوبل والالمانى خاصة وربنا يوفقك للقرار السليم ياارب :)

[ALMAGICO]

الفكره كلها ان الفيكترا هتبقى موديل التسعينات يعنى موديل قديم والكويس منها نادر
الاسترا 1200 cc كنت عايز اعرف اخبارها ايه والتكييف شغال والموتور ال1200 cc اداؤه ايه
الكورسا عربية محترمه بس بحس انها صغيره وفقيره مقارنة بيهم

[ALMAGICO]

65 مشاهده ومفيش حد ردعليا فين الردود يا رجالة الاوبل

[mexmarine]

هات اوبل استرا

[mexmarine]

أسترا و العقل يحكم

السلام عليكم اخى .. الأخ الكريم اللى بيقول فيكترا هو بنى كلامه بناء على ايه ؟ خلينا بالعقل و شوف مشاكل الفيكترا على المنتدى و شوف مشاكل استرا 2000 - 2002 :) انا باحب الفيكترا على فكره بس الاسترا اكفأ بالنسبه للإعتماديه (زيت و بنزين و إمشى ) لا سخونيه و لا مشاكل معقده

انا معايا الاسترا 2000 من سبع سنين بسم الله ماشاء الله .. هى دى العربيه المناسبه فى مصر , ألمانى - قوه 2 كامه مع سى سى قليل موفر 1200 cc, سرعه لحد 175 كيلو , ثبات , و قطع غيارها عاديه و متوفره جدا .

نصيحة مجرب هات أسترا بس إكشف عليها و اهم حاجه المكان اللى هاتجيبها منه يدل على كيفية الاستعمال و العداد يكون مش عالى و ربنا يوفقك

[Super_Star_h]

كلهم كويسين
ولكن الفكره ان الاسترا والكورسا السيدان مش مرغوبين زي الفيكترا