السادة الأوبلاوية افيدوني - المكنة بتفصل على 4.5 ار بي ام

[obai]

السلام عليكم ورحمة الله
السادة الأوبلاوية رجاء افيدوني من حوالى أسبوع لقيت حرق البنزين مش تمام قلت أكيد بسبب نوع بنزين 92 من حلو أو مش نضيف المهم لقيت ان التانك (60) لتر ممكن يخلص فى ربع زمن استهلاكه وده كتير جدا جدا وكانت المكنة بتفصل على 4.5 ولو مشيت بيها فترة وتسخن بتبطل كتير اوى ولو بجري مثلا على سرعة 120 كم تبطل برضه أو ترعش وكأنها بتفصل على 2.5 !! روحت كشفت كمبيوتر لقيت حساس مانافول وحساس شكمان بس!
المهم قولت أكيد مش صح روحت فكيت الرشاشات عند الميكانيكي لقيت 2 منهم بينقطوا (بيسيلوا) واتنين كويسين نصحوني أجيب شونه استعمال وفعلا جبت مسطرة كاملة نضيفة وركبتها الحرق. بقى تمام شوية لكن برضه عالي ولسه الرجة والتفصيل موجودين وبتبطل بس مش زي الأول
كشفت على حساس الكرنك طلع أسلاكه منتهية خارجة من الكابل قمت غيرته بالمرة
النهاردة . والرجة والتقطيع راحوا والتفصيل راح.
النهاردة بالليل لقيتها بتفصل تاني بس على 4.5 مش 2.5
أعمل ايه أنا احترت

[mustafa__khali]

كل حاجه ياباشا وليها حل ان شاء الله , و الله المستعان.
هي العربيه اتوماتيك و لا مانيوال ؟؟
لو اتوماتيك شفت حساس الكرنك ؟ لان ممكن العيب يبقي منه

[hagagatc]

نوع الموتور ايه عندك

[Adnfalcon]

مشكله حساسات .. حساس كرنك هو السبب ان العربيه بتفصل كتير و ال rpm مش بيعدي 4500 .. لازم تركب واحد جديد .. استهلاك البنزين احتمال حساس ايرماس والله أعلم

[obai]

ما شاء الله والله انا سعيد بردودكم واشكركم جزيلا
الموتور ايكوتك 2000 cc اوتوماتيك
فعلا انا غيرت حساس الكرنك وايرماس الهوا
بس قراية الكمبيوتر جايبالى حساس مانفول - هل ده ممكن يكون السببب؟
عموما بعد تغيير حساس الكرنك فى فرق كبير جدا فى استهلاك البنزين وكمان فى النقلات الاوتوماتيك وفى التسارع
بس لسه مش عارف سبب التفصيل بدري

[فادى محمد]

سبب التفصيل بدري = حساس الكامه مش الكرنك

[ahmedkasem]

جبت حساس الكرنك بكام استعمال ؟
وسعره كام جدي

[obai]

احمد قاسم باشا
حساس الكرنك جديد بـ 450 ج من الألمانية ودورت عليه استعمال (شونة) مش موجود خالص وانت عارف اننا فى بورسعيد عندنا كل حاجة
بس وانا بجيبه الراجل قالى ده اصلي ماينفعش يتجا صيني عشان مافيهوش هزار

[obai]

فادى باشا
منور والله ومواضيعك اكثر من رائعة
حساس الكامة عندى سليم و كمان مربوط كويس والكمبيوتر مش جايبه فى الإيرور
بس اللى انا اعرفه ان اللي بيفصل كده هو حساس الكرنك

[hagagatc]

حساس الكامه هو الي بيفصل عندك علي ٤.٥ حساس الكرنك ميخليش العربيه تدور ملوش دعوه بالتفصيل

[obai]

شكرا استاذ عبد الرحمن
طيب اكشف عليه ازاى ؟