نزول مية من الشكمان

[elansary141]

انا عندى العربية بتنقص منها المية بشكل ملحوظ بعد كل مشوار
الزيت مش مطحن
بس لما بدوس بنزين جامد والعربية واقفة ممكن تنزل شوية مية من الشكمان
هل دا معناه ان جوان وش السلندرتالف
وليه كل الناس بتقلق من الجوان هل تغييره بياثر على العربية
وعاوز اعرف تكلفة تغييره بالمصنعية
العربية فيكترا بى 1 مانول
وممكن التسريب يكون من حتة تانى

[alzelafy]

فى الغالب جوان بس تغييرة مش ضرورى طالما العربيه مبتسخنش يكتفى بتزويد المياة هو الجوان فاتح فتحه صغيرة من ناحيه الشكمان و بيسرب مياة انا عندى نفس الحوار فى عربيتى و ماشى عليها من 3 سنين و عملت فيهم اكتر من 50000 كيلو بالجوان و مفيش اى مشكله غير نقص المياة استنى شويه لما المكنه تهلك شويه كمان و هات مكنه احسن و لو عايز تغيرو ممكن مفيش مشكله الا العطله بس و الفلوس هتصرفلك 500 ج

[فادى محمد]

عفوا..
لو في تسريب علي اي غرفه من غرف الحرق. الموتور هيتلت ويرعش نتيجه توقف البوجيه في هذه الاسطوانه!!
لو الحراره مش مظبوطه يعني اعلي من الطبيعي يبقي في تسريب من مكان ما.....اما لو الحراره مظبوطه يبقي ده فقد طبيعي نتيجه استهلاك الموتور.

حاجه تانيه كمان..
لو في فتحه من دوره الميه علي غرف الحريق هتلاقي القربه بتاعه الميه بتغلي وتفتح تشم منها ريحه عادم. والميه هتتشفط بمعني الكلمه يعني مش هتنقص. لا دي هتطيررر

[tasaka]

و الاحتمال الاكبر .. ان موتورك مظبوط عشره على عشره ة بيعرق ميه .. مين يطول العز ده

و وش السلندر لازم عاجلا او آجلا يخلط زيت على الميه ( و عاده يكون عاجلا جدا ) .. و ايضا تظهر فقاقيع هواء لو فتحت غطاء الراديتير و زودت بنزين

اما نقص المياة .. روح لبتاع رادياتير و لخليه يراجع دوره الميه و التسريب من اين

و احيانا فى العربيات القديمه .. يوجد طبات ميه زباده مقفوله .. ممكن انها تتأكل و تحتاج طبات جديده بدلا منها

نفس الحوار فى عربيتى و ماشى عليها من 3 سنين و عملت فيهم اكتر من 50000 كيلو بالجوان

اول مره فى حياتى اسمع عن جوان وش سلندر ضارب و بيتمشى عليه 50 الف كيلو !! .. ما بيحصلش طبعا

و الاحتمال الاكبر .. ان موتورك مظبوط عشره على عشره ة بيعرق ميه

[tasaka]

وليه كل الناس بتقلق من الجوان هل تغييره بياثر على العربية

- لان وش السلندر لما يضرب بسبب سخونه زايده .. بيتقوس و بالتالى الميكانيكى بيقوم بكشطه عند الخراط للحصول على سطح مستوى .. علشان يربط بأحكام على بلوك الموتور بدون تنفيس

- وش السلندر لا يمكن خرطه اكثر من 3 مرات و بعدين ترميه و تدور على وش سلندر ( مكلف طبعا ) .. و هذا ينقص من ثمن اى عربيه كتير و الافضل الا تشتريها اصلا

- بعد خرط وش السلندر .. يجب ان يضع 2 جوان وش سلندر ( بدلا من جوان واحد للوش السليم ) .. و ذلك لتعويض السمك الذى تم انقاصه ( كشطه ) اثناء الخراطه

- و طبعا العربيه التى بها 2 جوان .. تسخن اسرع و معرضه ايضا ان الجونات تضرب لان هذه المنطقه ( سماكه مضاعفه للجوانات ) اصبحت ضعيفه امام ضغط البساتم عليها .. و ايضا قد تقل قوه الموتور

ارجو ان اكون وضحت بما فيه الكفايه

و احيانا فى العربيات القديمه .. يوجد طبات ميه زباده مقفوله .. ممكن انها تتأكل و تحتاج طبات جديده بدلا منها

اقصد هنا طبات الموتور النصف السفلى ( البلوك )

تحياتى

[Abo_Mazen]

فك البوجيهات واحد واحد ..لو لقيت على بوجيه منهم مياه ..يبقى كده في تسريب من دورة المياه لغرف الحرق ...لو لقيت البوجيهات معليهاش مياه ..يبقى كده مفيش حاجه ..وسبب نقص المياه عندك ممكن يكون غطا ريداتير ..أو غطا قربه ..المهم إنه مايكونش جوان وش سلندر فيه مشكلة

[elansary141]

فى الغالب جوان بس تغييرة مش ضرورى طالما العربيه مبتسخنش يكتفى بتزويد المياة هو الجوان فاتح فتحه صغيرة من ناحيه الشكمان و بيسرب مياة انا عندى نفس الحوار فى عربيتى و ماشى عليها من 3 سنين و عملت فيهم اكتر من 50000 كيلو بالجوان و مفيش اى مشكله غير نقص المياة استنى شويه لما المكنه تهلك شويه كمان و هات مكنه احسن و لو عايز تغيرو ممكن مفيش مشكله الا العطله بس و الفلوس هتصرفلك 500 ج

هو حضرتك بتزود مية كل اد ايه والكمية لرضه اد ايه اللى بتزودها