Diaphragm( الرداخ )

[احمد فهمى]

Diaphragm او الرداخ او بشكل ادق unidirectional valve هو قطعة كاوتش داخل اطار معدني تقوم بدفع بعض البنزين الى مدخل الكاربراتير عند تسارع السيارة متأثر بميكانيزم دواسة البنزين وده طبعآ فى العربيات الكربراتير ونفس القطعه زيها داخل منظم انبوبة البوتجاز بتعمل عملية ردخ وكاوتشة السرفو بتاع الفرامل بتعمل نفس الوظيفه والكاوتشه اللي فسخان البيت الغاز اللي دايمآ بتبوظ بتعمل عملية الردخ متأثره بدفع المياه لفتح الغاز ...

اتمني اكون عرفت اوضح ايه الرداخ وان ده مش هو طرمبة البنزين تمامآ ولكم جزيل الشكر ..

[sonaeg]

شكرا عالتوضيح : )

[embabi]

احب الناس اللى بتفهم نظريا وعمليا مش نظريا بس
الله ينور عليك

[ashourashour]

احييك على سعه صدرك

في طلمبات بنزين شغاله بالرداخ على فكره اللي بتكون متوصله ميكانيكيا مع عامود الكامه او عامود الاسبراتير

فالعربيات القديمه و الضغط والفلو بيزيد مع زياده ال RPM موجوده فال 128 مثلا على عمود الاسبراتير و كنت بغيرها كتير :)


اللي جوا الكربراتير دي طلمبه التعجيل جواها رداخ بردو دي اللي متصله مباشره مع بدال البنزين اللي زمان لما كنا بنكارك 3 مرات قبل مندور كانت بتضخ البنزين من خلال رشاش ممكن تشوفه وانت فاكك العمه جوا الكربراتير المؤدي للمنافولد من خلال البنزين الموجود في حوض الكربراتير
واستخدام ليها وانت سايق لو دوست بنزين مفاجي لظروف طارئه الكربراتير مش سريع فمع دوستك الزياده طلمبه التعجيل دي بتضخ بنزين مع البنزين المسحوب من البك الرئيسي بفعل الخلخله من الاسطوانات

بالنسبه لسخانات البيوت الرداخ لما بتفتح الحنفيه في بيحصل فرق ضغط للميه بيستغل انه يضغط عالرداخ لفتح بلف الغاز وانا زهقت من تغييرها و ركبتلها كاوتشه من داخلي عجل و مغيرتهاش من يومها من سنين

السرفو بيتم استغلال فرق الضغط بين الهواء الجوي والفاكيوم بتاع الموتور للضغط على الماستر مع دوسه الفرامل

انا بس عايز اقول ليه نبعت الناس ؟ اللي مشافش الحاجه بعينه ومحصلتش معاه في نفس موديل العربيه
ليه ؟ دي حاجه سلبيه جدا بجد لازم نحاول كلنا نتخلص منها .. ودي مش مساعده ولا عمل خير ده تضليل

يعني لو مثلا انا راجل دكتور جراح مليش فالعربيات خالص شوفت حد بيشتكي من عرض معين في عربيته اللي هيا زي عربيتي بالظبط نفس الموديل والعيب ده حصل معايا يكون واجب عليك تقول المشكله اتحلت معاك ازاي وتبقى عملت خير فاللي بيسال ودلته عالطريق غير كدا هتضله

وانا عارف ان الكلام هيزعل ناس

وعارف انه ممنوش فايده

بس لازم اقوله وهفضل اقوله


وشكرا على سعه صدركم جميعا لمن يتفهم كلامي بعقلانيه

[embabi]

م/ عاشور كلام حضرتك زى الفل
والمفروض محدش يزعل م الحق

[فادى محمد]

قلبي اتنهي..
اللي عرض مشكله وحلها يقولنا وصل لايه؟؟
غطيني يا صفيه .. مفيش فايده ..
اخوكم سعد زغلول

[احمد فهمى]

احييك على سعه صدرك

في طلمبات بنزين [gdwl]شغاله بالرداخ[/gdwl] على فكره اللي بتكون متوصله ميكانيكيا مع عامود الكامه او عامود الاسبراتير

فالعربيات القديمه و الضغط والفلو بيزيد مع زياده ال rpm موجوده فال 128 مثلا على عمود الاسبراتير و كنت بغيرها كتير :)


اللي جوا الكربراتير دي طلمبه التعجيل جواها رداخ بردو دي اللي متصله مباشره مع بدال البنزين اللي زمان لما كنا بنكارك 3 مرات قبل مندور كانت بتضخ البنزين من خلال رشاش ممكن تشوفه وانت فاكك العمه جوا الكربراتير المؤدي للمنافولد من خلال البنزين الموجود في حوض الكربراتير
واستخدام ليها وانت سايق لو دوست بنزين مفاجي لظروف طارئه الكربراتير مش سريع فمع دوستك الزياده طلمبه التعجيل دي بتضخ بنزين مع البنزين المسحوب من البك الرئيسي بفعل الخلخله من الاسطوانات

بالنسبه لسخانات البيوت الرداخ لما بتفتح الحنفيه في بيحصل فرق ضغط للميه بيستغل انه يضغط عالرداخ لفتح بلف الغاز وانا زهقت من تغييرها و ركبتلها كاوتشه من داخلي عجل و مغيرتهاش من يومها من سنين

السرفو بيتم استغلال فرق الضغط بين الهواء الجوي والفاكيوم بتاع الموتور للضغط على الماستر مع دوسه الفرامل

انا بس عايز اقول ليه نبعت الناس ؟ اللي مشافش الحاجه بعينه ومحصلتش معاه في نفس موديل العربيه
ليه ؟ دي حاجه سلبيه جدا بجد لازم نحاول كلنا نتخلص منها .. ودي مش مساعده ولا عمل خير ده تضليل

يعني لو مثلا انا راجل دكتور جراح مليش فالعربيات خالص شوفت حد بيشتكي من عرض معين في عربيته اللي هيا زي عربيتي بالظبط نفس الموديل والعيب ده حصل معايا يكون واجب عليك تقول المشكله اتحلت معاك ازاي وتبقى عملت خير فاللي بيسال ودلته عالطريق غير كدا هتضله

وانا عارف ان الكلام هيزعل ناس

وعارف انه ممنوش فايده

بس لازم اقوله وهفضل اقوله


وشكرا على سعه صدركم جميعا لمن يتفهم كلامي بعقلانيه

مهى دى اللي بتكلم عليها فى العربيات الكربراتير بس الفكره فصل معلومة ان الرداخ هو الطرمبه وعادى يا كابتن عشور فى ناس مش قصدها تبعت حد وبيتعاملو بنيه صافيه طبعآ ده ممكن يسبب اضرار بس ربنا يستر والكل يتكلم على قدر تجاربو

[ashourashour]

" تقوم بدفع بعض البنزين الى مدخل الكاربراتير عند تسارع السيارة متأثر بميكانيزم دواسة البنزين "

باشا انا فهمت من العباره دي ان اللي بتدفع البنزين لمدخل الكربراتير طلمبه مصنوعه من رداخ و متصله بدواس البنزين عن طريق لينكات ولكن الطلمبه التي تدفع البنزين الي مدخل الكربراتير مش مرتبطه بميكانزم البدال وانما تاخد من كامه على عامود الكامه او عامود الاسبراتير

الطلمبه المرتبطه بميكانزم البدال طلمبه برداخ صغيره جدا موجوده بداخل الكربراتير نفسه ولن تعمل في السرعه الخامله
ولن تعمل عند تثبيت بدال البنزين مثلا على 50% لن تعمل طلمبه التعجيل

تحياتي

[احمد فهمى]

" تقوم بدفع بعض البنزين الى مدخل الكاربراتير عند تسارع السيارة متأثر بميكانيزم دواسة البنزين "

باشا انا فهمت من العباره دي ان اللي بتدفع البنزين لمدخل الكربراتير طلمبه مصنوعه من رداخ و متصله بدواس البنزين عن طريق لينكات ولكن الطلمبه التي تدفع البنزين الي مدخل الكربراتير مش مرتبطه بميكانزم البدال وانما تاخد من كامه على عامود الكامه او عامود الاسبراتير

الطلمبه المرتبطه بميكانزم البدال طلمبه برداخ صغيره جدا موجوده بداخل الكربراتير نفسه ولن تعمل في السرعه الخامله
ولن تعمل عند تثبيت بدال البنزين مثلا على 50% لن تعمل طلمبه التعجيل

تحياتي

لا يا كابتن مش ده القصد بس تقريبى لكلامك انت عارف ان البنى ادم نفسو جواه رداخ فاصل بين الصدر والبطن وشكلو زى كاوتشة السخان وبيعتبر رداخ برضو

[embabi]

لا يا كابتن مش ده القصد بس تقريبى لكلامك انت عارف ان البنى ادم نفسو جواه رداخ فاصل بين الصدر والبطن وشكلو زى كاوتشة السخان وبيعتبر رداخ برضو

الحجاب الحاجز