دخااااااااااان ابيض

[احمد فهمى]

الماستر تركيبو سهل جدآ بس نضف مكان الزيت بمي وصابون كويس عشان هياكل كل حاجه وايطالى او الماني مش هيفرق كتير المهم يكون من مصدر موثوق فى ولا تقلق الموضوع بسيط جدآ وحاليآ مفيش دخنه ﻷن الزيت خلص وكده مفيش فرامل

[hobasalim]

الحمد لله يا جماعة الخير غيرت الماستر والفرامل بقت تمام
واسمحولي انقلكم تجربتي للفائدة زي ما انا استفدت من حضراتكم
- ماستر ايطالي 350 جنيه (الماستر بينزل من غير جلد الخزنة على حسب كلام البائع وركب الجلد القديم)
- علبة زيت باكم ألماني 40 جنيه

نيجي للشغل ... الحمد لله ربنا كرمني وروحت لواحد شاب دماغه حلوة عجبتني هو في البداية استغرب إني جايب الطلبات على طول وبقوله غيرلي الماستر وخصوصا بعد ما قولتله موضوع الدخان (ربنا يكرمك يا اللي في بالي)
وبعدين ركز شويه كدة وقاللي تصدق صح فيه خرطوم شفط من السيرفو للمانيفولد هو ده اللي طلعه للشكمان
وفعلاً فك الماستر القديم وكانت المفاجأة ... السيرفو مليان زيت باكم في الأول قاللي هنركب وبعد كده هو هيطلع لوحده من الشكمان بس انا قلقت وهزيت العربيه وخليته بص كويس قاللي لأ ده كتير وممكن يبوظ جلدة السيرفو
المهم كان معايا سرنجة كبيره وخرطوم وبدأنا نسحب الزيت وطلعنا تقريباً لتر ونص لغاية ما خلص خالص وركب الماستر الجديد وأخد هوا من فوق وبعد كده أخد هوا من كل فرده بدون تحضير ولا اي حاجة
وطلعنا جربنا العربيه والحمد لله فرقت كتييييير عن الأول الدواسه عليت خالص والفرامل بقت من لمسه

أنا بشكر كل واحد من الأعضاء شاركني بالرأي والنصيحة وأخص بالذكر صاحب التشخيص الصحيح (أ/أحمد فهمي) اللي افتكرته لما الميكانيكي قاللي وانت عرفت ازاي انه ماستر (ربنا يزيده من علم)