انا هاولع في العربية خلاص ....احباااااط و غلبت كورسا 97 1.2cc

[neou]

يا رجالة فيدوني بالله عليكم انا خلاص زهقت من العربية و سيرتها و مبقتش اركبها و قرفان منها
غيرت طقم كهرباء ( مشط - موبينة - كابلات - اسبراتير - بوجيهات )
غيرت ( بوابة - حساس الكولنت و TPS - Idel)
صرفت 2700 جنية لحد اليوم والمشكلة لسة موجودة من شهر 11 اللي فات ومحدش عارف العيب فين لانه مش بيحصل وهيا سخنة
المشكلة ببساطة كلها في الموصوع دة

http://www.nilemotors.net/Nile/459597-1200.html

يوم السبت اللي فات نزلت بيها الصبح
لحد يوم الإثنين اللي فات شم النسيم نزلت الصبح دارت عادي جداً رحت مشواري وجيت اروح على الساعة 12 بليل كدة مدارتش معايا بسهولة عشان ادورها لازم اكبسلها بنزين على الاخر ...... الحمد لله دارت لاني كنت بعيد عن بيتي ومعايا مراتي وابني
ركنتها وبقيت قرفان منها لدرجة انها بقت مزبلة جواها جيت النهاردة الخميس قبل ما اروح الشغل قلت اجرب ..ويارتني ماجربت مدارتش مدارتش مدارتش ولا بدوسة بنزين ولا بحاجة مارش بيلف بس ...بس لاحظت حاجة لما دورت النهاردة المارش بيلف والماتور بيحاول يقوم وكابس بنزين كان المارش في لحظة كدة يقوم مفرمل ولمبات التابلوه تنور وحاجة تانية لما الموتور كان بيقوم ( مش قومة طبيعية خالص) المارش سرعته تزيد وفساعتها العربية تنطر لما اسيب مفتاح الكونتكت ......
انا تعبت وغلبت ومشعارف اعمل اية ؟؟؟
ولو بعتها معتقدش ان حد هيرضى يشتريها بالعيب دة و مش هتجبلي المبلغ اللي انا عاوزة

[exelence]

ربنا يكون فى عونك

[اشرف الحاوى]

البوجيهات عند تغيرها حالتها اية يعنى مهببة حارقة عليها زيت مية اية الحالة بلظبط لان ممكن يكون فى مياة فى الغرف بنقط بسيطة جدا وعند ركن السيارة اكثر من يوم تكون مليئة بالماء فبصعب الدوارة وبعد مبتدور طبعا بتتحرق المياة فبتدور على طول ومش معنى انك غيرت موبينة ومشط واسلاك وكاربرتير وايدل انهم سلام بردو لو مش موضوع نقط مياة فى غرفة الحرق بهدوء كدة شوف الاسبرتير والوش الخاص بية وطبعا الاخوة قالو موبينة وطلمبة بنزين ومشط وبوجيهات حضرتك بتقول جداد والعيب فى الحجات دى ... سؤال هى حالة الماكينة العامة اية والله المستعان

[neou]

البوجيهات بتطلع سودا (مهببة)
موضوع المية دا انا اول مرة اسمع عنه يعني ممكن يكون في شرخ في البلوك بس المية مش بتنقص عندي انا بزودها كل 3 4 شهور
مانا غير الاسبراتير والوش واشتغلت كام يوم وعملت الحركة دي تاني
الماكنة حالتها كوسية مش بتاكل زيت ولا مية ولما كانت بدور صوتها بيبقى ناعم ومفيش لون للعادم ...دة اللي اقدر اقيمة من خلال معرفتي لكن اقدر اقيم الماكينة ازاى؟
وهل اوتوماتيك المارش يعمل كدة ؟ ممكن يكون ترس المارش لو متاكل يعمل كدة ؟

[almghol]

هتصدقني لو قولتلك اني كان عندي نفس مشكلتك ؟؟
غير مارش وهتدعيلي
هات مارش شديد شويه وجرب وهتظبط باذذن الله

[Abo_Mazen]

دخنه سودا ..البوجيهات مهببه ..ممكن يكون عندك مشكلة في الصباب ..غير مارش وشوف

[Amr.Fathy]

روح لمحمد عبد الراضى فى صقر قريش المعادى القاهرة

او سقط موتور 1.4 او 1.2

[neou]

يعني ممكن يكون المارش هوا السبب في كل دا


الدخنة السودا لما بحاول ادور فيها مرات ومرات ولما بتلقط تطلع الدخنة السودا دي بكون كابس بنزين ساعتها

[احمد فهمى]

لازم تروح لحد يكشف كويس ويكون حافظ العربيه ومتغيرش حاجات من نفسك عشان متضيعش فلوس في الفاضي