اسقط موتور بالفتيس الاتوماتيك ولاابيع العربية

[mora-badr]

السلام عليكم رجالة الاوبل عربيتى فيكترا 97 مانيوال الموتور الاسود 1600 حالتها كويسة ومفيهاش مشاكل الحمد لله انا عايز اركب اتوماتيك ايه رايكم ابيع عربيتى اللي انا عارفها واشترى واحدة 2000 اتوماتيك ولا اسقط لعربيتى ماكينة 2000 2 كامة بالفتيس الاتوماتيك انا العربية معايا من سنتين فابريكة بالكامل ومغيرلها عفشة كاملة و4 كاوتش يابانى وبطارية جديدةوتكييف مغيره استيراد مكلفنى 3 الاف جنيه والماكينة حالتها كويسة بجيب بيها 170 وايدى في العربية على طول فالو بعت مش همسك اللى صرفته ولو سقطت وحبيت ابيعها بعد كده هتبقى الخسارة اكبر
لو سقطت هبيع الماكينة 1600 اللي راكبة ولا هتبقى خردة ؟ علشان مفيش ليها ورق
انا محتار ومش عارف اعمل ايه وياريت خبراء الاوبل يفيدونى عن سعر عربيتى لو هبيعها على وضعها دلوقتى اطلب كام
ولو هسقط هتتكلف كام وهحتاج اعدل ايه في عربيتى واجراءات المرور هتمشى ازاى
ومتشكر جدا مقدما

[al_manara]

بالنسبة للسعر
تقريبا اي عربية اوبل مش مرشوشة من برةسعرها بعد ال 50 الف . هي وحالتها
دة بعد ماشوفت ودورت كتير .

[اشرف الحاوى]

لو العربية سليمة زى محضرتك بتقول وكل حاجة شغالة تكيف وعفشة جديدة وكاوتش وفرش جديد بدون تردد سقط ماكنة ومعلوماتى ماكينة بتاعتك تتباع بتوكيل فى المرور وكمان الماكنة السوداء لو سليمة انتا تبعها بسعر عالى لانها مش موجود منها استيراد والله المستعان

[mora-badr]

شكرا يا استاذ اشرف على ردك
حضرتك تعرف حد باع ماتوره المستعمل قبل كده
علشان الميكانيكى قاللى انه عنده كذا ماتور مخلوع من عربيات بيتباع خرده بالكيلو

[احمد فهمى]

عربيتك هتتباع فى الاربعينات وده مش هيجيبلك عربيه اوتوماتيك وحتى لو لاقيت فيكترا 2000 سي سي سليمه هتبقى غاليه وبرضو فيها مصاريف انت جيب متور بفتيس وعدل عادي بشكمان وكنترولات بس حاول تلاقى ضفيره اصلى مش معدله ومتورك تجيب له شهادة بيانات من المرور قبل ما تفك وتبيعو بفتيسو هيجيب رقم كويس لو سليم لأنو مش موجود والناس بتدور عليه بس اهم حاجه الفك والتركيب ويكون الشغل عند حد فاهم وعندو ضمير وبالتوفيق

[mora-badr]

قدامى عربية 2002 cdx كاملة 2000 سي سي ايكوتيك هتفرج عليها كده واشوف اخرها كام وهاخد رايكو برده
كلمت الميكانيكى قالي بالنسبة للتسقيط ماكينة بفتيسها بالردياتير هتتكلف حوالى 9000 الي 10000 بالتركيب والتعديل وماتوري بفتيسه ممكن ابيعه للتاجر ب 2500

[احمد فهمى]

قدامى عربية 2002 cdx كاملة 2000 سي سي ايكوتيك هتفرج عليها كده واشوف اخرها كام وهاخد رايكو برده
كلمت الميكانيكى قالي بالنسبة للتسقيط ماكينة بفتيسها بالردياتير هتتكلف حوالى 9000 الي 10000 بالتركيب والتعديل وماتوري بفتيسه ممكن ابيعه للتاجر ب 2500

متورك بفتيسو اغلى من 2500 طبعآ وشوف السي دي اكس وبلغنا التفاصيل ونشوف ايه الصالح

[al_manara]

قدامى عربية 2002 cdx كاملة 2000 سي سي ايكوتيك هتفرج عليها كده واشوف اخرها كام وهاخد رايكو برده
كلمت الميكانيكى قالي بالنسبة للتسقيط ماكينة بفتيسها بالردياتير هتتكلف حوالى 9000 الي 10000 بالتركيب والتعديل وماتوري بفتيسه ممكن ابيعه للتاجر ب 2500

10000 ج دول تجيب بيهم نصف عربية .

[keleshspot]

انا عايز اسقط لماكنه 2000 ايكو تك وعربيتى فيكترا 2002 الماكنه السودا واحد كامه مانيوال

أشترى نص امامى بمشتملاته زى ما كله بيقول كده الاصح
ولا اسقط ماكنه وانا وحظى

وسؤالى لاستاذ احمد فهمى .. انا سألت واحد تاجر عن النص الامامى وارد اليابان عشان بتبقى نضيفه .. قالى هيكون الدريكسيون يمين وطبعا التابلوه .. هل الكلام ده صحيح ..وأيه هى التعديلات اللى هتم وتتغير فى العربيه للتسقيط

وبالنسبه ان عندى المانيوال وحابب اغير لاتوماتيك .. كان ميكانيكى قالى خليك فى المانيوال احسن عشان الاتوماتيك كل فتره الفيتيس بيحصله مشاكل وهيتعبك

بالله عليكم افيدونى

[ah-elgendy]

ربنا يوفقك للاحسن ان شاء الله والناس تقدر تفيدك انا بس لما قريت لقيتك كاتب انك ركبت تكيف استيراد ب 3 الاف جنيه ممكن اعرف التفاصيل بتاعته جبته منين وركبته فين وهو التكيف يتصلح ولا اغير استيراد احسن

[mora-badr]

العربية ال cdx لسه مشفتهاش بس عرفت انها محتاجه مصروف اكصدام امامى وشوية شغل يتكلف 5000 ولاحاجة
فيه عربية تانية 2002 كاملة 2000 سي سي 2 كامة نضيفة اوى وصاحبها صارف عليها لونها سيلفر بس بيتكلم في 70 الف جندى
بالنسبة لموضوع التكييف انا لما اشتريت عربيتى كان التكييف مش شغال وصاحبها قالى انها محتاجة كمبروسر فقط ومكانش شغال بقاله سنتين المهم اول مشتريتها قولت اصلح التكييف بدأت اشتغل فيه والصنايعى قالى هنبتدى واللي بايظ هنغيره جبت كمبروسور استيراد ب 800 جنيه بس نضيف واتعمله طقم اصلاح كان فيه حاجات ارخص
التلاجة لقيناها بايظة غيرناها بواحدة استيراد مش فاكر كانت ب 450 وكانت يمين وعدلناها شمال والشجرة كمان كانت تعبانة جابلى واحدة اظن اتكبست عمولة وفيه كمان كونفيرتور بيركب في صدر العربية اشتريناه جديد وفلتر تكييف وفلتر فرييون وبعد ماخلصنا يومين شغل لقينا فيوز 8 رجل بتاع التكييف بايظ غيرته بواحد استيراد ب 90 جنيه وشحنت واشتغل تمام 3 ايام وسرب فريون كان فيه استيك لفتر الفريون غيرته وشحنته تانى التكلفة الاجمالية بالمصنعية بعد الهري ده كله من سنتين كانت 2800 جنيه والنتيجة تكييف تلاجة احسن من اليابانى بس الصنايعي حسيت انه قلبنى في فلوس كتير
الصيف اللي فات زودت الشحن بس ب 80 جنيه واشتغل معايا الصيف كله فل
السنة دى من شهر كده التكييف مبيسقعش خالص روحت لواحد اول مرة اتعامل معاه كشفت عليه وكبست هواا بيسرب من السويتش المستطيل اللي تحت غيرته بواحد استيراد ب 100 جنيه والشجرة كانت بتسرب اتكبست وهي راكبة وشحنت التكلفة الاجمالية بالشحن بالمصنعية 320 جنيه وربنا يسهل ويظبط معايا الصيف بقي
الخلاصة تكييف الاوبل والالمانى عامة كله مشاكل ومحدش يشتري اوبل تكييف مش شغال او تنزل 3 الاف جنيه من تمن العربية واي استفسار تحت امركم