العربية جننتنى

[mouu8]

السلامً عليكم ... انا معايا فيكترا b. المهم من ثلاث ايام كده و انا ماشى و ال عربية كانت ماشية لقيتها فصلت بنزين تحت رجلى و ثوانى العربية بطلت و حلفت متدور المهم وكنتها لحد الصبح و كلمت التوكيل لانى شكيت ان ممكن يكون سير التقسيمة المهم تانى يوم جالى فنى من التوكيل و المهندس الفني ركب جرب يدور ... اتأخرت شوية فالدوارةً وراحت دايرة كان مكنش فى حاجة و روحت الفرع كشفت على كل حاجة و كمبيوتر و قالو مفيش حاجه فقلى ممكن يكون بنزين مش كويس و متقلقش مش حتحصل تانى المهم عملتها معايا تاني مرتين و عشان تدور لازم ادوس دواسة البنزين لحد الاخر تيجي جية مقطعة و تدور كان مكنش فى اي حاجة ....فيريت لو حد يقولى دا ايه و ابص على ايه او ايه الممكن يكون بايظ عشان انا مش عارف و التوكيل مفدنيش و اسف للاطالة

[اشرف الحاوى]

لو امكن تدينا تفاصيل اكتر عن السيارة يعنى 1600 /2000 مانول ولا اوتو فى نقص فى مياة التبريد فى نقص فى الزيت يوجد دخانة ولو فى لونها اية فى اصوات غريبة غير معتادة اخر مرة مغير بوجهات امتى فلتر الهواء مغيرة امتى التفاصيل دى بتساعد شوية نعرف المهم احتمال العطل خاص بدورة البنزين من الطلمبة او الفلتر او الرشاش والله المستعان

[احمد فهمى]

نفس السؤال ايه الموديل والكيلومتر

[هشام السيد]

غير حساس الكولنت وادعيلي

[هشام السيد]

غير حساس الكولنت ان شاء الله هو السبب

[mouu8]

العربية فيكترا ١٦٠٠ مغير فلتر هواء من شهر منيوال مفيش دخنة البوجيهات من حوالى ٤٥٠٠٠ كيلو فلتر البنزين بقلو فترة...

[mouu8]

معلش ايه حساس الكولنت دا ؟؟ انا التوكيل اعد يقولى مفيش حاجة و الكلام دا ف ايه راى حضرتكوا

[هشام السيد]

صدقني غيره العيب هايروح باذن الله الكولنت ده بيبقي راكب علي كوعة الميه من ورا هتلاقي فيشه لازقه جنب الدينامو بالظبط الحساس ده بيخلي الرشاش يرش بنزين زياده يشرق العربيه عشان كده انت لما تدوس بنزين علي الاخر بتدور هو عباره عن حتة صباع نحاس كده بيبدا من ٥٠ج تقريبا هات الفيبي كويس بحوالي ٧٠ج

[mouu8]

استاذ هشام تمام هغيره و اقولك النتيجة ... بس سوءال صغير هو ممكن الحساس دا يعلى الار بي ام و يوطى بمزاجو ولا ايه

[اشرف الحاوى]

اى مشكلة فى الحساس لمبة التشك بتنور وكمان انتا كاشف كمبيوتر عموما قوم بعملية فك الايديل وتنظيفة عشان موضوع الاربى ام دة وراجع على فيشة حساس الكولنت ونظفها جيدا ولو تقدر تشيل عمة الكاربرتير وتشوف بعد محاولة الدوارة ولم تدور فى بنزين كتير فى حوض الكربرتير ولا لاء عشان لو مفيش بنزين اصلا يبقى طلمبة بنزين ولو البنزين كتير ومش بتدور هندخل فى اتجاة كهربة السيارة بس منستعجلش وكل حاجة بالصبر والله المستعان

[هشام السيد]

استاذ هشام تمام هغيره و اقولك النتيجة ... بس سوءال صغير هو ممكن الحساس دا يعلى الار بي ام و يوطى بمزاجو ولا ايه

انت كده اكدتلي غير الكولنت ياباشا من غير اي حاجه باذن الله هتتظبط زي الساعه

[M.A.EL-SATAR]

متغيرش اي حساس غير لما تحط العربية على الكمبيوتر ويقلك الحساس كذا في مشكله

[mouu8]

استاذ هشام انا روحت اغير حساس الكولنت انهاردة فى التوكيل ... المهم قالى نكشف كمبيوتر الاول كشفنا مش مسجلة اى اعطال ... مع ان حركة ان العربية تفصل بنزين تحت رجلى و تبطل بعد ثوانى و عشان ادور لازم اجيب دواسة البنزين لحد الاخر حصلت تانى امبارح .. هو كشف على البوجيهات قالى عايزة تتغير بس انا قلت اسال هنا الاول + ان بقا فى تزايد ملحوظ جدا في البنزين الاستهلاك بقى عالى جدا فى استهلاك البنزين ... ياريت حضرتكوا تفيدونى

[هشام السيد]

طيب حضرتك غيرته ؟ ولا عملوا ايه في التوكيل او قالولك ايه السبب ؟

[mouu8]

داخلها كمبيوتر قالى مش مسجلة اى اعطال قلتلو طب البيحصل كذا و كذا قالى لا كده حضرتك تروح الفرع الرءيسى هما هيفيدوك اكتر