لمبة الزيت

[bestlove2]

العربية استرا 1200 موديل 2002
لمبة الزيت بترعش على السلانسية واول مع اغى العربية تطفى

روحت غيرت زيت وفلتر ونفس الموضوع مع العلم ان الزيت نزلته على 1500 ك والمفروض هوا 5000 وانا بنزله على 3000

ممكن العيب يكون ايه

[aw2100]

طرمبه الزيت ضعيفة هى اللى ترعش لمبه الزيت وماتسكتش على العيب ده !!

[اشرف الحاوى]

ترعش لمبة الزيت على السلانسية للاسباب الاتية ١_ ضعف طلمبة الزيت ٢_ضياع لازوجة الزيت عن طريق استهلاك او دخول ماء علية ٣_ساعة الزيت تنظف او تتغير ٤_وجود خلاوص فى السبيكة ابداء بل الارخص والاسهل انتا غيرت زيت خلاص نظف ساعة الزيت او غيرها مش غالية ٣٥ جنية وبعد كدة قلنا النتيجة ونشوف هنعمل اية اسف على الاطالة والله المستعان

[bestlove2]

تم تنظيف ساعة الزيت والحمد لله اللمبة تمام بس سامع زى صوت بسيك من المكنة من وش التكاهات فالميكانيكى بيقولى كوستبنات عايزة تتظبط لأنها مخشنا صوت المكنة علما انى لسة معمر المكنة من حوالى شهر تقريبا والحمد لله تمام

[harphosh]

معلش هقول كلمتين عن تجربة
لو سيادتك لسة معمر المكنة وما كنتش غيرت طرمبة الزيت مع العمرة تتبع ما يلى :
1- لو لمبة الزيت بعد أسبوع أو اثنين استقرت وما رعشتش يبقى تمام .
2- لو بعد الأسبوعين أو ثلاثة رجعت اللمبة ترعش تانى غير طرمبة الزيت بدزن تردد .
الكلام ده أكيد وبعد تجربة مريرة مع الموضوع وكسل أدى فى النهاية إلى عمرة
وبإذن الله تيجى سليمة وما تحتاجش تغير حاجة

[ameros]

دا مين اللي عمل العمره لمتورا١٢٠٠ وبكام لاني سمعت اقاويل مأثوره انه لا يمكن يتعمر او يتغير فيه اي حاجه لانه مبيتصلحش او بتعبير ادق مبيتظبتش زي قفل المصنع انا مش صذ الاقاويل ده لاني عارف ان مستوي البوسطجيه اللي فمصر مفيش ادني منه وكلي اقتناع ان الموتور دا وال ١٠٠٠ ممكن يتعمله عمره عادي بس المشكله فمين اللي هيعمله يعني اسطي عنده صنعه وضمير ولا بصمجي اتعود عالفتي والنصب والترقيع وخلاص

[bestlove2]

دا مين اللي عمل العمره لمتورا١٢٠٠ وبكام لاني سمعت اقاويل مأثوره انه لا يمكن يتعمر او يتغير فيه اي حاجه لانه مبيتصلحش او بتعبير ادق مبيتظبتش زي قفل المصنع انا مش صذ الاقاويل ده لاني عارف ان مستوي البوسطجيه اللي فمصر مفيش ادني منه وكلي اقتناع ان الموتور دا وال ١٠٠٠ ممكن يتعمله عمره عادي بس المشكله فمين اللي هيعمله يعني اسطي عنده صنعه وضمير ولا بصمجي اتعود عالفتي والنصب والترقيع وخلاص

والله ياباشا انا عملت العمرة وجبت حاجتها على ايدى والصنايعى بسم الله ماشاء الله ولد شباب بس ايده تتلف فى حرير بمعنى الكلمة وفاهم العجل الجديد ازاى مش عارف خبرته حلوة قوى وكمان شغال بجهاز الكمبيوتر يعنى مش من الناس اللى تقولك غير كذا ونشوف وتقريبا التكلفة كانت فى حدود 4000 فى ناس هتقول كنت جبت مكنة استيراد انا مفضلتهاش بصراحة لأنى مش ضامن تمشى معايا اد ايه وركب وحط والكلام ده وانتم عارفين الوقفة عند الصنايعية والمشى بدون عربية