Tweet
الموضوع و ما فيه ان العربيه بقالها فتره طويله لمبه ال ABS بتكون منوره اول ما ادور العربيه و مجرد ما اتحرك اللمبه تطفى .
انا كنت مكبر دماغى منها رغم ان اللمبه كانت اوقات كتير بتفضل منوره و حتى لما كانت بتطفى ممكن تنور تانى على اى مطب او حتت مكسره امشى فيها.
انا كنت سالت قبل كده و قالو لى ان الجهاز بتاع ال ABS محتاج يتغير بس انا قلت مش عهمل حاجه لغايه ما تجيب اخرها.
المهم من يومين لقيت الفرامل بقت واطيه و بالصدفه ببص على جهاز ال ABS لقيته غرقان زيت فرامل .
و لما رحت للعفشجى قالى ان الزيت ده من الفالف بتاع ABS و ان الاحسن انه يتغير .
خلاص ما فيش مشكله ركبنا جهاز جديد و اخد هوا للفرامل و اللمبه بقت بتطفى اول ما ادور العربيه .
ماشى بقى و فرحان ان اخيرا اللمبه مطفيه ... امشى فى حتت مكسره الاقى اللمبه نورت تانى
المهم رحت لواحد عندنا فى المنصوره اسمه شكرى و حط العربيه على الجهاز و لقى العربيه مسجله العجله الشمال اللى ورا و ده نفس العطل اللى كان بيحصل مع الجهاز القديم ... المهم قالى ده اكيد من الضفيره
فتح علبه فيش جنب باب السواق لقى الفيش مملحه خالص و مجنزره قعد ينضف فيها بالاسبراى و البنزين لغايه ما نضفت
الموضوع ده انا عملته النهارده الساعه 2 الظهر و مشيت بالعربيه فى طرق مكسره كتير ... دعواتكم بقه انى ما اشوفش اللمبه ده منوره تانى ..
انا كنت مكبر دماغى منها رغم ان اللمبه كانت اوقات كتير بتفضل منوره و حتى لما كانت بتطفى ممكن تنور تانى على اى مطب او حتت مكسره امشى فيها.
انا كنت سالت قبل كده و قالو لى ان الجهاز بتاع ال ABS محتاج يتغير بس انا قلت مش عهمل حاجه لغايه ما تجيب اخرها.
المهم من يومين لقيت الفرامل بقت واطيه و بالصدفه ببص على جهاز ال ABS لقيته غرقان زيت فرامل .
و لما رحت للعفشجى قالى ان الزيت ده من الفالف بتاع ABS و ان الاحسن انه يتغير .
خلاص ما فيش مشكله ركبنا جهاز جديد و اخد هوا للفرامل و اللمبه بقت بتطفى اول ما ادور العربيه .
ماشى بقى و فرحان ان اخيرا اللمبه مطفيه ... امشى فى حتت مكسره الاقى اللمبه نورت تانى
المهم رحت لواحد عندنا فى المنصوره اسمه شكرى و حط العربيه على الجهاز و لقى العربيه مسجله العجله الشمال اللى ورا و ده نفس العطل اللى كان بيحصل مع الجهاز القديم ... المهم قالى ده اكيد من الضفيره
فتح علبه فيش جنب باب السواق لقى الفيش مملحه خالص و مجنزره قعد ينضف فيها بالاسبراى و البنزين لغايه ما نضفت
الموضوع ده انا عملته النهارده الساعه 2 الظهر و مشيت بالعربيه فى طرق مكسره كتير ... دعواتكم بقه انى ما اشوفش اللمبه ده منوره تانى ..
Comment