اصلاح مفتاح النور او مرايات الضم فيكترا c

[mishmishy]

الأخوة الأفاضل خبراء الفيكترا c عندى مشكلة فى مفتاح النور ان أول تكة مش بتشتغل والنور بينور من تانى تكة اللى هى العالى وبالتالى النور الواطى مش بينور وكذلك اصبح الفوج عديم الجدوى لانه بينور كدة مع العالى بس. فهل فى حل لاصلاح المفتاح دة . حد جرب يصلحة ولا التغيير هو الحل الوحيد علما بان سعره استيراد عالى حوالى 800ج ولو حد يعرف بتاع قطع استيراد يكون عنده ارخص ياريت يفيدنا. وكذلك مشكلة مراية الضم هل ليها اصلاح ولا التغيير فقط هو الحل وسعرها استيراد 1000ج هل حد يعرف مكان ارخص؟
وشكرا مقدما وان شاء الله الفايدة تعم الجميع لان دى عيوب شائعة

[احمد فهمى]

المفتاح ممكن تفكو وتكشف عليه عادي والمرايه حسب نوع العطل يعنى بتعلق احيانآ والا مبتقفلش خالص؟

[mishmishy]

أ/ أحمد للاسف المفتاح مش لاقى حد كويس فاهم فيه ويعرف يصلحه عن تجربه خصوصا انه عيب شائع ؟ فلو حضرتك تعرف حد ياريت تقولى . اما المراية فهى بتعمل صوت زنه جامدة مع الفتح والقفل بس مش بتتحرك

[احمد فهمى]

المرايه فيهﻻ متور وتروس فى المفصله وفى الغالب بيتكسرو لو حد قفرها وفتحا يدوى كتير وبالنسبه لقصة اصلاحهم دى محتاجه كهربائي بيفهم كان غي عبقرينة اللي فى الحرفيين بيعمل الكلام ده بس معرفش بقى ايه حاليآ محتاجين افاضه من الاخوه هنا

[the_bird5]

المفتاح ده موجود عندي لو عايزه 01007461491

[mishmishy]

استاذ بيرد أقدر اعرف حضرتك طالب فيه كام؟