الحرارة بتعلي مع التكييف

[alameer81]

السلام عليكم
الحرارة عندي من غير تكييف بتبقي بعد اول شرطة بحاجة بسيطة
لما بشغل التكييف بتقرب من النصف واحيانا تعديه لو الجو حر قوى
انا نضفت السربنتينة من برة كويس والمراوح شغالة كويس برده
مفيش تسريب الحمد لله الا بسيط جدا
دايما بستعمل مياه خضراء او مياه مقطرة والمية نضيفة زي ما بحطها
بصراحة خايف افك الرادياتير واسيخه عشان مش ها يرجع زي ما كان اكيد بالاضافة اني مش مقتنع انه مسدود

تفتكروا المشكلة في ايه؟؟

[احمد فهمى]

راجع على سرعات المرا ح ﻷن المروحه فيها اكتر من سرعه

[alameer81]

راجع على سرعات المرا ح ﻷن المروحه فيها اكتر من سرعه

اعتقد والله اعلم ان السرعات شغالة لانى بسمع صوتها بيعلى

[Ahmed_Gad]

بص في فكرة الكهربائي عملها عندي ان المراوح تشتغل عالسرعه العالية مع تشغيل التكييف ودا بيخلي العربية ماتسخنش معايا بقالها سنة والحمد لله تمام
وبردو اخواتنا الكبار في المنتدي يفيدوك اكتر مني اللي مالوش كبير يدخل نايل موتورز هيلاقيله كبير هههههه

[A3SAR]

لو المروحه علي طنبورة ممكن تصغر الطنبورة فعدد لفات المروحه تزيد
هتفرق كتير اوى
فرقت معايا

[alameer81]

المراوح كهربا وبيتحكم فيها الكمبيوتر
يعني لا ينفع ازود سرعاتها ولا اغير فيه توقيت شغلها

[mwetsh]

كان عندي نفس المشكلة و طلة "٣ سرعات المراوح ش مظبوطة ضربا لكم السرعات للمراوحة الخارجية والداخلية

[ghamry]

عندى فى الفيكترا 97 بتوصل 98 مع تشغيل التكييف

[Moataz Slaeh]

لأ ده عادي بس دي مش مشكله كهربا دي رادياتير بيكون بينفس يعني لازم يتفك ويتظبت وعلي فكره دي حاجه بسيطه جدا غير مكلفه كبيرها 20 جنيه

[gomgom3]

ترموستات الكوعه لو ملغيه خااااااالص مفيش منها اي جزء تعمل الموضوع دة انت لاغيها ولا لا
علي العموم لو ملغيه المفروج بيسبوا جزاء من الترموستات الي هو الحله عشان الميه تروح في اتجاه واحد ومترجعش
تخيل معايا كدة الميه السخنه رايحه للردايدتر والطلمبه مش عارفه تزقها فتقوم راجعه تانيه

لو لاغيها راكبها احسن نوع اسمه بيهر الماني ب 110 ج

[kornclub]

فك و سلك شغلانه فك الوش والكصدام و المراوح بس تستاهل التسليك