مطلوب سمكري وبتاع دوكو قريب من سيدي بشر اسكندرية

[Ahmed_Gad]

السلام عليكم ورحمة الله وبركاته
ناوي ان شاء الله اشد العربية واظبطها بحيث ترجع جديدة من تاني وعشان كدا لفيت اسبوع لحد ماجبت اكصدامات وفوانيس وشبكة وعتب فبر ومرايات وكله الحمد لله اصلي استيراد وبحالة الزيرو بس طالب بقي من احلي شباب في اجمد منتدي لو حد فيكم جرب يشد سمكرة وبوية عند حد من اسكندرية ياريت يفيدني بتجربته والاسعار ايه؟ انا سمعت عن واحد في سيدي بشر قبلي اسمه علام لو حد منكم جربه يفيدني الله يكرمكم واسف للاطاله
وجزاكم الله خيرا

[oracle_trainin]

صباح الخير أستاذ أحمد
انا مثلك نفس الوضع بأبحث مثلك - لكنى سوف أسأل عن علام فى سيدى بشر قبلى
ولوكان كويس ومحترم سوف أقول لك -

[Ahmed_Gad]

بص هو انا روحتله النهاردة الصراحة لاقيت عنده عربيات موديلات عالية كلها ومطلع شغل حلو اوي بس هو بيقولي بياخد العربية سمكرة وبوية مع بعض وقاللي 5 الاف جنيه وانا مش عارف كدا كتير ولا ايه خاصة ان عربيتي الحمد لله مافيهاش خبطات ولا عليها معجون ولكن عندي برومة بس في داير الزجاج الخلفي والامامي مثل جميع الاوبل وبرومة تحت العتب الفبر فمش عارف كدا كتير ولا ايه
ولو عاوز تروحله هو في او شارع الصداقه من عالقطر علي يمينك علي طول
بس عاوزين حد يكون اتعامل معاه يفيدنا وانا بحكم اني من سيدي بشر هعسعس في المنطقه علي ناس اشتغلوا معاه وهنقلك كلامهم ان شاء الله

[tasaka]

منعم .. صنايعى محترم .. و عشره على عشره .. و بيدى الشغل حقه و زياده حبتين
بجوار مؤمن اللى فى سيدى بشر على البحر ( ابو هيف ) .. هو فى الشارع الضيق اللى بين خالد ابن الوليد و العيسوى ..

[Ahmed_Gad]

منعم .. صنايعى محترم .. و عشره على عشره .. و بيدى الشغل حقه و زياده حبتين
بجوار مؤمن اللى فى سيدى بشر على البحر ( ابو هيف ) .. هو فى الشارع الضيق اللى بين خالد ابن الوليد و العيسوى ..

طب لو حضرتك جربته احكيلنا عملت ايه عنده والاسعار ايه والخامات ايه

[tasaka]

طب لو حضرتك جربته احكيلنا عملت ايه عنده والاسعار ايه والخامات ايه

الاسطى منعم سمكرى .. العربيه بتدخل بميعاد و تأخذ حقها فى الشغل يعنى الصنعه هى الاساس موش الفلوس ( ممكن يشتغل فى عربيتين مثلا حسب تنظيم عمله ) .. انا اعرفه من اربعين سنه

صنايعى 10/10 .. مصنعيه موش كتيره و موش ببلاش .. لكن بيفهم و ما بيدمرش العربيه عك .. انا لو عندى عربيه زيرو .. اقدر اوديها و انا مطمئن انه حينصحنى النصيحه المظبوطه او حيعمل اللازم لو فيه حاجه تتعمل

ممكن يدلك على بتاع دوكو لو انت طلبت منه فقط ( من الصنايعيه القدام المحترمين ) .. دلنى على واحد عمللت عنده اكصدامين فقط ( ناس محترمين .. لكن لا استطيع الحكم لانى لم ارش العربيه كامله ) .. الاكصدامات اترشت كويس و السعر وسط

[Ahmed_Gad]

الاسطى منعم سمكرى .. العربيه بتدخل بميعاد و تأخذ حقها فى الشغل يعنى الصنعه هى الاساس موش الفلوس ( ممكن يشتغل فى عربيتين مثلا حسب تنظيم عمله ) .. انا اعرفه من اربعين سنه

صنايعى 10/10 .. مصنعيه موش كتيره و موش ببلاش .. لكن بيفهم و ما بيدمرش العربيه عك .. انا لو عندى عربيه زيرو .. اقدر اوديها و انا مطمئن انه حينصحنى النصيحه المظبوطه او حيعمل اللازم لو فيه حاجه تتعمل

ممكن يدلك على بتاع دوكو لو انت طلبت منه فقط ( من الصنايعيه القدام المحترمين ) .. دلنى على واحد عمللت عنده اكصدامين فقط ( ناس محترمين .. لكن لا استطيع الحكم لانى لم ارش العربيه كامله ) .. الاكصدامات اترشت كويس و السعر وسط

طيب الله يكرمك علي الافادة لو كدا هروحله يوم الاتنين واتكلم معاه واوريله العربية واشوف كلامه ايه

[tasaka]

مصنعيه موش كتيره و موش ببلاش

للتوضيح اكثر .. المصنعيه ممكن تكون اعلى من الطبيعى حاجه بسيطه او السعر الطبيعى .

بس ده بالنسبه لى افضل من العك .. و مره كنت مستعجل و عملت شويه توافه عند سمكرى بالصدفه جنب الميكانيكى بتاعى .. و قعد يخبط و يرزع و برجل العربيه .. و رحت لمنعم و ظبط كل حاجه فى ثوانى

ده الفرق بين اللى فاهم صنعته و العكاكين دلوقتى .. و ممكن تطلب حاجه يفهمك غلطها و ايه الاصح لشغل الفابريكه .. و ايه اللى يضر العربيه برغم انه شئ تافه فى نظرى .. و هكذا

. برضه الافضل اتفق معاه قبل الشغل ( انا عاده لا اكلمه فى الفلوس .. يعنى يعمل الشغل و بعدين احاسبه )

[Ahmed_Gad]

للتوضيح اكثر .. المصنعيه ممكن تكون اعلى من الطبيعى حاجه بسيطه او السعر الطبيعى .

بس ده بالنسبه لى افضل من العك .. و مره كنت مستعجل و عملت شويه توافه عند سمكرى بالصدفه جنب الميكانيكى بتاعى .. و قعد يخبط و يرزع و برجل العربيه .. و رحت لمنعم و ظبط كل حاجه فى ثوانى

ده الفرق بين اللى فاهم صنعته و العكاكين دلوقتى .. و ممكن تطلب حاجه يفهمك غلطها و ايه الاصح لشغل الفابريكه .. و ايه اللى يضر العربيه برغم انه شئ تافه فى نظرى .. و هكذا

. برضه الافضل اتفق معاه قبل الشغل ( انا عاده لا اكلمه فى الفلوس .. يعنى يعمل الشغل و بعدين احاسبه )

طيب الله يباركلك
لو كدا ان شاء الله هسقط عليه بكرة

[Ahmed_Gad]

الحمد لله روحت للحاج منعم وفعلا هو راجل اولا ملتزم ثانيا فاهم ثالثاً خبرة وقديم رابعا ودي الاهم ذوق جدا غي مقابلته وتحس انه مش هيخذلك وان شاء الله بكرة العربية هتدخل عنده وان شاء الله هوافيكم بتقارير اول بأول بس عندي مشكلة في رفع الصور ودعواتكم بقي وبشكر جدا الأستاذ tasaka اللي عرفني علي عم منعم ونفسي ان شاء الله نعمل مقابلة للاسكندرانية عشان أتعرف عالناس الحلوة دي

[tasaka]

الحمد لله روحت للحاج منعم وفعلا هو راجل اولا ملتزم ثانيا فاهم ثالثاً خبرة وقديم رابعا ودي الاهم ذوق جدا غي مقابلته وتحس انه مش هيخذلك وان شاء الله بكرة العربية هتدخل عنده وان شاء الله هوافيكم بتقارير اول بأول بس عندي مشكلة في رفع الصور ودعواتكم بقي وبشكر جدا الأستاذ tasaka اللي عرفني علي عم منعم ونفسي ان شاء الله نعمل مقابلة للاسكندرانية عشان أتعرف عالناس الحلوة دي

الحمد لله .. على فكره انا كنت متردد كتير ان احط اسمه و مكانه على النت .. لانى عارفه موش بتاع دوشه

و لكن حسيت انك راجل محترم .. و اتمنى لك التوفيق .. و اتفق معاه الاول على المصنعيه

[Ahmed_Gad]

الله يخلي حضرتك ويباركلك في بيتك ومالك بس احنا كدا ان شاء الله لازم نتقابل عشان اشكر حضرتك عالواجب دا

[tasaka]

ممكن يدلك على بتاع دوكو لو انت طلبت منه فقط ( من الصنايعيه القدام المحترمين ) .. دلنى على واحد عمللت عنده اكصدامين فقط ( ناس محترمين .. لكن لا استطيع الحكم لانى لم ارش العربيه كامله ) .. الاكصدامات اترشت كويس و السعر وسط

كنت طلبت من منعم يدلنى على صنايعى دوكو من الناس بتوع زمان ( اللى كنت بأتعامل معاهم زمان )..

و دلنى على ناس محترمين جدا جدا.. و لا يختلفوا عن الاسطى منعم فى الذوق و الادب ( ولاد ناس و شبعانين ) .. الله يرحمه ابوهم كان صنايعى دوكو كبير و معروف جدا ( كنت بأرش عنده دوكو زمان ) .. بس انا كنت نسيت اسمه

انا ما حبيتش احكم عليهم .. لان ده كان اول تعامل معاهم و لانى لم ارش سيارتى كامله عندهم .. و الاكصدامات بتاعتى طلعت كويسه الحمد لله .. و برضه لقيت عربيات جايه من الاسطى منعم عندهم

على فكره .. لما كنت بارش الاكصدامات .. شوفت عربيه لسه مرشوشه عندهم .. و كانت ممتازه

[Ahmed_Gad]

تقصد اولاد البرادعي؟
انا روحتلهم بسهما طلبوا غالي شويتين حتي لما حكيت لعم منعم قاللي اصبر هنشوف حد تاني وربنا يساويها في واحد جار صاحبي وشوفت عنده شغل في اوبترا وسيراتو راششهم كاملين 'وطالع شغل كويس فربنا يسهل

[vectra b]

عم جمال مزلقان سيدى بشر القطر وانضف شغل ممكن تشوفو فى حياتك واقل سعر كان معايا ابيزا 2001 كان فيها بارومه فى العتب كلو والاكصدام الى ورا مخبوط وفيه عضمه هربانه من الكابوت والرفرفين الى قدام متبهدلين وبالصور وكل ده خد مصنعيه 800 جنيه