مساعدة فى سيارة اوبل تكون محترمة

[egyplan]

معلوماتك قيمة جدا ووضحت اشياء كتيرة وحددت اكتر السيارة المستهدفة وهى :
اوبل مو 2000 الى 2003 وتكون موتور 1600 مانويل وموتور اسود مش ايكوتيك وحالتها كويسة طبعا
الله يكرمك على مجهودك فى الشرح والتوضيح
جزاك الله كل الخير

[احمد فهمى]

بالفعل 1600 من 2000 ل2003 فيكترا بى 2 مانيوال بس اهم حاجه الحاله وطبعآ يكون التكيف شغال وكويس واي حد يقولك محتاج شحن او غيرو تعرف انو مش شغال وهتغير فى الغالب الدوره كلها عشان يبقى عندك تكيف

[Ahmed_Gad]

الحمد لله اني اقدرت اقدم معلومه مفيدة وبعدين احمد بك فهمي عميد الاوبلاوية وعمنا طالما قال كلمته والحمد لله اني طلعت ليا نفس رأيه ما اقدرش ازود حاجة بعده

[mexmarine]

أستاذى الغالى أنا املك أسترا 1200 سى سى من سبع سنوات و مشكلتى انى لما بروح للميكانيكى ما بيبقاش فاكرنى فبيعاملنى انى اول مره اروح له .. و الله ما باضحك باتكلم بجد و الكلام ينطبق على الكهربائى أيضا

الاوبل أسترا هى التويوتا كورولا فى الاعتماديه بالضبط .. زيت و بنزين 92 و شكرا ..
تكييف ممتاز ماجيتش جانبه من فبراير 2009 تاريخ شرائى للسياره
مشكلته داخل البلد بيؤثر على قوة العربيه بس عادى دى 1200 سى سى
ذهاب الى القاهره و العوده بنصف التانك حوالى 23 لتر
العربيه معايا و مش للبيع
نصيحه لوجه الله هات العربيه دى بس الحاله ثم الحاله ثم الحاله
نصائح الفيكتراويه على راسى لكن شوف كم مشاكل الفيكترا بصفه عامه و مشاكل الاسترا .. زى ما حضرتك قلت هتبقى ميكانيكى محترف :) انا لو قرأت مشاكل الاوبل ما كنتش اشتريت اوبل
انا ظروفى كانت زى ظروفك طالع من ابيزا بدون تكييف و عاوز عربيه كويسه تسافر بيها فى اى وقت و هى فعلا للسفر ممتازه و داخل البلد ممتازه . و ربنا يوفقك و تحت امرك فى اى سؤال

ملحوظه : المشاكل اللى قابلتنى بيها هى لقلة الخبره فى شراء قطع الغيار زى موضوع دبلة الدبرياج اللى كنت كاتبه و ينصح انك تشترى استعمال خارج أفضل من الجديد ميت مره

[egyplan]

بصراحة انتوا ناس محترمه وبتحاول تدل السائل الى افضل نتيجة وتعطى النصيحة بصدق وامانه
انا بحب السيارات الالمانى بسبب الاسكودا عربيه محترمة وحاسس بقيمة السيارة الالمانى
ربنا يكرم باذن الله والاقى فيكترا 1600 او استرا 1200 كويسة من نصيحة الاستاذ محمد عبد السلام المحترم

[mexmarine]

بصراحة انتوا ناس محترمه وبتحاول تدل السائل الى افضل نتيجة وتعطى النصيحة بصدق وامانه
انا بحب السيارات الالمانى بسبب الاسكودا عربيه محترمة وحاسس بقيمة السيارة الالمانى
ربنا يكرم باذن الله والاقى فيكترا 1600 او استرا 1200 كويسة من نصيحة الاستاذ محمد عبد السلام المحترم

تسلم يا باشا و ربنا ييسر لك الأمر

[egyplan]

ممكن لو حد فيكم يعرف حد فى القاهرة (تاجر - هاوى سيارات - ميكانيكى - محل لبيع المستعمل ) يعطنى رقمه اهم شئ يكون أمين وعنده الخبرة فى السيارات الاوبل يشترى لى سيارة فيكترا موديل b2 1600 سي سي الموتور القديم الاسود مانيوال وتكون حالتها نظيفة
لان الشراء عن طريق المواقع او سوق السيارات يعتبر مغامرة لانعدام الضمير خاصة لمن لا يملك الخبرة فى هذه السيارة.

وجزاكم الله خير

[egyplan]

طالما انى مش لاقى مساعدة من اعضاء المنتدى فى ترشيح شخص او معرض يكون امين
فدورت على النت ولقيت معرض عارض سيارة اوبل موديل 99 موتور 1600 سي سي كاملة مانيوال بيقولوا السيارة ب 60 الف جنية
اتصلت بيهم ومبدئيا باذن الله هتفرج على العربية وربنا يكرمنى بسيارة كويسة وميتنصبش عليا
لانى خايف اوى يتنصب عليا فى العربية وتطلع فيها مشكلة كبيرة فى الموتور او العفشة واكتشف المشكلة كالعادة بعد فترة من شراء السيارة

[mexmarine]

أستاذنا الغالى اللى حضرتك طلبته أمانه و طالما ماعرفش حد مش هاقدر اعمل حاجه تضر حضرتك .. العربيه اللى بتقول عليها غاليه جدا جدا و شايف انك بتتسرع فى الشراء

[ibrahim sallam]

متابع

[egyplan]

م محمد عبد السلام
كتر خيرك ان حضرتك نبهتنى على سعر هذه السيارة انه مبالغ فيه.

طب ممكن حضرتك تقولى متوسط سعر هذه السيارة فى حالة ان كانت حالتها نظيفة كما يقولون؟
على العموم انا سوف اتفرج عليها اولا ولن اتسرع فى الشراء وان احسست انها سيارة كويسة سوف اقول لهم على متوسط سعرها الذى سوف تبلغنى به.
والف شكر لك

[egyplan]

ذهبت للمعرض لكى اتفرج على السيارة الاوبل مو99 1600 سىسى لون شامبين معروضه ب 60 الف
جيت اركن قريب من المعرض لقيت السيارة مركونة بعيده عن المعرض
دخلت المعرض السكرتيرة قالتلى السيارة ب 60 الف وهى فول اوبشن وعاملة حوالى 180 كيلومتر
المهم قلتلها عاوز اتفرج على الاوبل
من كثرة السيارات البى ام المستعملة موديلات حديثة لم يتذكروا اين هذه السيارة الاوبل
المهم انا قلتلهم انا شفت اوبل عند الكشك ده يمكن هيا
جابوا المفتاح وجاء العامل فتح السيارة
السيارة من الخارج ماشاء الله ممتازة جدا بدون خربوش الكابوت والرفارف مظبوطين على الشعرة
فقط غطاء المرايا الشمال مكسور
المهم فتح السيارة وقعدت ابص على القاوئم والتعب من واقع خبرة السمع بالموقع فلقيتهم سلام مفيهومش مشكلة
لما جلست فى السيارة ( ودى اول مرة اجلس فى سيارة اوبل)
حسيت انى اقود طائرة وليست سيارة (يمكن عشان اول مرة اركب اوبل)
المهم بصيت على الفرش حست ان العربية متبهدلة ومتهانة
الفرش وسخ وهو عبارة عن قماش وتنجيد الابواب شكلة وسخ وذراع الباب البلاستيك عند السائق مكسور
وبصيت لقيت الساعة مخرفة والزرار بتاعها مخلوع
والكاسيت تقريبا الاصلى بتاع الشرايط وفيه لمبه حمرا صغيرة بتنور كل شوية
حطينا مفتاح الكونتاكت وبدور
بسم الله ماشاء الله الموتور صوته جميل وناعم وقوى احساس متميز وصوته جبار على ال اى بى ام 3
وشغلنا التكييف وبعد شوية بدء يسقع بس صوت المروحة على السرعة الثالثة كان عالى شوية
التارة بدون اى زرارير

المهم فتحت الكابوت طلع على مساعدين زى الطيارة
صوت جميل للموتور والاهم انه مطلعش النوع اليوتيك اللى انتم قلتوا عليه فقلت كويس
الصدر بتاع السيارة شكلة كويس وطبعا الحوض لا تراه من كثرة المعدات الميكانيكية والكهربائية
بس لاحظت الموتور معرق زيت
فتحت الشنطة الساساسيات كويسة بس الباكتتات وسخة جدات ومزيته
المهم حسيت ان العربية مهانة ومتمرمطة ولن تغسل منذ زمن
على الرغم من الرخصة التى تنتهى فى 27-6-2015 ان المالك سيدة تسكن فى نفس المنطقة والمعرض قالى انهم شارين السيارة بتوكيل
وطبعا عداد الكيلو طبع فوق ال 250 الف كيلو عكس ماقالوا
المهم حسيت ان العربية قيمتها اقل من 60 الف
رحت بقى لصاحب المعرض اسئلة عن السيارة قالى هى فين؟
قلتله السيارة عند الكشك هناك
قالى تمنها (55 الف) ههه تخفيض خمس الاف مش عارف هل هو نسى ام ايه اللى حصل
المهم انا بقلب جامد قلتلة العربية تعبانة وده تمن مبالغ فيه والموتور معرق زيت وممكن تصرف كتير
قالى عاوز تشتريها بكام؟
قلتله 48 الف بعد ما اجيب ميكانيكى يبص عليها قالى من 55 الى 48 الف هزة ب 7 الاف كتير
ولمح انها ممكن تتباع على 52 الف
وشكرته واخذت الكارت تبع المعرض
ومش عارف هل هى لقطة ام لا؟
الصور ساقوم برفعها مع فيديو المعاينة
مع التحية

[Ahmed_Gad]

ذهبت للمعرض لكى اتفرج على السيارة الاوبل مو99 1600 سىسى لون شامبين معروضه ب 60 الف
جيت اركن قريب من المعرض لقيت السيارة مركونة بعيده عن المعرض
دخلت المعرض السكرتيرة قالتلى السيارة ب 60 الف وهى فول اوبشن وعاملة حوالى 180 كيلومتر
المهم قلتلها عاوز اتفرج على الاوبل
من كثرة السيارات البى ام المستعملة موديلات حديثة لم يتذكروا اين هذه السيارة الاوبل
المهم انا قلتلهم انا شفت اوبل عند الكشك ده يمكن هيا
جابوا المفتاح وجاء العامل فتح السيارة
السيارة من الخارج ماشاء الله ممتازة جدا بدون خربوش الكابوت والرفارف مظبوطين على الشعرة
فقط غطاء المرايا الشمال مكسور
المهم فتح السيارة وقعدت ابص على القاوئم والتعب من واقع خبرة السمع بالموقع فلقيتهم سلام مفيهومش مشكلة
لما جلست فى السيارة ( ودى اول مرة اجلس فى سيارة اوبل)
حسيت انى اقود طائرة وليست سيارة (يمكن عشان اول مرة اركب اوبل)
المهم بصيت على الفرش حست ان العربية متبهدلة ومتهانة
الفرش وسخ وهو عبارة عن قماش وتنجيد الابواب شكلة وسخ وذراع الباب البلاستيك عند السائق مكسور
وبصيت لقيت الساعة مخرفة والزرار بتاعها مخلوع
والكاسيت تقريبا الاصلى بتاع الشرايط وفيه لمبه حمرا صغيرة بتنور كل شوية
حطينا مفتاح الكونتاكت وبدور
بسم الله ماشاء الله الموتور صوته جميل وناعم وقوى احساس متميز وصوته جبار على ال اى بى ام 3
وشغلنا التكييف وبعد شوية بدء يسقع بس صوت المروحة على السرعة الثالثة كان عالى شوية
التارة بدون اى زرارير

المهم فتحت الكابوت طلع على مساعدين زى الطيارة
صوت جميل للموتور والاهم انه مطلعش النوع اليوتيك اللى انتم قلتوا عليه فقلت كويس
الصدر بتاع السيارة شكلة كويس وطبعا الحوض لا تراه من كثرة المعدات الميكانيكية والكهربائية
بس لاحظت الموتور معرق زيت
فتحت الشنطة الساساسيات كويسة بس الباكتتات وسخة جدات ومزيته
المهم حسيت ان العربية مهانة ومتمرمطة ولن تغسل منذ زمن
على الرغم من الرخصة التى تنتهى فى 27-6-2015 ان المالك سيدة تسكن فى نفس المنطقة والمعرض قالى انهم شارين السيارة بتوكيل
وطبعا عداد الكيلو طبع فوق ال 250 الف كيلو عكس ماقالوا
المهم حسيت ان العربية قيمتها اقل من 60 الف
رحت بقى لصاحب المعرض اسئلة عن السيارة قالى هى فين؟
قلتله السيارة عند الكشك هناك
قالى تمنها (55 الف) ههه تخفيض خمس الاف مش عارف هل هو نسى ام ايه اللى حصل
المهم انا بقلب جامد قلتلة العربية تعبانة وده تمن مبالغ فيه والموتور معرق زيت وممكن تصرف كتير
قالى عاوز تشتريها بكام؟
قلتله 48 الف بعد ما اجيب ميكانيكى يبص عليها قالى من 55 الى 48 الف هزة ب 7 الاف كتير
ولمح انها ممكن تتباع على 52 الف
وشكرته واخذت الكارت تبع المعرض
ومش عارف هل هى لقطة ام لا؟
الصور ساقوم برفعها مع فيديو المعاينة
مع التحية

بص ياصديقي انا هكلمك من وجهة نظري الضيقة ولك ان تأخذ بها او ان تتغاضي عنها
اولا انت بتقول العربية متهانة وانا في رأيي ان الشخص اللي مايهتمش بنظافة عربيته اللي هي بيته التاني يبقي مش هيهتم بصيانتها ولا باي حاجة تانية
ثانيا الحاجات الرفايع في الاوبل بتصرف كتير عشان بس ماحدش يقولك خدها وظبطها.... انا عندي اخد عربية سليمة والناس تقولي انها ممتازة بس غالية ولكن ماخدش عربية رخيصة وتبهدلني وخليك في مثل الغالي رخيص والرخيص غالي... انا عاوز اقولك جبت 4ضوافر اكصدام خلفي و4كلبسات بمبلغ 210جنيه ودا عشان مابحبش العك وكمان انت بتقول موتور معرق زيت
ثالثا دا الاهم.... الناس بتفرح لما يلاقوا عربية ايتعمال سيدة انا بقي ياصديقي ليا رأي عكس كل الناس دول مع احترامي الكامل للبنات والسيدات بس اللي انا ملاحظه ان البنت او السيدة بتهين العربية وتبهدلها بحكم انهن ماعندهمش اي خبرة يعني مثلا ممكن يكون في عطل جسيم في العربية المفروض ماتتحركش وهي طبعا مش عارفه فتمشي وتهرس وعادي

[egyplan]

معلش الصور حجمها كبير انا جمعتهم فى الرابط التالى هلاقى فولد به الصور كلها

https://www.dropbox.com/sh/kvn451vow0ngmg7/AAAIyC9pI39l1wIpA7a-P8mSa?dl=0

[egyplan]

عندك حق فعلا انا لما لقيت الاتى فى السيارة بايظ قلقت:
1- الموتور معرق زيت من اعلى وده باين من الصور فى الرابط
2- فيه حساس بين البطارية والموتور شكلة مفصول
3- فيه سلك احمر شكلة غريب فى الصورة معدى جمب الموتور من الشمال وده يدل اان كان فيه لعب كهربا اتعمل
4- الساعة البايظة وذراع الباب من الداخل مكسور وطفاية السجائر الامامية بتعلق واغطاء المريا الشمال مخلوع
5- الفرش شكلة مترب ومتوسخ جامد وفيه زيت مدلوق فى شنطة العربية موسخ الباكتات وفرش الارضية
6- العربية بتوكيل والترخيص هينتهى فى هذا الشهر يعنى تشترى وتجرى تعمل الترخيص بسرعة.

تحس ان فيه اهمال جامد لدرجة ان الناس فى المعرض مش عارفين العربية مركونه فين ولا صاحب المعرض عارف هو كان عارضها بكام وطبعا من كثرة البى امات الحديثة المستعملة عندهم والقشقاى وعربيات بالملايين فتلاقى الاوبل دى عاملينها مرمطون المعرض للمشاوير بتاعتهم خاصة انهم مش راكنينها زى بقيت السيارت فى المعرض دول ركنينها فى الشارع عادى زى اى عربية يعنى دى عربية مشاوير المعرض وطبعا تلاقى العمال بيسوقوها وبيعموا امريكانى وبيحملوا فيها بضايع