بخصوص تكييف فيكترا موديل 2000

[medoshalan]

لو سمحتم يا جماعه انا صلحت التكييف واشتغل معايا بس اول ما كنت اشغله كانت حراره العربيه بتنزل لى 80 وتفضل ثابته طول ما التكييف شغال بس كان ضعيف اووووووووووى المهم كنت مسافر وقولت لما ارجع هشوف بتاع التكيف يبص عليه دلوقتى بقاله يومين التكييف بقى تلاجه لوحده بس المشكله ان الحراره بقى بتعلى على طول وبتوصل 92 ومش بتنزل طول ما التكييف شغال ولو نزلت بتنزل 90 او اقل حاجه بسيطه بس التكييف اتظبط جدا حد يفيدنى ايه المشكله وهل السخونيه مع التكييف دى طبيعيه ولا اعمل ايه

[andrew uwk]

راجع علي المراوح و سرعاتها

[cayman69300]

90 او 92 عادى جدا فى الاوبل الـ 1600 او 2000

[m7nsh]

اعتقد بما ان كانت الحراره بتنزل بس و مفيش اداء للتكييف ان المراوح قامت عالسرعه العاليه " وعشان كده الحراره نزلت " و الكلاتش بتاع الكمبريسور مقامش اصلا ط وده اللى خلاك ماتحسش بالتكييف و مايحملش عالموتور فالحراره نزلت و خلاص "..
بعد كدا الفيشه بتاعت الكمبريسور بما انها بتعلق فظبطت و لما اشتغل الحراره عليت عشان حمل التكييف الطبيعى ..
رأيى المتواضع ..اكشف ع فيشه الكمبريسور عشان غالبا هي اللي بتهيس و شوف كلاتش الكمبريسور بيلف لما بتشغله بالنظر كدا ولا لأ ..

[boozoo2010]

معلش ممكن حد بس يفهمنى هى مروحت الموتور المفروض كام سرعة و مروحة التكيف كام سرعة ؟
انا عربيتى 1999 فيكترا بى 2.0 ايكوتيك اوتوماتيك

[m7nsh]

في سرعتين للمراوح .. و بيشتغلو مع بعض ..يعنى المروحتين يشتغلو سوا عالسرعه الاولي ..أو يشتغلو سوا عالسرعه التانيه او مايشتغلوش خالص :)

[boozoo2010]

الف شكر يا كبير :-)
طيب اعرف منين انهم بيشتغلو السرعة الثانية ؟ يعنى انا بشفهم بيشتغلوا اه بس بيتهيالى سرعة واحدة

[medoshalan]

طب دلوقتى يا باشا التكييف مبقاش يسهيس يعنى شغال تلاجه على طول بس المشكله دلوقتى ان لما الجو بيكون حر اوى الحراره بترفع لحد 95 وبتفضل شويه وبترجع تنزل لو مشيت على طريق مفتوح لكن لو فى زحمه بتفضل عاليه وبتنزل لحد 92 وساعات 90 وترجع ترفع تانى لكن فى الاوقات اللى مش حر اوى يعنى بعد العصر كده او فى وقت تانى من اليوم الحراره مش بتعدى ال 90 فعايز اعرف ال 95 دى خطر وكده فيه مشكله ولا طبيعى ولا ايه وشكرا على الاهتمام يا باشا

[علاء طولون]

طب دلوقتى يا باشا التكييف مبقاش يسهيس يعنى شغال تلاجه على طول بس المشكله دلوقتى ان لما الجو بيكون حر اوى الحراره بترفع لحد 95 وبتفضل شويه وبترجع تنزل لو مشيت على طريق مفتوح لكن لو فى زحمه بتفضل عاليه وبتنزل لحد 92 وساعات 90 وترجع ترفع تانى لكن فى الاوقات اللى مش حر اوى يعنى بعد العصر كده او فى وقت تانى من اليوم الحراره مش بتعدى ال 90 فعايز اعرف ال 95 دى خطر وكده فيه مشكله ولا طبيعى ولا ايه وشكرا على الاهتمام يا باشا

طبعا طبيعى الموتور يسخن زياده لان المفروض الكباس بيستهلك حوالى 1/5 الموتور بس نصيحة انك تراجع على دائرة التبريد يعنى ممكن تسليك الردياتير و خصوصا علشان لسه الصيف حيشد الحرارة اكتر