استخدام منظف دائرة البنزين stp

[boozoo2010]

بس اية رايكوا فى منظف دائرة البنزين stp سواء الاسود او الفضى
ناس بتقول حلو بس لازم طريق سفر و ناس قالتلى الطلمبة هتضرب و انا معقد طلمبة !!
انا عاوز استخدمة لان العربية عندى بتاكل بنزين و الRPM احيانا ينزل جامد و احيانا يعلق على واحد و نص !
مع انى نظفت البوابة
افدونى بمعلوماتكم فى هذا الموضوع و لكم كل شكر و احترام
انا عربيتى فيكترا 2.0 ايكوتيك اوتوماتيك

[Ahmed_Gad]

بص هو حلو جدا وبيفرق بس خد بالك عشان عندي طلمبة بنزين الفبريكا ما اتحلتش قبل كدا اول ماحطيته وفولت عالاخر وروحت مشوار ووقفت لاقيت البنزين نازل من التانك عالارض وراحت التفويله لانه تسبب في تلف الرينج اللي هو جوان الطلمبة بس للامانه بردو انا كنت جربته قبل كدا مرتين في عربيتي الاولي اللانوس ماتلفش حاجة هي يمكن بتبقي حسب لو عندك حاجة متلصمة وبتتلكك

[Abo_Mazen]

أنا جربت الإبرو ..وواحد صاحبي جربه برضه بس عربيته كارب..بصراحه فرق معايا فرق السنين ...ما شاء الله عليه بصراحه ..مع صاحبي قالي ما فرقش حاجه ..يمكن هو مكانش محتاجه أصلا ..عموما أنا حطيته على تفويله ..ومشيت عادي بالعربية لا طلعت على طريق مفتوح ولا طريق مقفول ..كان إستخدامي ليها عادي جدا بعد ما حطيته ..بس الكلام على الإبرو

[boozoo2010]

لاكن يا شباب الحجات دى ملهاش اضرار ؟
مع العلم ان انا مشويرى قصيرة و كثيرة بس داخل البلد

[م أحمد]

أوعى تستخدم المنظف دا قبل ما تغير فلتر البنزين لانه هيسيح البلاوى جوة الفلتر القديم و يبعت على الرشاشات او الخلاط ، و بعد ما تستخدمه تغير الفلتر التانى مرة تانية

[Abo_Mazen]

أوعى تستخدم المنظف دا قبل ما تغير فلتر البنزين لانه هيسيح البلاوى جوة الفلتر القديم و يبعت على الرشاشات او الخلاط ، و بعد ما تستخدمه تغير الفلتر التانى مرة تانية

راي معتبر برضه ..مع إني أنا معملتش كده ومحصلش حاجه ..بس ماشي ...رأيك ليه أساس علمي

[akmm]

عامه انا استخدمته اكثر من مره وهو ممتاز وليس له اضرار اطلاقا ان تم مراعاه شيئين الاول انه يستخدم على تفويله كامله للسياره يعنى لايقل عن 45 لتر الى 60 لتر وحتى تقريبا نهايه التفويله والتانى ان ةيتم استخدامه كل 10000 كم من عمر السياره يعنى مش ورا بعض او عند كل تفويله زى معزز الاوكتين وده هتلاقوه مكتوب على كل عبوه ايا كانت الماركه وهو بيؤدى الى تنظيف شبه كامل لخط الوقود فى السياره ومنها الرشاشات ويستحسن فعلا بعد استعماله تغيير البوجيهات وفلتر البنزين وتحياتى للجميع .

[AHMEDJUDDY]

هات العلبه الفضي و ملهاش اي اضرار ان شاء الله ولا تغير اي حاجه قبل او بعد الاستعمال
وده عن تجربه شخصيه .... بس ال stp حل مؤقت للسياره .
وعن تجربه شخصيه اكتر من 4 مرات استعمال ... انك بتحطه علي نص التانك و بعدها تفول
وبعد 50 او 100 كم حتحس بفرق ان العربيه نعمت و صوت الموتور بقي اقل والسحب زاد كتير والتكييف مش مأثر علي اداء الموتور وانا شخصيا كنت مبسوط منه جدا . بس لما تخلص التفويله اللي فيها المنظف و احط بنزين 92 تاني من غير ال stp والله العظيم العربيه بترجع تاني زي ما كانت ..... فلو هتستعمله مع كل تفويله هتنبسط منه اوي ..
لكن هتجيب علبه او اتنين و خلاص علي كدا يبقي وفر فلوسك احسن .

[boozoo2010]

امال لو عاوز حل نهائى لتنظيف الايدل و البوابات و الرشاشات و كل الدائرة اعمل اية يا جدعان !!

[Abo_Mazen]

امال لو عاوز حل نهائى لتنظيف الايدل و البوابات و الرشاشات و كل الدائرة اعمل اية يا جدعان !!

الأيدل والبوابات ليهم إسبراي ..والرشاشات يتفكوا ويتحطوا على جهاز الألترا سونيك ....بس موضوع المنظفات ده عملي وكويس وناس كتير عملته

[boozoo2010]

طيب هو لازم طرق سريعة او جرى ؟!!
و عموما شكرا جدا على معلوماتكم الكثيرة و على سرعة الرد

[boozoo2010]

ياشباب
لمبة الاتشك نورت بعد ما حطيت ال stp الفضى بعشر دقائق + ان ريحت العادم بقة وحشة جدا
هل دا معناه ان الدورة وسخة بزيادة
ملحوظة :-
انا بمشى بالعربية عادى مش طريق سفر او جرى
هل دا طبيعى !!

[Abo_Mazen]

ياشباب
لمبة الاتشك نورت بعد ما حطيت ال stp الفضى بعشر دقائق + ان ريحت العادم بقة وحشة جدا
هل دا معناه ان الدورة وسخة بزيادة
ملحوظة :-
انا بمشى بالعربية عادى مش طريق سفر او جرى
هل دا طبيعى !!

حضرتك جبت بتاع الإنجيكشن ..؟؟؟؟؟!!!!!!!!!!!!

[boozoo2010]

لا الفضى
stp complete fuel system cleaner

[Abo_Mazen]

لا الفضى
stp complete fuel system cleaner

ما هو أنا ما أتعاملتش في stp..أنا إتعاملت في الإبرو