مشكلة tps ( اتمنى عاشور باشا ينورني)

[m_mustafa313]

سلام عليكم يا رجالة الأوبل كل سنة وانتوا طيبين أولا
هو عندي مشكلتين في عربيتي vectra B 97 مش عارف مرتبطين ببعض ولا إيه!!
أول مشكلة في الفيشة بتاعة حساس ال tps مهزوزة وكل شوية العربية صوتها يعلى لوحده.. هل دي بتتغير ولا كهربائي يظبطها مع العلم إن تم تنظيف الريش بتاعة الفيشة ولسه المشكلة موجودة والحساس سليم.
تاني مشكلة البطارية كل شوية تفضي شحن.. ولو سبتها يومين منزلتش لازم أدور على علشان وصلة.. وبتعمل كده كمان مع التكييف.. لو عملت مشوار وانا مشغل التكييف وبطلت العربية ماتدورش غير بوصلة شكيت في الفيشة بتاعة tps برضه ﻷن مفروض اما بشغل التكييف ال rpm يعلى سنة وده مابيحصلش.. ممكن يكون ده سبب ولا إيه؟؟ مع العلم إن قياس الدينامو مظبوط والبطارية جديدة.

[اوبل 2]

كانت عندى نفس المشكلة وكانت مجننانى وغيرت الفيشة ونسىيت خالص الحوار دة لان الفيشة القديمة ببقى ريشها مجنزرة مهما تنظف مفيش فايدة الا موقتا

[ashourashour]

سلام عليكم يا رجالة الأوبل كل سنة وانتوا طيبين أولا
هو عندي مشكلتين في عربيتي vectra b 97 مش عارف مرتبطين ببعض ولا إيه!!
أول مشكلة في الفيشة بتاعة حساس ال tps مهزوزة وكل شوية العربية صوتها يعلى لوحده.. هل دي بتتغير ولا كهربائي يظبطها مع العلم إن تم تنظيف الريش بتاعة الفيشة ولسه المشكلة موجودة والحساس سليم.
تاني مشكلة البطارية كل شوية تفضي شحن.. ولو سبتها يومين منزلتش لازم أدور على علشان وصلة.. وبتعمل كده كمان مع التكييف.. لو عملت مشوار وانا مشغل التكييف وبطلت العربية ماتدورش غير بوصلة شكيت في الفيشة بتاعة tps برضه ﻷن مفروض اما بشغل التكييف ال rpm يعلى سنة وده مابيحصلش.. ممكن يكون ده سبب ولا إيه؟؟ مع العلم إن قياس الدينامو مظبوط والبطارية جديدة.

عليكم السلام .. رمضان كريم

لازم تشوف حل للترامل اللي فالفيشه تتنضف كويس و بتديق .. انا مش مع انك تقطع الضفيره وتركب فيشه تانيه لكن ممكن تغير الترامل لو فعلا بايظه خالص

مش معقول البطاريه والدينامو كويسين و موضوع مشوار بعد التكييف لان التكييف بيستهلك تيار عشان المراوح والبلاور فكدا شكله الدينامو مش بيعوض كويس روح لكهربائي اوبل كويس يقيسلك الشحن ويظبطلك الفيشه

لو البطاريه كويسه والدنامو كويس و العربيه بتتركن يومين بتنام كدا في حاجه بتسحب تيار من البطاريه وهيا مركونه

اقفل عربيتك و وصل اميتر توازي مع البطاريه وشوف بيسحب تيار كبير ولا لا

مشاكلك بسيطه .. روح انت بس لحد من المشهورين بتوع اوبل و هيحلهالك على طول

[ah-elgendy]

انا عندى مشكله الحساس ده العربيه بيعلى ال ار بى ام ل 2000 او اكتر اغير الفيشه استيراد ولا جديده و تتكلف كام ولو بتتنظف انظفها بايه ؟

[ashourashour]

wd40

ممكن تنقط فالفيشه نقطتين زيت باكم وخلي بالك ميقعش عالدهان

[ah-elgendy]

wd40

ممكن تنقط فالفيشه نقطتين زيت باكم وخلي بالك ميقعش عالدهان

يعنى احط wd40 ولا احط زيت باكم حيرتنى معاك