سؤال بخصوص الاوبل ضرورى

[unoman]

السلام عليكم
كان اخويا معاه اوبل فيكترا 2001 تقريبا هى فيكترا يعنى وكانت ممتازة وحمالة أسية وزى الفل
طبعا العفشة كانت بمبلغ محترم وغالية بصفة عامه بس معمرة قطع الغيار ,,
المهم دلوقتى
انا عايز اجيب عربية فى حدود 100000 هتكون قسط ,,,
ففكرت فى كسر الزيرو بس تكون حاجة محترمة بعيد عن التويوتا الى هى انضف الموجودين اصلا
ولا طبعا اللوجان والحاجات دى ,,, فمامفيش احسن من الاوربى ,,
فالاختيار كان على الاوبل
فدلوقتى ممكن اجيب اية من الاوبل ؟؟؟؟ واكيد اوتوماتيك !!!!
وطبعا متكنشى نار فى قطع الغيار فينا ناس موظفين وعارفين ,,,
وعايز كمان معرض او حاجة اجيب منها كسر زيرو ,,,,!!!!!!

[خالد دياب]

بعيد عن التويوتا الى هى انضف الموجودين اصلا ؟؟؟

طيب حضرتك عارف انها احسن الموجودين متخلص فيها واعمل تيست درايف الاول وجرب لنسر قرش برده هتعجبك

[ashourashour]

موظف ووراك التزامات متهوبش ناحيه الاوبل

الاوبل ليه مصروف عشان يفضل اوبل والا ملوش لازمه اقعد اشوف بدايل وحاجات تركب من لانوس ومش عارف اه و قطع غيار مضروبه ملوش لازمه

[K.Ossama]

موظف ووراك التزامات متهوبش ناحيه الاوبل

الاوبل ليه مصروف عشان يفضل اوبل والا ملوش لازمه اقعد اشوف بدايل وحاجات تركب من لانوس ومش عارف اه و قطع غيار مضروبه ملوش لازمه

بالضبط كدة
أوبل محتاجة يتصرف عليها علشان تفضل تمام
لو مش ناوى تصرف يبقى بلاش

[ashourashour]

بالضبط كدة
أوبل محتاجة يتصرف عليها علشان تفضل تمام
لو مش ناوى تصرف يبقى بلاش

لو مش ناوي تصرف بلاش ... عايزين نبروز السطر ده ونحطه على صفحه المنتدى


والله الواحد شاف ناس جابت عربيات و مصرفتش جنيه

والنتيجه العربيات بقت زباله الزباله تقرف تركبها حتى

[unoman]

شكرا ليكم
بس حضرتكم رديتوا على اجزاء معينه وسبتوا الاهم

اولا هى التويوتا حلوة واللانسر وهكذا بس انا بحب الاوربى باعتباره ارقى

ثانيا موضوع الصرف دا نسبى يعنى مقولتش انى مش هصرف او هبخل بس يعنى ميزانيتى 1000 جنيه للعربية بدون البنزين كل شهر ,,, ومعرفشى دى اية اخبارها للعربية فى الوقت انه ليا صديق مثلا صيانه للbmw بتاعته بتعدى معدل ال 1500 شهريا ,,,

ثالثا بناء على ما سبق :) ,, اجيب اية اوبل بقى بالمبلغ الى ممكن يكون معايا !!!! ومنين ممكن اقسط كسر زيرو او مستعمل !!!!!