حد جرب كمبروسور تكييف نوبيرا للفيكترا b

[m.sarhan22]

السلام عليكم اعضاء المنتدى الكرام

كان في موضوع عن تكييف الفيكترا b عاملة الاستاذ احمد هارون

وكان بيقول فيه انه ركب كمبروسور بتاع نوبيرا مكان بتاع الفيكترا ونفع واشتغل معاه

ارجوا الافادة لاني نازل بور سعيد اليوم هجيب كام حاجة للعربية وكنت محتار في قصة التكييف

[cayman69300]

اه بيركب - بس خلى بالك التكييف مش كومبريسور و بس - و اوعى تفكر ان التكييف يبقى زى الكورى
التكييف مكونات كتيرة و طريقة توصيلها و مرورها فى العربية عليها عامل كبير
فخلى بالك
بس عموما الكمبريسور بتاع النوبيرا ممتاز طبعا و سعره حنين من 350:400 جنية

[medoshalan]

انا جربته يا باشا واشتغل معايا زى الفل وغيرته بعد كده بكومبروسر اوبترا وشغال زى الفل برده

[boozoo2010]

طيب يا شباب لانى عندى نفس المشكلة
هو بتاع النوبيرة او الوبترا بيحتاج تعديل علشان يركب ولا بيركب علطول ؟

[medoshalan]

هو مش بيحتاج اى تعديل بس خلى بالك من المسامير بتاعت القاعده اللى بيتثبت منها لانها بتخلف خلى الراجل يفكلك القاعده تاخدها وانت بتشترى او يجبلك رسمه المسامير لانهاحصلت معايا ورجعت مرتين واتبهدلت

[m.sarhan22]

انا جربته يا باشا واشتغل معايا زى الفل وغيرته بعد كده بكومبروسر اوبترا وشغال زى الفل برده

انهي احسن بتاع النوبيرا ولا بتاع الاوبترا؟

[medoshalan]

بتاع الاوبترا انا راى الشخصى انه افضل عن تجربه الاتنين