إعـــــــلان

Collapse

.

,
See more
See less

تسجيل ملاحظة عدت على خير والحمد لله

Collapse
X
 
  • Filter
  • الوقت
  • Show
Clear All
new posts

  • تسجيل ملاحظة عدت على خير والحمد لله

    السلام عليكم.
    أنا عايز أحكي عن تجربة عدت على خير والحمد لله . العربية متور منصور الاسود بخاخ واحد مانوال

    أنا كنت نضفت أايدل كنترول علشان ساعات كان الأيدل بيوصل ألف ونص وساعات ألفين (الطريقة مشروحة في موضوع جميل للأستاذ فادي)، رحت بعدها بيوم مشوار بالعربية وركنت طبيعي، وأنا مروح بعد ما خلصت المشوار... بدور العربية بتدور بس بتطفي على طول حتى قبل ما أجيبها على الغيار الأول.
    الصراحة كل اللي جه في دماغي هوه إن الأيدل كنترول هوه اللي باظ، مش هعرف أشتريه يوم جمعة الساعو 12 بليل، فحطيتها على الأول فضلت دايس دبرياش ودورت ودست بنزين علشان المتور ميبطلشن شلت رجلي من على الدبرياش ... طلعت وفضلت دايس بنزين طول الوقت (في المطبات كنت بححطها على التاني وكانت تبطل وتقوم تاني بمجرد ماتعدي المطب) وحظي الحلو اني كنت بمشي على الطريق السريع من سندوب.

    بعد ما روحت قلت افتح الكبوت وأبص على الأيدل كنترول ولو انضفة تاني واجرب....... لقيت فيشة حساس الماب (العمة) واقعة !!!!!!!!!!!!!!!!!!!!!!!!
    السن اللي بيثبتها مكسور من يوم ما اشتريت العربية .... بس دي اول مرة الفيشة تقع.
    المهم أنا بكره الصبح هبقى اشوف صرفة في تثبيت الفيشة .

    الدرس المستفاد:

    لو بتدور العربية لقيتها دارات بس ال rpm نزل للصفر على طول بعد ما كان وصل للألف..... راجع حساس العمة وشوفة الفيشة راكبة ولا لأه..... وياريت تشوف حاجه تثبته لو سن الفيشة اللي بيثبتها مكسور

  • #2
    بعيدا عن اى شىء والله انت راجل محترم انك بنتقل تجربتك للناس عشان الاستفادة

    Comment


    • #3
      لف عليها بلاستر او ثبتها بأفيز بلاستك

      Comment

      Working...
      X