أرجو المساعدة، مشكلة فى الفتيس بينطر على الخامس+ تدوير العربية فى كورسا سيدان

[John Nagy]

مساء الخير عليكم،
الفتيس عندى بينطر من التعشيقة لما اجيب الخامس وفيه رزعة لما أرجع مارشدير، فى ناس بتقولى دى غوايش وسهل تتغير وفيه الميكانيكى اللى باروحله بيقولى أحسنلك تركب واحد إستيراد هايجبهولى ب 1200 فقلت أسأل أهل الخبرة هنا هل التصليح فى حالتى هايجيب نتيجة ولا أغير الفتيس؟
المشكلة التانية ان العربية لازم ادوس بنزين جامد لما اجى أدور ولا ماتدورش ده غير انها بتفصل لما أشغل التكييف وهى على الأول او سرعتها قليلة زززغيرت حساس اسمه الماب بتاع ضغط الهوا وفلتر بنزين وهوا و بوجيهات ولسة، انا عندى قواعد الموتور بايظة هل ليها علاقة؟؟؟
أنا متشكر مقدما..

[HAITHAM1985]

لو تكاليف التصليح قد الجديد يبقى تجيب جديد أحسن

بالنسبة لمشكلة الدوارة .......... دى غالبا طرمبة بنزين

[sameh_se]

مساء الخير عليكم،
الفتيس عندى بينطر من التعشيقة لما اجيب الخامس وفيه رزعة لما أرجع مارشدير، فى ناس بتقولى دى غوايش وسهل تتغير وفيه الميكانيكى اللى باروحله بيقولى أحسنلك تركب واحد إستيراد هايجبهولى ب 1200 فقلت أسأل أهل الخبرة هنا هل التصليح فى حالتى هايجيب نتيجة ولا أغير الفتيس؟

90 % من اللخبطة الى حصلت لحضرتك فى الفتيس من قواعد الموتور غيرها او اظبطها كل اللخبطة دى ان شاء الله هتتظبط و الله اعلم .
لان فى قاعدة من قواعد الموتور مسكة الفتيس برضو مشتركين مع بعض
و غالبا القواعد هى الى عاملة المشاكل دى .

[hany_fekry]

انا كان عندى نفس المشكله وروحت لواحد بتاع فتيس بس فك القلب وركب قلب لانوس استراد واموضوع كله مخدش في ايده ساعة من غير ما يفك الفتيس القلب بيتفك من ناحية العجلة الشمال وخد بالمصنعية 500 جنية ولعربية رجعت احسن من الاول