مروحة الريداتير

[amraaaa]

السلام عليكم
انا عندى مروحة الريداتير بتعمل صوت و بقت اللفه بتاعتها مش عاديه قولت اروح لكهربائى قالى لازم تغيرها و قالى هات جديد بس انا مش عارف اجيب جديد ولا استيراد و سئلت على الجديده بى 550 تيوانى مش عارف بقى هتبقى احسن و لا اجيب واحده استيراد ومش عارف هتبقى بكام .ارجو الافاده و شكرا مقدما .

[ahmedkasem]

الاستيراد هتعمل من 400 ل500
وانا من وجهة نظري الشخصية لو لقيت واحدة استيراد راكبة في نص مش متهان وحالته كويسه يبقى تفكها من النص ده وتتوكل على الله وتاخدها من التاجر برضه بضمان تجربة كام يوم بالاتفاق مع التاجر
وانا شخصيا بعمل كده لما اشتري حاجة استيراد لازم تتحل قدامي من نص ويا سلام لو يكون النص فيه تابلوه بشوف العداد عامل كام كيلو + الشكل العام للنص بيبين حالة الحاجة مهلوكة ولا لأ + اتفاق اربع او خمس ايام تجربة عشان لو فيها حاجة ترجعها او تاخد واحدة تانية غيرها
وحتي لو سعر الاستيراد بنفس سعر التايواني يبقى الاستيراد افضل برضه عشان الاصلي اصلي

[cayman69300]

زى ما قال احمد قاسم - استيراد روعة و خصوصا ان المروحة عندهم مبتشتغلش من الاساس لان الجو تلج - فبالتالى هتاخد مروحة اصلية زيرو

[amraaaa]

الف شكر ليكو و ليا استفسار فى حد اجيب منو المروحه الاستيراد ولا انزل الحرفين وانا ورزقى و شكرا للافاده