أسترا h 2008 - الكمبورسور لا يعمل بسبب عطل فى الكنترول؟

[Mahmoud Nasr]

ألسلام عليكم جميعا,
لسه شارى أسترا H 2008 بس الكتيف ما كنش شغال و كان مفضى فريون كشفت عليه طلع فيه تنفيس فى السربنتينة, المهم أتلحم و كلة تمام, الراجل ملا هوا عشان يجرب الكمبورسور لأه مش شغال, بص على توصيلات الكهربا, ملاقاش أى دخل واصل, بص على الفيوزات لاقاها سليمة, قالى نكشف كمبيوتر, جربنا على جهاز Tech2 الراجل قلى مش لاقى الكمبرسور خالص, رحنا عند واحد تانى عنده OP-com على لاب توب قالى ده عيب فى الكنترولر بتاع الموتور و محتاج تعمل Software update ب 500 جنيه أو تغير الكنترولر ب 3500 جنيه.
أرجو الإفادة.
و لكم جزيل الشكر.

[Mahmoud Nasr]

مفيش أى رد ؟ , هى العربيه دى الكل بيخاف يقرب منها حتى هنا فى المنتدى :)

[Mahmoud Nasr]

أشتريت جهاز OP-COM عملت Test A\C لاقيت ال A\C relay InActive عملته Activation Test أشتغل زى الفل يعن دلوقتى الرلاى سليم و الكمبيوتر قارى الضغط سليم و الفيوز سليم.
فين المشكلة يا رجاله؟

[احمد فهمى]

مشكلة كنترول جي واردة اعمل له سوفت وير ومتدفهش لو نشتغلش واتفق معاه علي كده

[Mahmoud Nasr]

الحمد لله, شغلته باستخدام ال OP-COM
دخلت على الموتور لاقيت عند الكمبورسور (Not Present)
روحت على programming و اختارت نوع الكمبورسور (with clutch) ثم (OK)
تمت البرمجة و الكمبورسور اشتغل زى الفل.

[ashourashour]

مين قالك 500 جنيه سوفتوير ده صحيح ؟؟؟

[Mahmoud Nasr]

مين قالك 500 جنيه سوفتوير ده صحيح ؟؟؟

واحد إسمه أحمد عز فى الحى السادس.

[ashourashour]

واحد إسمه أحمد عز فى الحى السادس.

سيبك انت.. انت برنس

[ahmedsepak]

ياريت يا جماعة تقولولي ايه رأيكم في اوبل استرا 2009 h سيدان ماشية 150000 و صاحبها بيقولي اكشف في اي حتة و اي عيب لو في يبقي علي حسابه بس عايز اعرف العربيه كا اجمال و قوة و اعطال نظامها ايه