استفسار صرورى بخصوص تكييف اوبل فيكتراb

[ALI SOLIMAN]

السلام عليكم يا رجاله الاوبل

انا عندى التكييف بيسرب ميه جوه العربيه وبالخصوص فى الدواسه اليمين (جنب السواق) وشوفت نقط ميه بتنزل من التابلوه من تحت فى اخر الدواسه

فكنت عايز اعرف ده من الفايز ولا التلاجه مخرومه ولو من الفايز ياريت اعرف مكانه فين عشان اشوف الموضوع ده العربيه غرقت لدرجه ان الميه وصلت لدواسه السواق

*** وفى مشكله تانيه العربيه والتكييف شغال الحراره بتاعتها بتبقى تحت ال95 فى حدود 93

بس لو حرقت على المكنه فى المشى او استخدمت زرار (s) الحراره بتعلى مره واحده وبتوصل لل100 وممكن اعلى شويه من ال100 فبفصل التكييف بسرعه وفى لحظات بتكون الحراره نزلت ل90

ياريت المساعده لاخوكم واسف على الاطاله

على فكره المكنه عندى 2000 واحد كامه السوداء

[mouu8]

موضوع الحرارة دا انزل شوف مروحة الرادياتير مروحة الكبيرة حتلاقيها فاصلة فى الغالب

[m7nsh]

موضوع الميه سلك خرطوم الفايظ

[ALI SOLIMAN]

موضوع الميه سلك خرطوم الفايظ

تمام يا باشا انا معاك بس انا مش عارف مكانه فين وحاولت ادور عليه مش لاقيه ياريت لو تعرف مكانه تقوللى عشان انا فكيت فرش الارضيه عشان انشف الميه الدنيا عندى زايطه

[ALI SOLIMAN]

موضوع الحرارة دا انزل شوف مروحة الرادياتير مروحة الكبيرة حتلاقيها فاصلة فى الغالب

الله ينور عليك انا شفت المراوح لقيتها شغاله بس بتتاخر فى التشغبل فعملت ريسيت للمراوح عن طريق زرار التكييف ودلوقتى الدنيا ظبتت تمام والحراره انا وماشى 90 وانا واقف مش بتعدى 95 طبعا والتكييف شغال

متشكر جدا للمتابعه

[m7nsh]

بيتسلك من صدر العربيه ..من جوه الحوض والكابوت مفتوح يعني .. مش من جوه .. و المكان مش عارف بالظبط والله بس اى بتاع تكييف مش هياخد دقايق ان شاء الله

[ALI SOLIMAN]

بيتسلك من صدر العربيه ..من جوه الحوض والكابوت مفتوح يعني .. مش من جوه .. و المكان مش عارف بالظبط والله بس اى بتاع تكييف مش هياخد دقايق ان شاء الله

تمام الف شكر على المتابعه