العربية بتكتم و تقطع مع الطلعة أسترا h

[Mahmoud Nasr]

العربيه بتكتم و سعات بتقطع مع الطلعة بالذات فى الزحمة أو لو محمل اكتر من احد فى العربيه, بس بعد الغيار التانى تبقى ذى الفل و كأن مفيش مشكله خالص.
و أوقات كتيره بشم ريحة بنزين بعد الضغط الكتر على الدواسه عشان تسحب.
الموضوع مزعج جدا و عرضنى لخطوره أكتر من مرة فى التقاطعات.
العربيه أسترا h إيزى ترونك.
أرجو الافاده و شكراَ

[Mahmoud Nasr]

كشفت عليها ب OP-COM طلع الاخطاء دى:

P0130 - O2 Sensor Circuit High Voltage (Bank 1 Sensor 1)
P0135 - O2 Sensor Heater Circuit Malfunction (Bank 1 Sensor 1)
P1113 - Port Deactivation Position Sensor Circuit Low Voltage

هل حساس الاكسجين يعمل المشكله دى؟
و فين مكان ال Port Deactivation Position Sensor وايه سبب الفولت المنخفض.

[ashourashour]

حساس الاكسجين يعمل مشكله فالحريق طبعا

بالنسبه للبورت بتكون بين المنافولد ووش السلندر انت xep ولا xe1

البورت لو فيها مشكله العربيه فال RPM الواطي اقل من 2500 مش هتمشي هتكون ضعيفه جدا و هتقطع وممكن تضرب مدفع كمان

لان عال RPM الواطي البورت مفروض تقفل

البورت بيتم التحكم فيها عن طريق سولونويد فالف بياخد فاكيوم من الموتور عشان يتحرك ويقفل ويفتح ال4 بورت
السولينويد بيتحكم فيه الكنترول يونت كهربيا وفي مقاومه متغيره بتبعت وضع ال 4 بورت للكنرول كفيدباك

انت غالبا البورت عندك مفتوحه على طول ده اللي مدمر العربيه فال RPM الواطي

اوعى يكون معمول كوبري على اشاره السولينويد او حد يعملك كوبري

روح لحد متخصص من المشهورين فالاوبل يشغلك البورت وبعدين يشوف حساس الاكسجين


يعني تشغل البورت

تشوف حساس الاكسجين

تنضف قنوات ال EGR

هتركب عربيه تانيه خالص

[Mahmoud Nasr]

حساس الاكسجين يعمل مشكله فالحريق طبعا

بالنسبه للبورت بتكون بين المنافولد ووش السلندر انت xep ولا xe1

البورت لو فيها مشكله العربيه فال rpm الواطي اقل من 2500 مش هتمشي هتكون ضعيفه جدا و هتقطع وممكن تضرب مدفع كمان

لان عال rpm الواطي البورت مفروض تقفل

البورت بيتم التحكم فيها عن طريق سولونويد فالف بياخد فاكيوم من الموتور عشان يتحرك ويقفل ويفتح ال4 بورت
السولينويد بيتحكم فيه الكنترول يونت كهربيا وفي مقاومه متغيره بتبعت وضع ال 4 بورت للكنرول كفيدباك

انت غالبا البورت عندك مفتوحه على طول ده اللي مدمر العربيه فال rpm الواطي

اوعى يكون معمول كوبري على اشاره السولينويد او حد يعملك كوبري

روح لحد متخصص من المشهورين فالاوبل يشغلك البورت وبعدين يشوف حساس الاكسجين


يعني تشغل البورت

تشوف حساس الاكسجين

تنضف قنوات ال egr

هتركب عربيه تانيه خالص

شكرا جزيلا على الرد التفصيلى.
الموتور xep
أنا أقرب واحد ليا هو أحمد سعيد اللى قدام وطنية الوفاء و الامل, هل ده كويس و لا ترشح حد أفضل؟
وشكراَ

[ashourashour]

شكرا جزيلا على الرد التفصيلى.
الموتور xep
أنا أقرب واحد ليا هو أحمد سعيد اللى قدام وطنية الوفاء و الامل, هل ده كويس و لا ترشح حد أفضل؟
وشكراَ

تمام

اتعامل معاه هو شخصيا وسلملي عليه

[Mahmoud Nasr]

تمام

اتعامل معاه هو شخصيا وسلملي عليه

روحتله النهارده ووصلتله السلام وهو بيسلم عليك كتير.
لما روحت كشف على العربية بالتك2 وطلع نفس الاخطاء و قالى ننضف البورتات و الegr
بعد ما فك المانافول لاقاه مبهدل و قالى نغيره أحسن, اشتريت من عنده واحد إستيراد ب 1000 جنيه.
و غير حساس الtps بالمره. و نضف ال egr وكله تمام.
الفولت بتاع الحساس كان عالى و الموتور مش شغال, ظبّت البتنشيومتر واشتغل كويس (مش عارف ده صح ولا لأ) المهم الاخطاء إختفت و كله تمام.
نيجى نجرب نلاقى نفس المشكله زى ما هيه, الكاتمه قلت كتير بس التقطيعه زى ماهيه
قال ده أكيد الكاتينة مقدمه شويه, و فعلا فك الكاتينه و ظبتها.
نيجى نجرب نلاقى نفس المشكله زى ما هيه
قال دى شكلها مشكلة فتيس, عمل توتش بوينت و أخد هوا
برضو التقطيعه مع الطلعة زى ما هية
طبعا كان اليوم تقريبا خلص, قلى كده المشكلة فى الاسطونه و الديسك و قلى أروحله يوم تانى يغيرهم
مع العلم إن الاسطوانة و الديسك عندى متغيرين من فتره قريبة.
مش عارف الموضوع فتح جامد و بقى محير جدا. إيه رأيك؟

[ashourashour]

روحتله النهارده ووصلتله السلام وهو بيسلم عليك كتير.
لما روحت كشف على العربية بالتك2 وطلع نفس الاخطاء و قالى ننضف البورتات و الegr
بعد ما فك المانافول لاقاه مبهدل و قالى نغيره أحسن, اشتريت من عنده واحد إستيراد ب 1000 جنيه.
و غير حساس الtps بالمره. و نضف ال egr وكله تمام.
الفولت بتاع الحساس كان عالى و الموتور مش شغال, ظبّت البتنشيومتر واشتغل كويس (مش عارف ده صح ولا لأ) المهم الاخطاء إختفت و كله تمام.
نيجى نجرب نلاقى نفس المشكله زى ما هيه, الكاتمه قلت كتير بس التقطيعه زى ماهيه
قال ده أكيد الكاتينة مقدمه شويه, و فعلا فك الكاتينه و ظبتها.
نيجى نجرب نلاقى نفس المشكله زى ما هيه
قال دى شكلها مشكلة فتيس, عمل توتش بوينت و أخد هوا
برضو التقطيعه مع الطلعة زى ما هية
طبعا كان اليوم تقريبا خلص, قلى كده المشكلة فى الاسطونه و الديسك و قلى أروحله يوم تانى يغيرهم
مع العلم إن الاسطوانة و الديسك عندى متغيرين من فتره قريبة.
مش عارف الموضوع فتح جامد و بقى محير جدا. إيه رأيك؟

انا متاكد ان احمد شاطر

بس الموضوع سعات بيكون عايز صبر وللاسف سعات عشان تظبط العربيه بتصرف كتير

وانت عارف ان عربيتك للاسف ملعوب فيها جامد .. انت نفسك صلحت عك كتير بال OP com صح ؟

مش عيب تتفق مع احمد يتاكد ان المشكله طقم دبرياج عشان الطقم مش رخيص


عشان لاقدر الله ميتغيرش الطقم والمشكله تفضل موجوده

وربنا يوفقك

[Mahmoud Nasr]

انا متاكد ان احمد شاطر

بس الموضوع سعات بيكون عايز صبر وللاسف سعات عشان تظبط العربيه بتصرف كتير

وانت عارف ان عربيتك للاسف ملعوب فيها جامد .. انت نفسك صلحت عك كتير بال op com صح ؟

مش عيب تتفق مع احمد يتاكد ان المشكله طقم دبرياج عشان الطقم مش رخيص


عشان لاقدر الله ميتغيرش الطقم والمشكله تفضل موجوده

وربنا يوفقك

حكاية ملعوب فيها دى حقيقة للاسف.
و موضوع الاسطوانة و الديسك مكلف حبتين هو قالى هيعمولهولى ب 3000 بالمصنعية عشان كده هستانى شوية.
هو أنا جه فى بالى إحتمال. هل قواعد الموتور لو بايظه تعمل كده؟
أنا جربت أفتح الكبوت و أخلى حد يحاول يطلع بالعربيه, الموتور كان بيتحرك على مسافة كبيرة جدا مستحيل يكو ن الشداد مدى المساحة دى كلها, بس مش عارف أحكم الصراحة عشان مش باين كويس.