شكمان ثنائي للفيكترا سي

[عمرو شرف الدين]

السلام عليكم و رحمة الله و بركاته

أيام و هبدأ فتعديل عربتي (Vectra C) من 1600 لـــ 2200 سي سي ، و بعدها عاوز أعدل الشكمان علشان يبقى بعلبتين و مخرجين ذي الـــ (OPC) ذي ما بتوضح الصوره المرفقه .

سؤالي مين بيشتغل فالتعديل ده و العنوان لو أمكن ،و يا ريت لو حد عملها يفيدني.

[Amr.Fathy]

المطراوى للشكمانات فى الحرفيين

[the_bird5]

هتجيب منين ال 2200

[عمرو شرف الدين]

المطراوى للشكمانات فى الحرفيين

تسلم يا كبير ... لو تليفونه ... ابقى مديون لك طول العمر :)

[عمرو شرف الدين]

هتجيب منين ال 2200

استقر رأيي على الشيخ هيثم فأول الحرفيين من ناحية مدينة السلام جنب جراج السوبر جيت
هو عمل التعديل لواحد زميلي فالشغل و انا كمان هروح عنده

[Amr.Fathy]

تسلم يا كبير ... لو تليفونه ... ابقى مديون لك طول العمر :)

https://www.facebook.com/matrawy

[عمرو شرف الدين]

https://www.facebook.com/matrawy

مشكور يا كبير تم الدخول على صفحته بالفيسبوك و التواصل

[abou-yahia]

استقر رأيي على الشيخ هيثم فأول الحرفيين من ناحية مدينة السلام جنب جراج السوبر جيت
هو عمل التعديل لواحد زميلي فالشغل و انا كمان هروح عنده

تقريبا حيتكلف كام

[Abdo Taha]

استقر رأيي على الشيخ هيثم فأول الحرفيين من ناحية مدينة السلام جنب جراج السوبر جيت
هو عمل التعديل لواحد زميلي فالشغل و انا كمان هروح عنده

لو الشبخ هيثم هيركبلك المكنة السودا خليه يركبلك ال twin exhaust بتاعها و الحليتين اعملهم عند بتاع الشكمانات

[عمرو شرف الدين]

تقريبا حيتكلف كام

إحنا إتفقنا على 16 ألف
حاولت إن أشوف موضوع أجيب نص و أركب الموتور و الفتيس و أبيع القديم و بواقي النص علشان أوفر التكلفه حسب نصيحة الأخوه المحترمين فالمنتدى اللي نصحوني بكده، بس فشلت الفكره لأني ماليش فالقصه دي و كل ما أروح لحد و أقوله عاوز أبيع بواقي نص و موتور قديم بفتيسه يقولي ماليش فيه.
و كمان لو الموتور طلع مش تمام هبقى ضيعت الدنيا، و الحق يقال الشيخ هيثم مع زميلي خلاه يركب العربيه 3 شهور و يعيش و يدوس فيها علشان لو كان في مشكله أو عيب و أي حاجه ما تعجبهوش يغيرهوله.

[عمرو شرف الدين]

لو الشبخ هيثم هيركبلك المكنة السودا خليه يركبلك ال twin exhaust بتاعها و الحليتين اعملهم عند بتاع الشكمانات

هيركب المكنه السوده و أنا بالفعل قولتله على ال twin exhaust ،و جاوبني بإنه لو لقاه هيركبه، لأنه بيجي مع ال gts و ال opc، و مابيفرقش فالأداء لأنه بيركب الشكمان الأحادي بتاع ال 2200 سي سي ، و لو هعمله عند المطراوي أو أبو زيد هكلف نفسي من غير عائد حقيقي على الأداء بس المنظر هو اللي هشوفوه و الصوت.

[Abdo Taha]

هيركب المكنه السوده و أنا بالفعل قولتله على ال twin exhaust ،و جاوبني بإنه لو لقاه هيركبه، لأنه بيجي مع ال gts و ال opc، و مابيفرقش فالأداء لأنه بيركب الشكمان الأحادي بتاع ال 2200 سي سي ، و لو هعمله عند المطراوي أو أبو زيد هكلف نفسي من غير عائد حقيقي على الأداء بس المنظر هو اللي هشوفوه و الصوت.

لو عاوز اداء ... يبقى هتعمل exhaust system كامل من ال headers و طالما هتعمل شغل فب العربية فكلف نفسك دلوقتي و ارتاح و شيل تكلفته من الشيخ هيثم ... سقط مكنتك بفتيس و كبالن و عفشة و خد العربية للمطراوي في الحرفيين جنبك يظبطلك القصة دي و هيفرق كأداء و شكل و صوت و كله ... و تبقى كده عملت عربية ملهاش حل من وجهة نظري

[عمرو شرف الدين]

لو عاوز اداء ... يبقى هتعمل exhaust system كامل من ال headers و طالما هتعمل شغل فب العربية فكلف نفسك دلوقتي و ارتاح و شيل تكلفته من الشيخ هيثم ... سقط مكنتك بفتيس و كبالن و عفشة و خد العربية للمطراوي في الحرفيين جنبك يظبطلك القصة دي و هيفرق كأداء و شكل و صوت و كله ... و تبقى كده عملت عربية ملهاش حل من وجهة نظري

أرائك كلها محل الإعجاب و الثقه يا باشمهندس، و جاري التنفيذ.

بالمناسبه، إيه الفرق بين المكنه السوده و السيلفر، فالأداء، و ليه لو السوده أركب ال Twin Exhaust ، و لو السيلفر لأ ؟

[Abdo Taha]

أرائك كلها محل الإعجاب و الثقه يا باشمهندس، و جاري التنفيذ.

بالمناسبه، إيه الفرق بين المكنه السوده و السيلفر، فالأداء، و ليه لو السوده أركب ال Twin Exhaust ، و لو السيلفر لأ ؟

السيلفر ... قديمة نازلة من ايام الفيكترا بي و السي 1 من 2002 ... المكنة السودة احدث و مشاكلها اقل و الفرق ان المكنة السودة direct injection و نسبة انضغاطها عالية شوية .. فطبعا مقدار العادم مختلف و اللي ممكن بيحتاج مخرجين بدلا من واحد لسرعة خروج العادم عشان ميكتمش العربية ... المكنة الفضي 147 hp المكنة السودة 155 hp