هل لو جهاز الabsعطلان ممكن يمنع وصول زيت الفرامل للعجلتين اللى ورا

[سامح السيد]

السلام عليكم ورحمه الله وبركاته
كل عام وانتم بخير
والله لسه راجع من شويه من عند الميكانيكى والمشكله بدات من صوت تكتكه فى العجله الشمال اللى ورا مع المشى وبتروح مع الفرامل وترجع تانى ومع العلم ان الفرامل فى الاربع عجلات بتعمل بصوره طبيعيه وفرامل العربيه كويسه جدا وجهاز الABS اللمبه منوره بقالها سنه والفرامل كويسه
قالى التيل الخلفى خلص وهو اللى عامل صوت مع المشى وحنفتح العجله التانيه ونظفها بالمره ونغير زيت الفرامل واشتريت زيت فرامل dot4 وحط زيت الفرامل وعلشان الزيت يوصل للعجلتين اللى وراء استحاله مفيش زيت بيوصل وراء وبدا يفك الوصلات اللى داخله على جهاز الفرامل (البستم) وبرده مفيش زيت وفك المستر العمومى وشيك علىه وقال تمام والاحتمال الاخير بعد اكثر من ساعه من المحاولات واخد الهواء وعمل مكاركه اكثر من مره ومفيش فايده قالى ان العيب من جهاز ABS وعلشان الوقت متاخر قفلنا كل حاجه مكانها وحاليا العربيه فيها فرامل فى العجلتين الى قدام بس ومش عارف احتمالات الصنايعى من ناحيه الABS صحيحه ولا لا فما الحل
وانا اسف للاطاله

[slimbig]

لأ طبعا مش ال abs دي هلاوس جهله, روح لحد تاني فاهم يشوفلك الحكاية دي, ممكن يكون عيب فالاسطوانه الفرعيه بتاعت الفرامل و بسيطه إن شاء الله

[ashourashour]

ممكن من ال abs وشوفتها قبل كدا بس الزيت كان اسود و السبب الزيت بهدل الجلد وفتته وسد قنوات ال abs

[ULTRA]

العيب من abs و حصل معايا انه منع الزيت من العجله الخلفية شمال و كانت العربيه ما يتقفش و ضغط الزيت هربان و غيرتة و الجديد اشتغل تمام بس قبل ما اغيره اشتريت مفتاح لواكير و فكيته و روحت لبتاع الكاوتش و نفخت الهوا في مدخل الزيت اللي واخد من الخزنه و كان الهواء بيخرج من الابع مخارج ما عدا واحد بس و بالطريقة دي اتأكدت ان العيب من abs