كورسا 94 روشة

[A.Saad]

يوم الجمعة شفت عربية كورسا 94 المانى
كاوتش مائى
جنط 14
عفشتها رياضى
فتحة سقف
وحدة رفع زجاج وكله كهربا طبعا
كاسيت بايونيير
ملاايات كهرباء
143000 كم
مطلوب فيها 33000
ايه رايكم فى السعر دة
صاحبها بيقول انها كاربرتيراى ما فيهاش كمبيوتر ، بس انا اعرف ان الاوبل كلها فيها كمبيوتر
فهل كلامه صح ولا لا

[Ahmad Allawy]

يعني ايه كاوتش مائي؟
العفشة ايه عرفك انها رياضية فعلا..؟؟ مش مضمونة..
ولو رياضية نوعها تعبان تبقي حاجة وحشة. هتحتاج تغيرها كلها..
مش كلها زجاج كهربا.ز اللي قدام بس..
مرايات كهربا فعلا.. ده حقيقي.. و فتحة سقف..

مش كاربيراتير.. انجيكشن بس اسمه سينجل بوينت.ز يعني رشاش واحد بيدي ال4 سلندرات..
و فيها كومبيوتر طبعا.
السعر يعتبر كويبس.. بس اكشف عليها ف التوكيل.

[A.Saad]

كاوتش مائى يعنى مضاد للامطار اى النوع الذى يطرد المياة من تحته منعا للانزلاق
انا مشفتش العفشة فعلا دا كلام البياع ، مش معنى كدة انى مصدقة او مكدبة لحد ما زى حضرتك قلت اكشف عليها
هو مخلى الزجاج كله كهربا لانه مركب وحدة رفع زجاج
الموتور انا شفت ان فيه زى اربع سلوك سود خلين على كل سلندر وفى اخر كل واحدة زى شمعة سودا ، الكلام دة من برة مش فكيت حاجة
ازاى احدد العفشة نوع رياضى كويس ولا سيء
ازاى اتاكد من موضوع الكاربرتير او الكمبيوتر
لانى خايف تكون كمبيوتر وانا عارف انه غالى بيوصل 2000 و ممكن فى التوكيل 4500 جنيه
والاهم يا باشا متشكرين على التعب

[Ahmad Allawy]

كاوتش مائى يعنى مضاد للامطار اى النوع الذى يطرد المياة من تحته منعا للانزلاق
انا مشفتش العفشة فعلا دا كلام البياع ، مش معنى كدة انى مصدقة او مكدبة لحد ما زى حضرتك قلت اكشف عليها
هو مخلى الزجاج كله كهربا لانه مركب وحدة رفع زجاج
الموتور انا شفت ان فيه زى اربع سلوك سود خلين على كل سلندر وفى اخر كل واحدة زى شمعة سودا ، الكلام دة من برة مش فكيت حاجة
ازاى احدد العفشة نوع رياضى كويس ولا سيء
ازاى اتاكد من موضوع الكاربرتير او الكمبيوتر
لانى خايف تكون كمبيوتر وانا عارف انه غالى بيوصل 2000 و ممكن فى التوكيل 4500 جنيه
والاهم يا باشا متشكرين على التعب

شوف يا باشا..
الكاوتش ده مش مهم هو ايه.. بس المهم يكون نوعه ايه..
ماهو في كاوتش فيه النظام ده و كوري.. و تمن الفردة 200 جنيه..
و في بريدجستون فيه الموضوع ده و تمن الفردة 350 جنيه.. المهم النوع..
دي مش حاجة مخصوص او كاوتش مخصوص.. لأ دي بتبقي ميزة ف الكاوتش..
و الفرق فيها مش بيبقي ملحوظ قوي علي فكرة.. يعني انت ممكن متحسش بيه قوي..
يعني انا محسيتش بالحكاية دي بين الكاوتش القديم اللي كان عنده و كان ماركة اندونيسي مجهولة خالص.. و الجديد بريدجستون ياباني..
محسيتش بالنقطة دي..
وحدة رفع الزجاج مالهاش علاقة بالزجاج الكهربا اللي ورا.. دي كل دورها انها لما بتقفل السنتر الزجاج الكهربا بيقفل..
يعني لو الزجاج الخلفي عادي عمره ما هيقفل.. ولو هو مركب اللي ورا كهربا.ز يبقي كده عك.. و حاجات مش نازله بيها..
و معني كده انها الله اعلم بقي جايب حاجات اصلية مركبها ولا لأ.. و لو كده انت برضه مش ضامن هو عامل ايه و لاعب في الكهربا ازاي عشان يشغلهم.. (بس انا توقعي انها مش مركب زجاج كهربا ورا.)ووحدة الرفع ممكن تركب قدام بس.ز عادي يعني..
العفشة بقي انا مش عارف.ز بس ممكن ف التوكيل و انت بتكشف.. خليهم يقولولك العفشة نوعها ايه.. و حالتها ايه..
و الانواع الكويسة معروفة.. منها مثلا.. كوني.. و دي اللي انا عارفها بصراحة.. و في حاجات تانية ممكن تسأل الاخوة الافاضل هنا يفيدوك فيها..
بس انا معلوماتي ف الحاجات دي محدودة عشان باركب الاستوك علي طول.. مش بالعب ف العفشة..
العربية دي مفيش منها كاربيراتير اصلا.. كلها كومبيوتر..
و الموديل ده اللي موتوره 1200 سي سي.. لو ده هو اللي فيها يعني لو هو مش مغيره.. فيه كومبيوتر.. و مفيش فيه اي مشاكل..
و زي الفل.. و محدش بيغيره.. اللي انت تقصده ده بتاعا لعربية ال1000 سي سي.. و ده اللي ممكن يبقي فيه مشاكل.. مش ال1200 نهائي..
يافندم لا شكر علي واجب.. مفيش تعب ولا حاجة.ز
و هاقولك حاجة مهمة بقي.. لو انت ناوي تركب العربية دي فترة طويلة.. يبقي متاخدش العربية دي..
ليه.. عشان دي واضح انها عربية شاب.. و مغير عفشة رياضية.. وده ممكن يكون مؤشر علي ان العربية مبهدلة شوية.. حتي لو مش باين عليها..
الاستعمال العنيف يعني.. لو هتركب العربية دي فترة.. يفضل تاخد عربية واحد كبير.. او واحدة ست.. و يا سلام لو تكون كبيرة..
عشان بيبقي مشاكلها اقل.. (وطبعا مش مقياس.. الكشف اهم حاجة..) بس دي بتبقي معروفة يعني متاخدش عربية شاب و متجنظة و متسقطة و الكلام ده.. عشان هتبقي حتي لو دلوقتي كويسة.. هتفتح بقها قريب..

[mr_corsa]

زى دى كدا

[mr_corsa]

[A.Saad]

لااااااااااااااااا
انت اروش برة
هوة كان مروش الحاجات الداخلية

[Ahmad Allawy]

ما شاء الله تبارك الله..
العربية شكلها جميل جدا..
ربنا يحفظهالك و يباركلك فيها..
الجنوط للي كان بيسأل عليها مومو 14 و تمنهم حوالي 2000 جنيه.. عشان واحد قريبي كان شاريهم من فترة قريبة.. مش كده ولا ايه؟..؟
ولا انت جيبتهم بسعر ارخص؟؟
الاكصدام اللي قدام معمول حلو جدا.. و اشيك ما فيه انه واخد اللون الاسود المطفي المط الاصلي بتاعه.. ابقي قولي عملته فين..

[bmya]

معلش ياباشا ممكن تقولي الجنط ده مقاس كام وبكام وجايبه منين وهو Momo ايطالي ولا صيني

[Ahmad Allawy]

الموموالصيني كان تمنهم حوالي 2000 جنيه..
و كويسين جدا.. و تقريبا مفيش فيهم مشاكل خالص..
و الايطالي اللي اعرفه انهم اغلي بكتير من كده..

[bmya]

ايوه ياباشا يعني ده مومو اصلي بس صناعه صيني ولا هو صيني تقليد للاصلي
لان انت عارف الصين تلاقيهم عاملين حاجه نفس الاسم مع فرق مثلا حرف او حرف عاملينه بشكل مختلف بحيث الناس تتلخبط
انا شوفت مثلا جنوط Mome مكتوبه نفس الفونت بتاع كلمه Momo حاجه تقرف الصين دي

[Ahmad Allawy]

ايوه ياباشا يعني ده مومو اصلي بس صناعه صيني ولا هو صيني تقليد للاصلي
لان انت عارف الصين تلاقيهم عاملين حاجه نفس الاسم مع فرق مثلا حرف او حرف عاملينه بشكل مختلف بحيث الناس تتلخبط
انا شوفت مثلا جنوط Mome مكتوبه نفس الفونت بتاع كلمه Momo حاجه تقرف الصين دي

هنستني صاحب العربية بقي يأكد لينا الكلام ده..
بس اللي اعرفه قولتهولك.. و الجنوط دي شكلها نضيف مش المضروب..

[محمد أنور]

ممكن اعرف الجنوط المومو بتتباع فين ؟ عشان انا عربيتي لانسر بوما و ناوي اجنطها قريب إن شاء الله

[Ahmad Allawy]

والله اللي اعرفه و شوفتها عنده كتير..
ارابكوم اللي في طريق النصر مدينة نصر قدام النادي الاهلي..