ال snow mode مبيفصلش!

[muhammad.askar]

السلام عليكم يا رجالة

معايا فيكترا A 1995 اوتوماتيك. مؤخرا زرار ال snowflake اللى جمب عصاية الفتيس منور مبيفصلش حتى اما ادوس على الزرار. حد يعرف ده ممكن يشتغل لوحده ليه و حله ايه؟

انا فهمت ان ده بيخلى العربية تبتدى على 2 بدل 1. كده الديسك عمره هيقل لو انا فضلت ماشى عليه اعتقد.

شكرا :)

[muhammad.askar]

اى افكار يا جماعة؟ العربية طلعت بتبتدى عالثالث مش الثانى! :(

[Mahmoud Nasr]

جرب تشغل ال سبورت مود (Sport Mode) ده لازم يفصل ال (Winter Mode).
لو منفعش يبقى حاول تشيل كابل البطاريه و رجعة تانى.

[muhammad.askar]

متشكر يا محمود باشا على الرد و آسف اذا طولت على ما أرد عليك ... كنت عايز اتأكد من الموضوع:

ال sport mode معملش حاجة لكن لما فصلت البطارية و رجعتها بقت اللمبة ساعات تنور و ساعات لأ. مشيت شوية بالعربية و جربت النقلات 3،2،1 و حسيت بعد شوية لعب ان دراع الفتيس بيخلى اللمبة تلمس مع هزته يمين أو شمال

حاليا النور مطفى و كله تمام بس هستنى يومين اتأكد -- شكلها الزرار كان بيلمس

الغريب ان المانيوال بتاع العربية مكتوب فيه ان ال winter mode بيتفصل بطريقة معقدة كده (تدوس الزرار و تجيب حاجة غير D و تدوس بنزين kick down مرتين! وصفة سحرية يعنى :D )

شكرا ثانى يا باشا :)