عداد ال rpm لا يعمل

[Mahmoud Nasr]

عداد ال RMP مش شغال,

وصلت جهاز OP-COM لاقيته بيقرا ال Idle speed و كل قرايات ال RPM كويس.
كده العيب مش فى الحساسات.
قلت أكيد العداد:
فكيت التابلوه و بدلت موتور عداد مؤشر البزين مكان ال RPM طلع شغال وبرضوا ال RPM مش شغال.
كده العيب مش فى العداد.
مش عارف أدور فين بعد كده الصراحة,
روحت لواحد عنده Tech2 حاول يبرمج ال Idle Speed بس العربيه رفضت التعديل.
أرجوا الإفاده.
ألعربيه أسترا H 2008
و شكرا.

[Mahmoud Nasr]

طيب عشان أسهل الموضوع شويه, هى المشكله ممكن تكون من الضفيرة؟
أروح لمين كهربائى ولا ميكانيكى؟
مين أحسن واحد يفهم فى الموضوع ده؟
و شكراً.

[ashourashour]

لو الموضوع حصل فجأه فالغالب جدا ده عداد

لو تعرف تجرب عداد تاني

ولو روحت لحد اول حاجه هيعملها هيجرب عداد تاني

لو رسيت على عداد هتحتاج السيكيورتي كود

[Mahmoud Nasr]

لو الموضوع حصل فجأه فالغالب جدا ده عداد

لو تعرف تجرب عداد تاني

ولو روحت لحد اول حاجه هيعملها هيجرب عداد تاني

لو رسيت على عداد هتحتاج السيكيورتي كود

أولا شكرا جزيلا على الرد.

هى المشكله مش جديده بس أنا شارى العربيه كده و كنت متوقع إنه عداد و قلت أبقى أصلحه بعدين.
انت تقصد هنا بالعداد كبورده مش موتور؟
أصل أنا غيرت الموتور بتاع العداد و مفيش نتيجه و أخدت الموتور القديم وحطيتة مكان مؤشر البزين لاقيته شغال كويس.
البورده بتاعة العدادات شكلها كويس مش باين أى شورت أو دراى, بس طبعا فى إحتمال تكون فيها مشكلة.

المؤشر بيتحرك حركة بسيطة جدا مع التشغيل ويوقف على كده.

هل فيه إحتمال تانى قبل ما أغير تابلوه العدادات كله؟

بالنسبة لموضوع السكيورتى هاحاول أفك ال EEPROM بتاعة التابلوه و أعملها Dump و أشوف يمكن يطلع معايا.