إعـــــــلان

Collapse

.

,
See more
See less

نويت اغير من سيفك لاسترا وارجو الافادة

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    نويت اغير من سيفك لاسترا وارجو الافادة

    السلام عليكم
    معايا هوندا سيفك 2007 عامله 85 الف كيلو وانا بصينه صيانه منتظمه هيا بصراحه مريحانى اوى. بس انا نفسى اغير واركب الاسترا الجديدة
    اتعرض عليا واحدة 2013 برو وجوة وممكن ادخل عربيتى معاة. انا عربيتى بتكلم فى 115 وهوا بيتكلم فى 140 الف. طبعا عايز اعرف التغيير لصالح مين ولوهكشف على العربيه اكشف فين وايه اهم حاجه ابص عليها فى الاسترا
    يا ريت المساعدة ضرورى
    الكلمات الدلالية (Tags): اغير, الافادة, سيفك, لاسترا, من, نويت, وارجو
  • #2
    من وجهة نظري لو السيفيك مريحاك و مش بتشتكي منها خليها افضل ..... الثبات و العلو عن الأرض و الخامات الداخلية ممكن تكون افضل بس السيفيك موتور اقوى و طابلوه رياضي و أوسع .... و لو عاوز تغير فعلا استنى الشكل الجديد افضل كتيير ... اخف 200 كيلو من الموديل الحالي و أوسع من جوه مع تصغير الحجم الخارجي و تحكم افضل و طابلوه اشيك من وجهة نظري .... ادخل شوفها Astra k
    [B][SIZE="5"]اخوكم عبدالرحمن طه[/SIZE][/B]
    [SIGPIC][/SIGPIC]

    Comment

    • #3

      الهوندا مش أغلى العربيات الياباني من فراغ..

      موتورها قوي.. معمرة.. صيانتها قليلة.. أعطالها تكاد تكون معدومة.. هندستها بسيطة وغير معقدة.. تكاليف تشغيلها قليلة نسبيا.. ثباتها عالي.. واسعة.. شكلها جذاب.. قابلة للتعديل بسهولة..

      لو رحت لأي ماركة أوروبية هتفتقد أولا مسألة الأعطال القليلة.. وهتضطر تتعامل مع هندسة معقدة عن قصد.. وتكاليف تشغيل أعلى بالطبع.

      عايزك تسأل نفسك سؤال بسيط.. ليه العربيات الياباني عموما ( والهوندا خصوصا ) منتشرة في كل مكان في الدنيا في حين إن الأوروبي مش منتشر غير في أوروبا؟؟


      ...
      [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
      [I]مَثَلٌ صينِيّ[/I][/QUOTE]

      [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
      [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
      [/SIZE][/FONT]
      أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
      [SIGPIC][/SIGPIC]

      Comment

      • #4
        الاوبل انا من راي افضل عربية عالية عن الارض اداء جميل مطلوبة اكتر فى السوق

        Comment

        • #5
          اول مرة اشوف واحد ينزل من هوندا ل اوبل .
          لعلمك ح تضحى بحجات كتير
          بس انا زعلت بجد

          Comment

          • #6
            التغيير حيكون لصالحه هو طبعا اللى كسبان الهوندا
            بصراحه حرام

            Comment

            • #7
              انتوا بصراحه ناس زى الفل
              بس يعنى الهوندا ال2007 احسن من الاسترا 2013؟؟ بصراحه انا لما دخلتها اتوهمت وفى نفس الوقت الهوندا بعشقها من جوة ومن برة عامله زى اليخت بنت اللذينه. بس مشكله وطوها مدايئنى وانا اصلا كدة كدة اتعودت على التغيير كل فترة. مع العلم بان الهوندا عمرها ما زعلتنى والحمد لله مرحتش بيها عند ميكانيكى ولا عفشجى من حوالى 4 سنين هيا مرة واحدة غيرت جلب المقصات واعدة الموتور وصلحت علبه الدركسيون. بس غول على الطريق وثبات وفخامه ووسع وشياكه. بس الاسترا الجديدة بردو خطفانى وخايف اجرب اندم
              طب تنصحونى بايه لو حبيت اغير

              Comment

              • #8
                اقولك بصراحه ... انت دلوقتى معاك عرببية ممتازة و شكلك عاوز تغيير ... و ده حقك طبعا بس مش حينفع تاخد كل حاجه فى الدنيا دى يبنى ... يعنى حتاخد تابلوه فخم و عزل و راحه و ركوبه حلوة ... بس انسى الشد نهائى و انسى الاعتماديه بتاعة اليابانى و اعمل حسابك على قطع غيار غاليه و صيانه غاليه و توكيل اوحش طبعا و استهلاك بنزين الله اعلم و استخير ربنا و هاتلك موديل 2013 الهوندا الشكل اللى بعد بتاعتك

                Comment

                • #9
                  موديل السيفيك اللي معاك لا يعوض و عاملة 85 الف من وجهة نظري دي بالنسبة للياباني لسة في بداية مشوارها ... و انا قعدت في السيفيك ... بحر من جوه و طابلوه جميل ..

                  الاسترا اجمل و اشيك و انتشرت بشكل رهيب و لكن هتفتقد حاجات كتيير أهمها وسع العربية و سحبها و الاسترا تقيلة على الموتور و الفتيس اللي فيها دول من وجهة نظري فهتحس بفرق ... قطع الغيار الاتنين غاليين
                  [B][SIZE="5"]اخوكم عبدالرحمن طه[/SIZE][/B]
                  [SIGPIC][/SIGPIC]

                  Comment

                  • #10
                    أبعد احسن عن الاوبل فيه مشاكل مع البنزين 92 وفيها مشاكل في الفتيس

                    Comment

                    • #11
                      أستاذى العزيز .. انا شايف انك لا هتاخد حق ولا باطل لما تسألنا .. يعنى رد على حضرتك أستاذ له كل التقدير و الاحترام و قال لحضرتك الاوروبى معقد و غير منتشر الا فى اوروبا و و و (مصر لوحدها فيها اوروبى كتير اوى ) و توقيع حضرته يحمل فكره اللى هو مؤمن به و هو انه لا يحب الاوروبى و له كل حق و استاذنا اللى معاه تويوتا ياريس برضه من رأيه و يصر عليه فى حين اصحاب الاوبل لم يرغموك على إقتناءها .. المهم انت بتحب ايه و عاوز ايه .. انا كان معايا استرا قعدت معى سبعة سنوات و كانت اكتر من ممتازه مع انى كنت شاريها استعمال 85 الف كيلو و غيرتها و بعتها و ما خسرتش فيها صاغ و اشتريت هيونداى اكسنت أر بى و شايفها اكتر رفاهيه و دلع لكن عيالى شايفين انهم يربطوا احزمة الامان مش علشان الحوادث لأ علشان بيطيروا من فوق الكراسي و انا سايق و بأجرى على هاى واى + خوفى عليها من اى كائن يقترب منها على عكس الوحش الالمانى .. لك حق التغيير لو حبيت و جرب
                      [COLOR="Blue"][CENTER]ربى لا إله إلا أنت سبحانك إنى كُنت مِن الظالمين[/CENTER][/COLOR][CENTER]أخوكم / محمد عبد السلام[/CENTER]

                      Comment

                      السابق template التالي
                      Working...
                      X