دخان اسود خفيف عندما يكون المتور بارد

[احمد 777]

السلام عليكم.
العربية (فيكترا بي 1600 متور منصور الاسود) بطلع دخان اسود من الشكمان لما أشغلها وتكون بارده ، هو بيقل كل ما العربية تسخن اكتر، الدخان مش بيختفي الا لما المتور بيقى سخن. كمان صوت المتور بيبقى عالي ومش منتظم طول ما هوه بارد. العادم الخارج من الشكمان مش بيبقى منتظم في خروجه.... بحس كأنه خارج على شكل دفعات لما بحط ايدي قريب منه

ايه السبب واصلحه ازاي

وشكرا مقدما

[shake]

متابع

[احمد 777]

إستهلاك البنزين عالي قوي.... فأنا شاكك في الرشاش.
حد يعرف الواحد ممكن يكشف على الرشاش ازاي؟

[meika]

دخان اسود يعنى عدم دخول الهواء بصورة منتظمة الى غرفة الاحتراق مما يسبب هبو اسود يخرج فى العادم
اما بخصوص خروج العادم بصورة غير منتظمة دة سببة البوجيهات غير صالحة

[احمد 777]

أولا: متشكر جدا
ثانيا: فعلا البوجيهات عليها هباب اسود بالرغم اني غيرتها مرتين (مره جي بور ومره سيراميك ان جي كيه)، الهباب بيتكون في أقل من ألفين كيلو في الاربع بوجيهات زي بعض ووقتها تقطع و تبرجل وأضطر أغيرها، بس هيه بتتملى هباب ليه من الاصل؟
هيه ان جي كيه حرارتها 6 ونوعها مره سيراميك 2 شمعه ومره جي بور بلاتين

[shake]

لو المكنة عندك خفيفة هى اللى بتخلى البوجيهات تقطع بسرعة