اوبل استرا 2005 اتوماتيك

[karimkemo]

السلام عليكم
انا بفكر اشتري استرا الموديل دة بس كل الناس بتخوفني من قطع غيارها وصيانتها . ارجو الافادة لاني معنديش معلومات عن قطع الغيار ومش عاوز اجيب عربية تبهدلني برضو

[Astra Lover]

العربية محترمة جدا اهم حاجة تكون حالتها كويسة ومتكونش متلصمة وصحبها عايز يقلبها وده مش حيبان الا بلكشف الكويس جدا وطبعا ده شامل كشف الكبيوتر على الموتور والفتيس بلنسبه لقطع الغيار عمرى موقفت على حاجة وخصوصا انى من الاسكندرية فى القاهرة الدنيا عندك احسن بلنسبة للجديد والاستعمال عموما الى مش بلاقى برة وده نادر بلاقى فى التوكيل وفى حاجات كتيرة مشتركة بنها وبين الاسترا موديل 2000-2002.
بلنسبة للاسعار قطع الغيار فالاسعار طبيعية زى العربيات الاخرى نفس الموديل مثلا التيل الخلفى 120ج الامامى 200ج اسبانى طانبير gm الجوز كان بحوالى 500 ج الاسعار ديه من حوالى سنتين مش حتكون فرقت كتير. بلنسبة للميكانيكى لازم يكون متخصص اوبل متروحش لاى حد عشان ميخربهاش. وزى مقلتلك فى الاول الحالة ثم الحالة ثم الحالة عشان متأفرفش منها والكلام ده يطبق على اى عربية مسستعملة طبعا.
انا بايع عربيتى من سنة بلظبط 50الف كانت عاملة 105 الف كيلو فيها شوية سمكرة خفيفة وودان فانوس كانت مكسرة والاكصدام الامامى كان متبهدل شوية, بس كان شكلها والله كويس والموتور والفتس كانو ممتازين بس طبعا الى بيشترى لازم يكسر فيها, فخلى بالك عشان محدش يشتغلك فى السعر.
وربنا يوفقك ان شاء الله.