عائد الى مصر الاسبوع القادم وطالبكم فى خدمة

[someonedb]

السلام عليكم ورحمة الله وبركاته

اولا اتوجه بالشكر لاخ فاضل لا اتذكر اسمه فى منتدى مجاور دلنى على هذا الموقع الرائع فجزاه الله عنى خيرا

وكنت اسأل عن نصيحة لشراء سيارة مناسبة لاجواء مصر من النواحية التالية لانى اعيش بالخارج ونازل مصر بعد اسبوع:

1- مناسبة ارتفاع السيارة عن الارض لاعتبارات خاصة بالقيادة بالشارع المصري وخاصة اني اقيم باحدى المدن الجديدة بالقاهرة ومعظم طرقها غير ممهدة بالكامل حتى الان رغم غلو سعر المنطقة ورقيها.

2- نوعية الموتور لا تكون من نوعية Fsi لامكانية التلائم مع استعمال جميع انواع البنزين المتوفرة ولاننى اسافر كثيرا على طرق العين السخنة والاسكندرية .

3- قوة الاداء المحرك وقوة صاج السيارة وخاصة الاكسدامات والرفارف

4- لايهمنى الشكل كثيرا فلا ابحث عن الفخامة او المظهرية فى السيارة

5- السيارة سوف تكون عائلية ولايمنع شوية جري اوقات الفراغ.

6- طبعا تكون استيبل يعنى الاتزان على السرعات العالية.

7- اخر نقطة واهمها يكون سعرها مابين 100 الى 150 الف طبعا انا رفعت المتوسط السعري لاننى بعد جولة هنا عرفت ان الاسعار فى مصر غريبة وغالية جدا مقارنة باى مكان فى العالم انا عشت فيه وسقت فيه عربيات - ماعلينا - النقطة الهامة لانى جربتها وتكويت بنارها من قبل الا تكون السيارة تجميع مصري - اقولها وللاسف الشديد وسامحونى - لكنها الحقيقة المرة فلن انسى ابدا تسييل الدهان على حلوق البيبان ولا كبس الاكسدامات بالفل الاسفنجى .

---------------

الموضوع طلب ومساعدة ممن يعيشون فى مصر لاعطائى النصيحة لانهم فى السوق واهل مكة ادري بشعابها.

--------------

طبعا كنت افكر فى الالنترا وفى السيراتو وفى الاكس ترايل ولكن بعد دراسة للاسعار مقارنة بالفاليو لقيت الموضوع مش نافع خالص لذلك قررت ان اصغر الدائرة على نفسى وافكر بالالمانى فقط واخص بالذكر الاوبل فكترا والباسات وما في شريحتهم لانى لاعلم لى بالموديلات المتوفرة .

-----------
ملحوظة : قد اكون نسيت ذكر شيء معين مثل الاهتمام بقطع الغيار والصيانة وغيرها واتمنى ان يكون الوضع تغير فى مصر واصبح مثل الخارج .

ايضا اعذرونى لو ان البادجت اللى انا عامله للعربية غير متناسب مع الاسعار فى مصر سواء اقل او اكثر واعتقد طبعا المفروض يكون اكثر لكن الواحد تعود يحط القيمة مقابل الفاليو وهو ده اللى انا حاسس انى ممكن اضعه فى ملكية شىء مستهلك وخاسر بمجرد خروجه من الاجانس.

طولت عليكم فتحملونى

ولكم فائق الشكر والاحترام مقدما ،،،

[Ahmed Selim]

السلام عليكم

أولا تيجى بالسلامة أن شاء الله.......

ثانياً المبلغ اللى أنت حاطه ( 100 الى 150 ألف ) مش كفاية عشان تجيب حاجة ألمانى زيرو سيدان.......يعنى الأوبل الفيكترا أعتقد ب 160 أو 165 بس مانيوال

حضرتك قدامك مبدئياً حل من حلين
1- تجيب حاجة كاسرة زيرو....بمعنى أنك تيجبها مستعملة أستعمال بسيط....15 الى 20 ألف كم مثلاً.....بس هتتعب شوية على ما تلاقيها بس فى المقابل هتقلل من الخسارة اللى بتحصل لأى عربية زيرو.
2- الحل التانى أنك تعلى ال budget شوية أو تجيب عربية شبه ألمانى.....زى مثلاً الأوكتافيا ال A4 أو سيات توليدو.

غير كده معتقدش أنك هتلاقى حاجة ألمانى فى حدود السعر ده زيرو

ممكن برضه تشوف الفورد فوكس مع العلم أنى بأسمع شكاوى كتير من وكيلها الحالى

ربنا معاك

[hero]

انا في رأيي ان المناسب لما ذكرت وخصوصا موضوع الطرق الغير ممهدة..

يبقي تشوف عربية تريوس...كاملة اوتوماتيك هي في حدود 140 االف ...وفيها المميزات الآتية:
1-عربية يابانية 100% من شركة دايهاتسو..وهي ايضا مملوكة لشركة تويوتا المصنع رقم 1 في العالم ...وكثير من قطع غيارها تويوتا..
2-العربية 1500 Cc يعني ضريبة كويسة جدااا...ومعقولة..وكمان استهلاك بنزين معقول جدااا في الفئة دي..
3-العربية واسعه من جوة وشنطتها محترمة....وسيارة عائلية لا غبار عليها...
4-العربية متزنة ومستقرة حتي 120 كم /ساعه ...وانا شايف ان دي اعلي سرعه المفروض تسير عليها سيارة حتي لو كانت 1000 حصان ...لامان راكبيها....
5-يسهل وضع اي نوع بنزين بدأ من 90 وحتي 95 علي حسب معاملتك للسيارة..
6-ودي اهم نقطة العربية ارتفاعها عن الارض حوالي 20 سم...وبالتالي الابواب مرتفعه...ولا تتأثر بمطبات..او ارصفة مرتفعه....ومناسبة لطبيعه الشارع المصري...

طبعا الاختيار الاول والاخير ليك......وربنا يوفقك لما فية الخير ان شاء الله....

[ihab]

اوكتافيا a5 اعتقد انها حاتبقى كويسة خصوصا انها فولكس واجن جروب بس حتة السعر عايزة تعلى شوية

[amr22_00]

هو لو حضرتك مش متمسك بالألماني قوي ممكن يكون في حاجه زي الهوندا سيفيك عربية ممتازة وفي نفس المبلغ اللي حضرتك محدده تقريبا
لكن لو لازم ألماني فممكن تجيب أوبل استرا السيدان الجديدة مش لازم الفيكترا يعني
أو تجيب الفولكس جيتا بس دس برضه هتبقى أعلى شويه يعني 160 او 170 برضه
ربنا يوفقك للأفضل ان شاء الله

[ihab]

octavia a5
اسعارها تبتدى من 153000 حتى 230000
اعتقد انها حاتبقى احسن اختيار و المانى برضه ( فولكس واجن جروب )

[M!NA]

انا في رأيي ان المناسب لما ذكرت وخصوصا موضوع الطرق الغير ممهدة..

يبقي تشوف عربية تريوس...كاملة اوتوماتيك هي في حدود 140 االف ...وفيها المميزات الآتية:
1-عربية يابانية 100% من شركة دايهاتسو..وهي ايضا مملوكة لشركة تويوتا المصنع رقم 1 في العالم ...وكثير من قطع غيارها تويوتا..
2-العربية 1500 Cc يعني ضريبة كويسة جدااا...ومعقولة..وكمان استهلاك بنزين معقول جدااا في الفئة دي..
3-العربية واسعه من جوة وشنطتها محترمة....وسيارة عائلية لا غبار عليها...
4-العربية متزنة ومستقرة حتي 120 كم /ساعه ...وانا شايف ان دي اعلي سرعه المفروض تسير عليها سيارة حتي لو كانت 1000 حصان ...لامان راكبيها....
5-يسهل وضع اي نوع بنزين بدأ من 90 وحتي 95 علي حسب معاملتك للسيارة..
6-ودي اهم نقطة العربية ارتفاعها عن الارض حوالي 20 سم...وبالتالي الابواب مرتفعه...ولا تتأثر بمطبات..او ارصفة مرتفعه....ومناسبة لطبيعه الشارع المصري...

طبعا الاختيار الاول والاخير ليك......وربنا يوفقك لما فية الخير ان شاء الله....

+1
تريوس أنسب اختيار لكل اللي حضرتك قلته...
مناسبة للطرق الوعرة و في نفس الوقت ناعمة و موفرة في البنزين...

هو لو حضرتك مش متمسك بالألماني قوي ممكن يكون في حاجه زي الهوندا سيفيك عربية ممتازة وفي نفس المبلغ اللي حضرتك محدده تقريبا
لكن لو لازم ألماني فممكن تجيب أوبل استرا السيدان الجديدة مش لازم الفيكترا يعني
أو تجيب الفولكس جيتا بس دس برضه هتبقى أعلى شويه يعني 160 او 170 برضه
ربنا يوفقك للأفضل ان شاء الله

الهوندا مش مناسبة لأنه بيقول عايزها لطرق وعرة و كمان تكون مرتفعة عن الأرض...

[NaviGator_13]

طبعا الفلوس اللى انتا كاتبها متجيبش باسات
خليك فى الفيكترا ممكن تزود شوية وتجيبها !

[haythams]

Vectra Automatic 175,000 LE
reasons:
1-Value for money
2-Service center is very good
3- petrol usage is very good 60 liters = 600KM in city 850KM highways (my own experience)
4-large enough for family use

[sab3aawy]

طبقا للمدى السعرى اللى حضرتك محدده وطبقا لاختياراتك التى تركز على المتانة والتحمل ولا تهتم كثيرا بالشكل، وتمشيا مع ميل حضرتك للتكنولوجيا الألمانية انا مش شايف غير سيارة واحدة فقط ينطبق عليها معظم ما ذكرت

الأوكتافيا A4 وسعرها فى حدود ال 120 ألف وينطبق عليها كل ما ذكرت فيما عدا ان محركها بالطبع يعمل بحقن الوقود الالكترونى، لكن عموما لم تعد هناك سيارات مطروحة فى السوق لا تعمل بحقن الوقود الالكترونى سوى السوزوكى ماروتى 800......... :) وهى بالطبع بعيدة جدا عن متطلباتك، لكن عموما بالنسبة للوقود لا تقلق فالسيارات الأوكتافيا a4 تعمل ببنزين 90 وطالع ، كما ان بنزين 80 اصبح شبه غير موجود فى محطات الوقود وبالتالى فما هو موجود فى اى محطة سيناسب سيارتك


البديل الأخر الذى اراه مناسبا لمتطلباتك هى الرينو لوجان Mcv ، ينقصها ان تكنولوجيا تصميمها ليست المانية وانما فرنسية(السيارة مصنعة برومانيا) وتتميز عن الاوكتافيا A4 باتساعها ل 7 ركاب بالاضافة الى شكلها الجذاب وموائمه محركها لأنواع الوقود الأقل جودة ، كما ان سعرها فى حدود 95 ألف جنيه، لكن طبعا محدودية انتشارها ستحكم عليك بصعوبة الصيانات خارج توكيلها، وقله فرص اعادة البيع لاحقا بالمقارنة بالأوكتافيا

هذة هى الاختيارات المتاحة فى حدود متطلباتك وميزانيتك

[someonedb]

السلام عليكم

أولا تيجى بالسلامة أن شاء الله.......

ثانياً المبلغ اللى أنت حاطه ( 100 الى 150 ألف ) مش كفاية عشان تجيب حاجة ألمانى زيرو سيدان.......يعنى الأوبل الفيكترا أعتقد ب 160 أو 165 بس مانيوال

حضرتك قدامك مبدئياً حل من حلين
1- تجيب حاجة كاسرة زيرو....بمعنى أنك تيجبها مستعملة أستعمال بسيط....15 الى 20 ألف كم مثلاً.....بس هتتعب شوية على ما تلاقيها بس فى المقابل هتقلل من الخسارة اللى بتحصل لأى عربية زيرو.
2- الحل التانى أنك تعلى ال budget شوية أو تجيب عربية شبه ألمانى.....زى مثلاً الأوكتافيا ال A4 أو سيات توليدو.

غير كده معتقدش أنك هتلاقى حاجة ألمانى فى حدود السعر ده زيرو

ممكن برضه تشوف الفورد فوكس مع العلم أنى بأسمع شكاوى كتير من وكيلها الحالى

ربنا معاك

الاخ الاستاذ/ احمد مقصود جزاك الله عنى خيرا والله يسلمك ويبارك لك

بالنسبة لل budget انا زى مقولت فى كلامى ان الاسعار مبالغ فيها فى مصر لذلك فطبيعى انى اعلى budget بس مش لدرجة تضيع فيها القيمة مقابل الفائدة منها كما ذكرت لك لان الواحد تعلم كده وعايش على كده.

عموما الخلاصة مش هدفع فى اي عربية اكثر من 150 الف لانى زى مقولت الموضوع مش استثمار وانما سلعة استهلاكية وهى السلعة الوحيدة التى تخسر بعد الشراء بساعة واحدة !!!!

1- معنديش مانع ابدا اجيب حاجة مستعملة رغم تحفظى على المستعمل بس خايف من وجع الدماغ والاعطال خاصة انى مش هكون لسه تاقلمت على مصر ولا على دلع الميكانيكية وكذبهم وجهلهم كان كده زمان على ماتذكر - طبعا مش الكل اكيد - يعنى كنت اتذكر زمان فى التمانينات - اما ميكانيكى جاهل او توكيل غالي جدا. على العموم معنديش مانع فى المستعمل بس ايه راي الاخوة اللى سبقونى ؟

2- موضوع تعلية budget مش هقدر عليه لانه قرار .. والاوكتافيا سمعت عنها كلام كتير اوى حلو بس مش عارف اسعار الاتوماتك الفول اوبشن ايه ياريت لو حد يدينى فكرة عن اسعار الاوتوماتك .

3- طبعا مش تحت شرط الالمانى بس زى مانا قولت محتاج حاجة قوية مش حاجة اتفشخر بيها ولا اتمنظر بيها يعنى اليابانى والكوري يهتم بالتسارع والشكل على حساب حاجات تانية بس برضه لو الاخوة ينصحونى بحاجة جربوها او عارفين اداءها فى مصر معنديش مانع اشوف الموضوع برضه وبالنسة لى الالمانى الاختيار الاول

اشكر لك اهتمامك وجعل الله كلماتك فى ميزان حسناتك

[someonedb]

انا في رأيي ان المناسب لما ذكرت وخصوصا موضوع الطرق الغير ممهدة..

يبقي تشوف عربية تريوس...كاملة اوتوماتيك هي في حدود 140 االف ...وفيها المميزات الآتية:
1-عربية يابانية 100% من شركة دايهاتسو..وهي ايضا مملوكة لشركة تويوتا المصنع رقم 1 في العالم ...وكثير من قطع غيارها تويوتا..
2-العربية 1500 Cc يعني ضريبة كويسة جدااا...ومعقولة..وكمان استهلاك بنزين معقول جدااا في الفئة دي..
3-العربية واسعه من جوة وشنطتها محترمة....وسيارة عائلية لا غبار عليها...
4-العربية متزنة ومستقرة حتي 120 كم /ساعه ...وانا شايف ان دي اعلي سرعه المفروض تسير عليها سيارة حتي لو كانت 1000 حصان ...لامان راكبيها....
5-يسهل وضع اي نوع بنزين بدأ من 90 وحتي 95 علي حسب معاملتك للسيارة..
6-ودي اهم نقطة العربية ارتفاعها عن الارض حوالي 20 سم...وبالتالي الابواب مرتفعه...ولا تتأثر بمطبات..او ارصفة مرتفعه....ومناسبة لطبيعه الشارع المصري...

طبعا الاختيار الاول والاخير ليك......وربنا يوفقك لما فية الخير ان شاء الله....

الاخ هيرو اشكر لك اهتمامك اولا وقبل كل شىء

وبالنسبة لترشيحك للاسف الشديد انه لايناسبنى لسبب بسيط ان التريوس معروف انها تعانى من مشكلة اتزان راسي يعنى العربية عالية جدا بدون قاعدة افقية مناسبة لحملها وده مش راي طبعا ومش عايز اقول سمعته علشان ميبقاش برضه كلام وخلاص وفلان قال وفلان عاد.

انما اتذكر ان السيارة كانت مشهورة فى احدى دول الخليج تحت عبارة جمل بارجل معزة ( يعنى ارجل معيزي شايلة جمل ) وكانت رخصية جدا وغير بياعة ابدا لازيرو ولا مستعمل .

قد اكون مخطىء فى كل ماذكرت والحال تبدل وتغير -- لكنها تحت اي ظروف ولو قلبت فيرارى مش هقدر افكر فيها

اعود واهديك احترامى وتقديرى لاهتمامك بالموضوع وحفظك الله

[Ahmed Selim]

بص يا باشا.....أنا أسمع بس مش متأكد أن الأوكتافيا ال A4 بقت بتنزل مانيوال بس.......هحاول أسألك على الأتوماتيك وهى عموماً كانت فى حدود ال 132 الف جم ( أتوماتيك )
فى برضه حل تانى أنك تاخد عربية مستعملة بسيط من التوكيل ( صاحبها القديم عمل trade in وجاب الموديل الأجدد أو الأعلى مثلاً ) بس فى الحالة دى هيبقى تمن العربية أغلى شوية من تمنها الطبيعى فى السوق بس أعتقد أن الوكيل بيضمنهالك.

أو ممكن أصلاً تجيب عربية ماشية قليل زى ما قولتلك وتكون لسه فى الضمان......يعنى أى حاجة تبوظ لا قدر الله تبقى على التوكيل.

[Ahmad Allawy]

بص يا باشا.....أنا أسمع بس مش متأكد أن الأوكتافيا ال A4 بقت بتنزل مانيوال بس.......هحاول أسألك على الأتوماتيك وهى عموماً كانت فى حدود ال 132 الف جم ( أتوماتيك )
فى برضه حل تانى أنك تاخد عربية مستعملة بسيط من التوكيل ( صاحبها القديم عمل trade in وجاب الموديل الأجدد أو الأعلى مثلاً ) بس فى الحالة دى هيبقى تمن العربية أغلى شوية من تمنها الطبيعى فى السوق بس أعتقد أن الوكيل بيضمنهالك.

أو ممكن أصلاً تجيب عربية ماشية قليل زى ما قولتلك وتكون لسه فى الضمان......يعنى أى حاجة تبوظ لا قدر الله تبقى على التوكيل.

كلامك مظبوط تماما..
الاوكتافيا الايه 4 اللي بيتباع منها دلوقتي مانيوال بس.ز مفيش اوتو..

في حود السعر دي و المواصفات دي.. و الاوتوماتيك..
في الاسترا هاتش باك.. فيها كل ما ذكرته.. بس هي مش سيدان.. و شنطتها مش كبيرة قوي..
بس معقولة..

في برضه الابيزا الجديدة 1600 اوتوماتيك.. و اساسياتها فولكس..
و تمنها في حدود 120 الف.. و الكوردوبا اللي هي السيدان بتاعتها بنفس السعر تقريبا او اعلي حاجة بسيطة..
بس مش عارف ايه نظامها في المطبات العالية.. بس مافتكرش ان في حد اشتكي منها..

[Ahmad Allawy]

+1
تريوس أنسب اختيار لكل اللي حضرتك قلته...
مناسبة للطرق الوعرة و في نفس الوقت ناعمة و موفرة في البنزين...



الهوندا مش مناسبة لأنه بيقول عايزها لطرق وعرة و كمان تكون مرتفعة عن الأرض...

انت بتقرا افكاري ولا ايه..؟؟ :) :)
انت قولت اللي انا عايز اقوله بالظبط.. :) :)