حساس كامه فيكترا 1997

[dead_zone2006]

السلام عليكم
ياشباب انا حطيت عربية كانت لمبه الاعطال قايده ولما حطيتها علي الجهاز وكان قاري حساس كامه فيه مشكله هيا فيكترا 1997 2000 سي سي 2 كامه الايكوتك منوال ولما نزلت الحرفين قالولي حساس كامه الواحد كامه هو هو بيشتغل علي 2 كامه مفيش فرق انا جبته بس لسه مركبتوش فمش عارف كلامهم صح ولا غلط هو تمنه كان 210 نوعه تسيمنس

[Mecha]

طب حل القديم وقارنه
رغم الافضل في الحساسات جديد

[mohamed sedaa]

هو نفس الحساس.
هو حساس الكامة بالمناسبة كل تاثيره ان العربية تتاخر شويه في الدواره لو بايظ غير كده ملوش لازمه لان كومبيوتر العربية يقدر يستنتج وضع الكامه من حساس الكرنك طالما العربية مفيهاش cvvt

[dead_zone2006]

ربنا يخليكم يا رجاله طمنتوني كنت خايف ارجع الحرفين تاني هيا فعلا العربيه كانت بتتاخر في الدواره بس مكنه كانت مبرجله وسحبها وحش ومكانيكي قالي حساس ده هايظبطلك كل حاجه ولا هو بس هايعالج موضوع دواره

[Mecha]

ياباشا ما الحساس معاك، شيل وركب علطول وشوف
بالمناسبه ايه cvvt

[mohamed sedaa]

الحساس ده ملوش علاقه ان السحب وحش.
كقاعدة عامة في معظم العربيات : كومبيوتر الموتور بيبقي متبرمج عليه back up software او برنامج احتياطى لو اي حساس باظ(ما عدا حساس الكرنك وtps و aps )يقدر يجعل العربية تشتغل من غيره كويس بس استهلاك البنزين بيزيد.
ممكن نتواصل بالتليفون افهم منك المشكلة اكتر

[Mecha]

ياريت ال. Ecu يكون جدع اوي ويروح للباك اب
حساس ماب او ماف بيجيب المكنه ارض

[mohamed sedaa]

cvvt اختصار لجملة Continous variable valve timing
ده نظام في العربيات الجديده بيغير توقيت فتح او قفل الصبابات علي حسب السرعة و الحمل علي الموتور عن طريق عمل حركة نسبية بين عمود الكامة و عمود الكرنك

[Mecha]

ايوه ايوه ياباشا، دا في الياباني vvt وترس الديفيرز
مشكور

[mohamed sedaa]

صح كده حضرتك

[dead_zone2006]

انا ركبت الحساس ولمبه الاعطال طفت والعربيه الحمد لله ظبطت وفعلا العربيه كانت بتاكل بنزين ولسه هاشوف بقي الاستهلاك بعد كده