إعـــــــلان

Collapse

.

,
See more
See less

عاوز أغير الموتور ال 1000 سى سى واجيب 1400

Collapse
X
 
  • Filter
  • الوقت
  • Show
Clear All
new posts

  • عاوز أغير الموتور ال 1000 سى سى واجيب 1400

    السلام عليكم

    أولا انا مبسوط بيكم جدا وربنا يبارك فيكم كلكم على المعونة اللى بتقدموها هنا
    ( إن الله فى عون العبد مادام العبد فى عون أخيه)
    ثانيا
    أخوكم فى الله هانى من اسكندرية معايا كورسا 99 1000 سى سى حالتها كويسة جدا كنت حابيعها من اسبوعين بس رجعت فى كلامى لما جربت عربيات تانية.

    انا كنت عاوز حد يفيدنى فى موضوع تغيير الموتور يعنى لو حد فيكم غير موتور ال1000 ب 1400 او 1200 ياريت يدينى التفاصيل ومايبخاشى عليا.
    يعنى التكلفة والحالة بعد التغيير وقطع الغيار وايه الحاجات اللى حاغيرها مع الموتور الجديد وهل ينفع اغير فلتر الهوا واركب الفلتر الا سبور ولا لأ وكدة يعنى

    وشكرا على اللإفادة مقدما

    وبارك الله فيكم

  • #2
    يا اهلا بيك يا هاني بك..
    منورنا و مشرفنا..
    شوف يا باشا.. قس اخت فاضلة معانا هنا بس هي الي عملت الموضوع ده.. و بصراحة بتندم علي انها عملت كده.. عشان وجع دماغ و عك كتير.. و قرف..
    و في كمان اخونا محمد زعتر عملها و ركب موتور 1400 و فضل كويس معاه فترة كويسة.. بس مش عارف ايه النظام دلوقتي.. بس في كام نقطة كده مهمة
    الموتور ال1200 تمنه حوالي 4500 -5000 حنيه بالفتيس بتاعه.. و الكومبيوتر..
    و ال1400 تمنه تقريبا اقل شوية.. يعني يمكن 4000 ولا حاجة.. علي ما اذكر..
    بس في مشكلة مهمة في الموتور ال1400 انه قطع غياره قليلة.. مش متوفرة زي ال1200 ولا حتي ال1000..و اغلبها هيبقي استيراد.. الجديد قليل قوي..
    ولو ركبت ال1400 ممكن تحتاج تعل الفرامل ورا عشان تستحمل الموتور الكبير ده.. موتور قوي
    المهم طبعا العربية هتبقي طيارة.. بس وجع دماغ.. محتاج وقت و فلوس و دماغ..

    لو تقدر تبيعها علي كده.. و تحط مبلغ فرق اقل من اللي هتدفعه بالتعديل ده.. و تركب واحدة نازلة كده 1200 من غير لعب ولا تعديل..

    ممكن تركب فلتر هوا عادي.. بس الافضل انك تجيب فلتر رياضي.. بس من اللي بيركب ف العلبة العادية بتاعتها.. م من الاسطواني ده.. في الفلاتر النضيفة كل الاشكال و المقاسات..

    الموتور ال1200 م جامد قوي ف الدري.ز يعني الموتور ال1000 سي سي اشد.. ف السجب و الجدري..
    قوة الموتور اعلي من ال1200 بتقريبا 5 حصان علي الاقل.. مع انها اقل ف السي سي..
    لكنها ايكوتك.. وفول انجيكشن يعني علي اسوأ الفروض هيكون زي الموتور ال1000 ف الجري..

    ارجو اني اكون قدرت افيدك.. ولو في اي حاجة تسأل عليها اتفضل..

    و اللينك دي فيها تفاصيل التسقيط و التعديل اللي عمله اخونا محمد زعتر

    ودي لينك التعديل اللي عملته الاخت بامبا.. و المشاكل اللي هي فيها دلوقتي..
    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

    Comment


    • #3
      شكرا ياأحمد باشا على اللينكات والرد
      بارك الله فيك
      والله يا أبوحميد

      هى العربية مافيهاش مشاكل بس المشكلة فيا انا لانى واخد على الجرى هى العربية بتجيب معايا 150 بالراحة ومن غير قرص على الموتور بس المشكلة انها كل شوية عاوزة صيانة والحساسات كتيير يعنى ال Air Mass وحساس السلانسيه وغيره لحد ماتوصل لحساس الشكمان
      انا تريبا عندى مشكلى فى حساس الهوا ودة أغلى حاجة فى العربية كلها تمنه تقريبا 1500 جنيه ونادر شوية إستعمال مع انه بيعدى ال 600 جنيه.
      وموضوع الفلتر الاسبور بقول ممكن يظبط الأمور علما بإنى كل 10000 كم بغير كل الفلاتر والزيت والبوجيهات وكل مايمكن تغييره وبعدين فيها عيب تانى عيب الموبينا بتاعتها فيها الكاوتشات بتاعة البوجيهات دى مشكلى لانها ساقطة جوا الموتور ومع السخونة بتتقطع وتسرب كهرباء وتبرجل العربية تخليها تشتغل 2 مش 3 سى سى وبعدين الكاوتشات دى مش بتباع فردانى لازم مع الموبينا والجديدة بتعمل 1100 جنيه والإستعمال بتعمل 600 ومش مضمونة بس همش عارف دة عندى بس ولا فى كل الكورسات ومافيش فى اسكندرية ميكانيكى كويس يفهم فى الأوبل وبالذات ال 1000.

      فياريت لو حد يعرف ميكانيكى كويس فى اسكنرية يدلنى عليه لس يكون بتاع أوبل

      الله يبارك لك ويكرمك على الرد والمعلومات

      Comment


      • #4
        هو انا فاكر ان كان في واحد الاخوة الي من اليكس كانوا بيشكروا فيه جامد قوي كان في طريق المطار علي ما اذكر وكان شغال ف التوكيل كمان
        هاحاول اشوفلك اللينك اللي فيها عنوانه.. بس ممكن حد من الاخوة الاسكندرانية يرد عليك..
        سبحانك اللهم ربنا و بحمدك.. اشهد الا اله الا انت..استغفرك و اتوب اليك..

        Comment


        • #5
          بجد يعنى تبقى عملت معايا كل خير احس انا بروح لواحد معذبنى من فترة كان فى صوت تخبيط تحت ورحت له قالى صقاعدة موتور ووأنا بغسل فى البنزينة بصيت لقيت المصفحة ملمسة فى البودى والشكمان فا روحت عملتهم وراح الصوت يعنى لو كنت طاوعته فى ساعتها كنت صرفت 500 جنيه اونطة

          مش عارف ليه كدة بجد يعنى

          عموما ربنا يكرمك ياباشا ومايوقعكش فى ميكانيكى من اياهم ابدا

          Comment


          • #6
            شوف يا باشا اللينكات دي.. ممكن يكون فيها العنوان..





            و ممكن تسأ|ل الاخ الفاضل ASKAFRAWY
            عشان هو اتعامل معاه وهو من اليكس..
            سبحانك اللهم ربنا و بحمدك.. اشهد الا اله الا انت..استغفرك و اتوب اليك..

            Comment


            • #7
              أنا كلمت كفراوى وكله تمام حايجى معايا إن شاء الله يوم الجمعة عند الميكانيكى اللى فى المطار دة
              دة شغال فى التوكيل حانشوف حايقول ايه

              1000 شكر ياباشا ( عشان أنا لسه 1000 سى سى)

              جزاكم الله كل خير

              وشكرا لموقعنا الحبيب إنه عرفنا بالناس الحلوة دى والله

              Comment


              • #8
                وشكرا لابوحميد لغاية ماأشوفه إن شاء الله

                Comment


                • #9
                  المشاركة الأصلية كتبت بواسطة hanykd مشاهدة المشاركة
                  أنا كلمت كفراوى وكله تمام حايجى معايا إن شاء الله يوم الجمعة عند الميكانيكى اللى فى المطار دة
                  دة شغال فى التوكيل حانشوف حايقول ايه

                  1000 شكر ياباشا ( عشان أنا لسه 1000 سى سى)

                  جزاكم الله كل خير

                  وشكرا لموقعنا الحبيب إنه عرفنا بالناس الحلوة دى والله


                  ياباشا انا فالخدمة احنا اخوات فى المنتدى طالما الواحد يعلاف يخدم ليه لا!


                  علاوي باشا دة لازم نسافرله مرة القاهرة لان فكل المواضيع الاقيه فيها!!ومعلوماته جامدة جدا
                  [SIZE=6][I][COLOR=#000000][FONT=Comic Sans MS][SIZE=6]
                  [/SIZE][/FONT][/COLOR][/I][/SIZE]

                  Comment


                  • #10
                    لا والله يا جدعان متقولوش كده..
                    انا مش باعمل حاجة يعني..
                    و اكتر من نص المعلومات دي عارفها من المنتدي هنا الحمد لله..
                    يعني مش جايب حاجة من برة.. :) :)
                    و تأنسوني و تشرفوني هنا ف القاهرة ان شاء الله.
                    و نعمل مقابلة كبيرة.. نلم فيها اوبلاوية القاهرة كمان باذن الله..
                    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                    Comment


                    • #11
                      المشاركة الأصلية كتبت بواسطة Ahmad Allawy مشاهدة المشاركة
                      لا والله يا جدعان متقولوش كده..
                      انا مش باعمل حاجة يعني..
                      و اكتر من نص المعلومات دي عارفها من المنتدي هنا الحمد لله..
                      يعني مش جايب حاجة من برة.. :) :)
                      و تأنسوني و تشرفوني هنا ف القاهرة ان شاء الله.
                      و نعمل مقابلة كبيرة.. نلم فيها اوبلاوية القاهرة كمان باذن الله..
                      لا متقولش كدة انا اول موضوع ليا فالمنتدى انت اول واحد ترد عليا فيه!!وبعدين انت عامل شغل جامد فالمنتدى
                      يعنى مش الاوبل بس
                      [SIZE=6][I][COLOR=#000000][FONT=Comic Sans MS][SIZE=6]
                      [/SIZE][/FONT][/COLOR][/I][/SIZE]

                      Comment


                      • #12
                        إن شاء الله نسافر له وايه المانع أضبط العربية بس ونطلع سوى على هناك

                        على فكرة ياشباب أنا فعلا فرحان بيكم وبالمنتدى ويارب نكون كدة فى كل حاجة مش فى العربيات بس نخدم بعض ونساعد بعض ( المسل للمسلم كالبنيان يشد بعضه بعضا)

                        وربنا يجازيكم خير على اللى بتعملوه دة إن شاء الله

                        أخوكم هانى

                        Comment


                        • #13
                          احنا كمان مبسوطين جدا بيك يا هاني بك..
                          و ان شاء الله المقابلة الجاية تقدر تشرفنا..
                          سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                          Comment


                          • #14
                            الموتور ال 1400 دا باشا بس مشكلتة قطع غيارة قليلة انا مسقط فى عربيتى 1600 بتاع التيجرا وحلو اوى

                            Comment


                            • #15
                              المشاركة الأصلية كتبت بواسطة mr_corsa مشاهدة المشاركة
                              الموتور ال 1400 دا باشا بس مشكلتة قطع غيارة قليلة انا مسقط فى عربيتى 1600 بتاع التيجرا وحلو اوى
                              الله عليك..
                              طيب ليه مجيبتش ال1600 بتاعها..؟؟ ولا هو نفسه.؟؟ و اللي سمعته ان قطع غياره الموتور ده.. هي نفسها بتاعت الموتور ال1600 باتع الكورسا السيدان.. و اللي اعرفه بقي كمان انه موجود استيراد بالفتيس الايزي ترونيك بتاعه...
                              سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                              Comment

                              Working...
                              X