مواتير استرا موديل 2000

[ah_ar87]

يا جماعه هل في الاسترا 2000 موتور 1600cc استوك مش تسقيط وهل علامه التنين اللي في الطاره تدل علي ان. العربية وارد المانيا وهل الموتور ده هو نفسه اللي في الكورسا السيدان ارجو الرد ضروري لان قدامي عربيه كده بس انا اول مره اسمع بالموتور ال 1600 الاصلي ده بس صاحبها بيقول ده لانها وارد الخارج وبيقول ان هو نفسه بتاع الكورسا السيدان الموتور الصغير الاسود

[mohamed sedaa]

هقولك علي حل بسيط يكشفلك الحقيقه
اي عربيه في الدنيا (اي ماركه واي موديل) لها رقم مميز زي البصمه اسمه VIN اختصار vehicle identification number.
الرقم ده لازم يكون مكون من 17 حرف ورقم. و بيكون موجود علي اي حته ف جسم العربيه .
في الاسترا G هتلاقيه علي جانب القاءم اليمين بين البابين. خد الرقم ده
وانت واقف ادخل علي موقع www.vindecoderz واكتب الرقم ده هيجيبلك كل حاجه تتخيلها عن العربيه زي ما خرجت من المصنع زي -تاريخ الصنع -بلد التجميع -بيانات الموتور والفتيس وحاجات تايه كتير

[shady.punto]

بص ياسيدى انا معايا نفس العربية موديل 2000 ماتور 1200 سى سى
خدها منى وكلام من الاخر
كل الاسترا اللى فى مصر 1200 سى سى عشان منه لله منصور هوا اللى مستوردها 1200 بس
ولكن عشان تكون عارف الاسترا بره مصر فى منها كتير قوى 1400 و 1600 و 1700 و 2000 و 2200 وفى كمان مواتير تربو بامكانيات جبارة ملناش دعوة بيها
اللى بقى بيقولك انها استيراد ده كلام هجص الهجص ولو كلامه صح خليه يوريك الموافقه الاستيراديه بتاعة العربيه واوراق الاستيراد عشان الناس ياخى فالبيع بتقول كلام غريب رهيب مريب يقولك لالالالالالا العربيه دى مفيش زيها خالص الوحيده اللى فى مصر دى مستوردها مخصوص
ولو فليت العربيه هتلاقيها متنيله بستين نيله ومغيره حاجات بالهبل
ده بخصوص الماتور اما بخصوص علامه التنين اللى بتقول عليها اللى فالتاره
العربيات الاوبل بتتسوق وبتتابع فى دول زى ( انجلترا-هولندا-بولندا-ويلز-ايرلندا-بلجيكا) ودول تانيه بس مش فاكرها باسم فوكسهول مش اوبل وعلامة العربية بتكون زى العلامة اللى انت شوفتها عالطارة زى التنين مش علامة الاوبل الشهيرة اللى احنا نعرفها
فوارد جدا انه يكون مغير التاره وموجود عليها العلامة دى
افحص العربيه دى كويس واى استفسار انا تحت امرك

[shady.punto]

انا رفعت صورة لعلامة الفوكسهول نفس العلامة اللى انت شوفتها عالطارة

[ah_ar87]

فعلا هي العلامه دي هو انا هاحاول اشوف حد يشوف لي الموتور ده اتفك قبل كده ولا لأ بس هل هو فعلا نفس الموتور اللي بينزل في الكورسا السيدان 2003-2007 وايه اخبار الموتور ده