سؤال عن عداد كورسا إلي فيه Rpm

[farahat]

سؤال يا شباب المنتدى الكرام :
حد جرب يركب عداد فيه Rpm (فبريكة ) من بتاع الكورسا هاتش باك مكان العداد الأصلي برضه إلي من غير Rpm ؟و هل دة محتاج أي تعديل ولا يركب على طول ، و أخر سؤال لو حد عارف سعره كام ؟

شاكر جداً ليكم كل مساعداتكم مقدماً

[Ahmad Allawy]

والله يا باشا انا العربية عندي نازلة كده.. بس في حاجة..
اللي سمعته انك لازم تجيبلها فردة سلك من مخرج من الكومبيوتر.ز و تشتغل علي طول..
بس بصراحة مش عارف التفاصيل..
و تمنه تقريبا علي ما اذكر كان حوالي 300 جنيه او اقل شوية..

[farahat]

لف شكر على اهتمامك يا باشا ، كدة أنا شايفه مش غالي ، بس المشكلة السلك دة فين و مين و ازاي ؟
يا ريت لو حد يعرف يكمل لنا المعلومة احنا الاتنين

[romeeoo]

كل حاجة موجوده المشكله فى مين اللى حايعرف يوصلها

[Ahmad Allawy]

هو ارخ ابو زهرة بطل يدخل ولا ممنوع ولا ايه..؟؟
هو اللي كان يقدر يفيدنا ف الموضوع ده..
عشان هو شغال بايده فعلا

[msobhy]

لو حضرتك الدنيا عندك زى الدايو هاتكون الدنيا كالتالى
اولا هاتشوف البوبينه عندك مقسومة نصين ولا هيه جزء واحد واعتقد انها عندك جزء واحد
البوبينة بتاخد اشاره من الكنترول بتاع العربية وعليه بتبدء تعالى او توطى الكهرباء اللى داخلة على البوجيهات - كل اللى انت عايزه انك تاخد فرده من السلك ده من غير ما تقطعة وتوصلها للعداد RPM Meter واهم حاجة اننا لازم بنحط دايود مش عارف عندك المفروض رقمه كام لكن احنا بنستخدم فى الدايو1N4004 وبيكون ليه اتجاه علشان تضمن انك تاخد الاشاره من الكنترول فقط بدون ما ترد اى كهرباء ليه
يا ريت لو حضرتك تراجع فى المواضيع المثبته موضوع م/ محمد ممدوح عن تركيب عدادات ال RPM

[Ahmad Allawy]

ممكن تبعت علي الخاص للاخ ابو زهرة..
و تسأله..عشان هو بقاله فترة مختفي..

[Ahmad Allawy]

هو موقوف دلوقتي.. و الله اعلم ايه السبب..
ممكن تبعتله علي الخاص وناخد منه رقم تليفونه..

[msobhy]

طبعا التجربة الاساسية قبل اى حاجة لازم تركب العداد بدون تعديل وتتاكد انه شغال ولا لأ
الفرده اللى انت هاتشتغل عليها هاتلاقى كابل داخل للموبينة واحد كهرباء وده تقريبا قيمتة بتساوى شحن الدينامو بتاعك تقريبا 14 وفرده 0 اللى هيه السالب بتاعك وفرده او فردتين بتوع الاشاره
وعلشان تتأكد انك شغال صح
قشر جزء صغير من السلوك وقيسه مع سالب العربية
اول لما تكون القراءه بين 0.5v to 6.0V يبقى هيه ديه السلوك او السلك اللى هاتشتغل عليه
احب ااكد ان كل الكلام ده بنعمله فى الدايو مش الاوبل

[farahat]

ألف شكر يا شباب على المعلومات الجامدة دي ، بس هي المشكلة إن الموتور عندي Ecotec ، و دة ملوش موبينة ، و كل القصة على كنترول الموتور ، يعني لو طلع مش شغال مش هعرف ألعاب في الضفيرة ، اتمنى لو حد جربها على الموتور دة يقول لنا

[msobhy]

ألف شكر يا شباب على المعلومات الجامدة دي ، بس هي المشكلة إن الموتور عندي Ecotec ، و دة ملوش موبينة ، و كل القصة على كنترول الموتور ، يعني لو طلع مش شغال مش هعرف ألعاب في الضفيرة ، اتمنى لو حد جربها على الموتور دة يقول لنا

حضرتك عربيتك طبعا استرا
اولا فى معلومة و ممكن حضرتك تتأكد منها ان اللانوس والاسترا موتورهم واحد واللى هو E-Tech / Eco Tech
ثانيا الموبينه لازم تكون موجوده لأنها المسؤلة عن الكهرباء اللى خارجة للبوجيهات
المهم ان يا ريت حضرتك يكون معاك السرفيس مانيوال بتاع العربية قبل ما تعمل فيها اى حاجة

[abouzahra]

اسف يا جماعة انا كنت موقوف

بانى بعمل دعاية للشغل بس انا مش قصدى


الموضوع سهل اخى الحبيب وانا عاملة بنفسى فى عربية


بعمل تعديل بسيط من الدفيرة من الكنترول الى لوحة العدادات

بس انت ما تعرفش تعمل الموضوع دة بنفسك لانة بيحتاج بيانات والخ

[msobhy]

اسف يا جماعة انا كنت موقوف

بانى بعمل دعاية للشغل بس انا مش قصدى


الموضوع سهل اخى الحبيب وانا عاملة بنفسى فى عربية


بعمل تعديل بسيط من الدفيرة من الكنترول الى لوحة العدادات

بس انت ما تعرفش تعمل الموضوع دة بنفسك لانة بيحتاج بيانات والخ

ممكن حضرتك تقول الخطوات اللى عملتها / يا ريت لو فى صور

[sseess]

الله ينور يا جماعه مجهود خرافى واللهى

[abouzahra]

ممكن حضرتك تقول الخطوات اللى عملتها / يا ريت لو فى صور

اخى الحبيب لازم متخصص يعمل الموضوع دة مش اى حد