مشكلة في فتيس الاوبل استرا

[Ayman Elmandoh]

السلام عليكم
عندي مشكلة في فتيس استرا 2004 المشكلة بدأت منذ 4 شهور تقريبا العربية وهيا باردة تجيب على d ما تمشيش الا لما تزود بنزين شوية كتير كده ممكن تطلع او الفتيس يدخل في safe mode ف لازم اطفي العربية وادورها تاني تطلع عادي وكله يبقى طبيعي وللعلم كل حاجة بعد كده طبيعية جدا
طبعا الميكانيكية بيقولو نغير فتيس بس اكيد فيه حل
للعلم العربية معايا بقالها سنتين مفيش مشاكل والنفس المشكلة دي مع واحد صاحبي هيا هيا بالظبط بس عربيته فولكس بورا
أرجو الافادة

[man1974]

متابع

[Hesham256]

ايه اخبار اللمض بتاعت الفتيس??
هل كلها مضيئة كانك جايب عالp r nd 3 2 1 مع بعض ولا بتنور عالغيار اللي مختاره بس??
ان شاء الله بسيطة وغالبا السيليكتور سويتش عايز يتنضف بس.

[Ayman Elmandoh]

كل لمبة بتنور مع اختيارها بس وما بينوروش مع بعض

[Hesham256]

كل لمبة بتنور مع اختيارها بس وما بينوروش مع بعض

غالباً كده هيبقي حساس السرعة بتاع الفتيس......حطها علي جهاز عشان تتأكد.

[Ayman Elmandoh]

مع العلم ان حساسات السرعة الاتنين الموجودين على الجير بوكس بتاع الفتيس انا جربت مشاكلهم قبل كده غير حالتنا دي خالص واحد كان بيخلي العربية دايما في Safe mode وبتطلع على التالت والتاني لما حصل فيه مشكلة كان بيخلي العربية تسقط غيارات وانا ماشي
هل فيه افكار تانية

[Hesham256]

مع العلم ان حساسات السرعة الاتنين الموجودين على الجير بوكس بتاع الفتيس انا جربت مشاكلهم قبل كده غير حالتنا دي خالص واحد كان بيخلي العربية دايما في safe mode وبتطلع على التالت والتاني لما حصل فيه مشكلة كان بيخلي العربية تسقط غيارات وانا ماشي
هل فيه افكار تانية

الفتيس ده معروف عنه حاجتين....السيليكتور سويتش وحساس السرعة وبس.
نادر جداً انه يحصل مشاكل في الفتيس نفسه الا لو الزيت اتحرق ولم يتم تغييره نهائياً.
ايه اخبار زيت الفتيس ؟ المقاس مظبوط ؟ الزيت اتغير امته أخر مره؟

[supermike]

روح لواحد اسمة صابر عبد الرحمن اخر شارع جمال عبد الناصر الشارع يمين قبل الارض الفاضية علطول شخص محترم جدا و امين و فاهم كويس و حافظ الاوبل بالمسمار

[Ayman Elmandoh]

روح لواحد اسمة صابر عبد الرحمن اخر شارع جمال عبد الناصر الشارع يمين قبل الارض الفاضية علطول شخص محترم جدا و امين و فاهم كويس و حافظ الاوبل بالمسمار

شارع جمال عبد الناصر ده اللي في الحرفيين ولا فين وصابر ميكانيكي ولا بتاع فتايس ارجو التوضيح

[Ayman Elmandoh]

الفتيس ده معروف عنه حاجتين....السيليكتور سويتش وحساس السرعة وبس.
نادر جداً انه يحصل مشاكل في الفتيس نفسه الا لو الزيت اتحرق ولم يتم تغييره نهائياً.
ايه اخبار زيت الفتيس ؟ المقاس مظبوط ؟ الزيت اتغير امته أخر مره؟

الزيت العربية ماشية عليه لحد دلوقتي 51 الف كيلو من بعد اخر تغيير ومقاسه مظبوط دايما

[haisam ali]

وعليكم السلام ورحمه الله وبركاته
استأذن حضرتك فى سؤالين بس بعد اذنك
الزيت عندك مقاسه مظبوط بين ال min و ال Max بالظبط ؟ ولا لا ؟؟
ثانيا اخر مره حضرتك غيرت زيت امتى و نوعه ايه ؟

[Ayman Elmandoh]

وعليكم السلام ورحمه الله وبركاته
استأذن حضرتك فى سؤالين بس بعد اذنك
الزيت عندك مقاسه مظبوط بين ال min و ال Max بالظبط ؟ ولا لا ؟؟
ثانيا اخر مره حضرتك غيرت زيت امتى و نوعه ايه ؟

الزيت والعربية مبطلة اعلى من max بس انا اعرف انه اقيس زيت الفتيس والعربية واخدة R في الحالة دي بيبقى المقاس على أول max ولما بزوده في اي وقت لاي سبب على سبيل المثال كنت بعمل شغل في العفشة ونزل شوية زيت فتيس واحتجنا نزوده وزاد كتير بلاقيه بينزل تحت العربية يعني المفروض العربية بتنزل الزيادة
ثانيا انا غيرته من اخر مرة ماشي عليه تقريبا 51 الف دلوقتي ونوعه كان موبيل atf320 على ما اتذكر
بالنسبة للمشكلة حد قالي انه ممكن يكون مشكلة في حاجة اسمها valve body ويمكن تغييرها مش عارف ايه صحة المعلومة دي

[Hesham256]

الزيت والعربية مبطلة اعلى من max بس انا اعرف انه اقيس زيت الفتيس والعربية واخدة r في الحالة دي بيبقى المقاس على أول max ولما بزوده في اي وقت لاي سبب على سبيل المثال كنت بعمل شغل في العفشة ونزل شوية زيت فتيس واحتجنا نزوده وزاد كتير بلاقيه بينزل تحت العربية يعني المفروض العربية بتنزل الزيادة
ثانيا انا غيرته من اخر مرة ماشي عليه تقريبا 51 الف دلوقتي ونوعه كان موبيل atf320 على ما اتذكر
بالنسبة للمشكلة حد قالي انه ممكن يكون مشكلة في حاجة اسمها valve body ويمكن تغييرها مش عارف ايه صحة المعلومة دي

زيت الفتيس بيتقاس والعربية دايرة والفتيس عالp أو الn بعد ما تعدي علي كل الغيارات وتستني 3 ثواني في كل غيار تطلع عالp وتنزل تقيس.
المفروض يبقي بين الmin و الmax.
بس خلي بالك ان العربية دي فيها قياس ساقع وسخن والأفضل تقيسه وهو سخن بعد مشوار 15 كيلو مثلاً.